يا أهل أرلنجتون ساعدوني ماعندي Rental history
ساعدوني الله يخليكم أي طالب أو طالبة في أرلنجتون فيرجينيا ، حصلت شقة ورفضوا أني أستأجرها ألا أّذا عندي Rental history وأنا أول مرة أجي امريكا يعني ماعندي history فلذلك اشترطوا إني أعبي أبلكيشن إضافي باسم شخص ساكن حاليا في أمربكا وسبق واستأجر سكن يعني عنده Rental history (مو شرط يحضر).....
أرجوكم ساعدوني صار لي عشر أيام ساكنه في فندق وكل شي هنا غالي جدا جدا وماصدقت
حصلت شقه مناسبه أخاف تروح علي ..انقذوني
رد: يا أهل أرلنجتون ساعدوني ماعندي Rental history
المشكلة هنا بامريكا السكن تشحذين منهم الشي هذا
في اماكن كثيره ماتطلب االي هم طالبينه بس يبيلك تدورين وثانيا موشرط لازم يكون قريب من معهدك او جامعتك المواصلات في فرجينيا مره حلوه من باص ومترو
هذا ارقام مكاتب عقار ممكن يفيدك 7039608900
او 5712760986
او 7036257888
رد: يا أهل أرلنجتون ساعدوني ماعندي Rental history
بالعكس السكن بعيد عن المعهد ,, وأبعد من كذا مستحيل ..
أتمنى ألقى أحد يساعدنا بأقرب وقت ممكن (( الفندق غاااااالي ))
رد: يا أهل أرلنجتون ساعدوني ماعندي Rental history
حياك الله اختي
فيه سكن كثير في الكسندريا وفيه في ارلينجتون بدون الشيء اللي طلبتيه
اذا تبين ارسلي بالخاص
رد: يا أهل أرلنجتون ساعدوني ماعندي Rental history
ام زيد ..... بشكل شخصي احس طلبك فيه مسؤلية كبيره و مااتوقع تحصلين تجاوب .....
لكن علشان ماتاخرين زياده في شركة في ارلينقتون اسمها DittmarCompany عندهم مجموعة عماير مستواها يتراوح بين متوسط الى ممتاز و الاغلب منها انها اقرب من شقتك اللي بتاخذينها و اسعارهم للغرفتين نوم اقل من ٢٥٠٠ و لا يطلبون منك بعض الاحيان ولا تامين.....هذا موقعهم
Arlington Apartments, Apts For Rent Arlington, VA & DC | DittmarCompany.com
تصفحي مجموعة العماير اللي عندهم وتحصلين باخر كل صفحة السعر.....اذكر قبل كم شهر كانو مسوين دعاية لاحد مبانيهم الجديده اسمه Thomas Court في فرجينيا سكوير...اسعار الغرفتين بحدود ٢٣٥٠ و شهرين مجانيات...
Ballston VA Apartments | Thomas Place
حاولي تشوفينهم...واذا بغيتي مساعده بمواقع اي واحد منهم عطيني خبر
تحياتي
رد: يا أهل أرلنجتون ساعدوني ماعندي Rental history
اي مسؤلية الله يهديك!! مجرد معلومات عن مقر السكن فقط وهو في هذي الحالة يعتبر شريك في العقد وليس ضامن (يعني مستقل) ,,, كل الطلاب الجدد يلقون اللي يساعدهم وقفت علي!!
يمينا بالله توقعت اني القى تفاعل كبير , قلت السعوديين هنا يشيلون بعض !!
والله اني انصدمت !! من جد الوضع يضيق الصدر !!
ذنبنا اننا مانعرف احد !! شي غريب
عالعموم شكرا لكم ؟؟؟
رد: يا أهل أرلنجتون ساعدوني ماعندي Rental history
عزيزتي ام زيد..... بمجرد دخول اسم اي شخص بالعقد معناته هو مستاجر للشقه (شريك بعبارتك) ...ومنها انه يملك مفتاح للشقه و مطالب يدفع اجار الشقه عن باقي الاشخاص الموجودين حتى لو ماكان ساكن في الشقه...وسبب انتشار هالطلب هو بكثرت تسرب الطلاب المبتعثين من شققهم قبل انتهاء العقود و عدم التزامهم بالشروط الجزائية .... فصارت المصداقيه لهذي النوعيه من المستآجرين مهزوزه....
وسبب انها مسؤلية لانه لاي سبب قد تتغير خططكم او يصير عندكم ظرف طارئ ،تضطرون تخلون الشقه او ببساطه يمنع دخولكم لامريكا بعد رجعتكم من اي اجازه....بالحاله هذي (الشريك) راح يكون مسؤول ... حتي لو تهرب من دفع اي اجار ... تاريخه الاستآجاري بيتآثر.....وهذا ماله اي دخل بوقفت الناس مع بعض....ما اعتقد انك احتجتو شي وفيه احد ماعبركم....لكن مثل ماقلت لك ياعزيزتي الموضوع مسؤليه...
فنصيحتي لك....استغلى الوقت بمكان ثاني.....يزيد ماقصر وعرض عليكم خدماته ووقف معكم،،،،،فحاولو تتحركون من جهتكم...
اتمنى انك شفتي الموقع اللي اقترحته لك...
اللينكس اللي تحت لصفحتين في الفيسبوك لتجمع الطلاب في منطقة دي سي و فرجينيا....اتمنى من كل قلبي انهم يفيدونكم
Log In | Facebook
Log In | Facebook
تحياتي و كل عام وانتم بخير
ابراهيم
رد: يا أهل أرلنجتون ساعدوني ماعندي Rental history
((اللهم إنا نسألك بحق قوتك وقدرتك أن تيسر لنا امرنا كله, وتعجل لنا فرجنا , اللهم اشرح لنا صدورنا و واهدنا سواء السبيل ))
اشكر كل من تفاعل .. جزاكم الله خيرا
رد: يا أهل أرلنجتون ساعدوني ماعندي Rental history
لا تضيقين صدرك أختي
إن شاء الله بتفرج
ماحبيت أطلع بدون ما اقدم لك مساعده عل وعسى تنفعك
http://www.sacmclubs.org/
هذا موقع النوادي السعودية بأمريكا
ادخلي على ولاية فرجينيا وبعدين المدينة اللي انتي فيها
بيطلع لك رقم رئيس النادي وإيميلاتهم وطرق التواصل مع النادي
حاولي تكلمينهم أو تتواصلين معاهم أو على الأقل تشرحين لهم مشكلتك
وإن شاء الله تلقين مرادك عندهم
الله يسهلها عليك ياربّ ..
رد: يا أهل أرلنجتون ساعدوني ماعندي Rental history
تسلمين حبيبتي روان ,,
ان شاء الله ياربي تنفرج وتتسهل من عند رب العالمين ..
شكرا على تفاعلك وكل عام وانتي بالف خير ..