اخيرا وصل قبولي من MTSU طلب معلومات مهمة جدااااا

اللهم لك الحمد حتى ترضى
ولك الحمد اذا رضيت
ولك الحمد بعد الرضا
ولك الحمد على كل حال



اخيرا وصل قبولي للماستر في جامعة ميدل تنسي ستيت بعد معاناة طويلة

طبعا القبول مشروط بأني اجتاز الليفل 112 في أي ال اس
او اجيب 6 في الايلس


الحين انا في حيرة شديدة لأن حسب ما سمعت ان معاهد أي ال اس سيئة وخصوصا الفرع الي في تنسي
الشئ الثاني ان نظام تدريسهم معقد وما يأهل للدراسة الأكاديمية


اتمنى تصححون لي المعلومات الي سمعتها عن هالمعهد وهل صحيح انه يختلف من فرع لفرع واذا كان كذا وش افضل فرع لمعاهد أي ال اس؟


الفكرة الي في بالي الحين اني ادرس في معهد جامعة واختبر الايلس وابي رايكم وش افضل معهد جامعة في الولايات الشرقية من وجهة نظركم ؟



وشكرا

انصحك تبعد عن معاهد اي ال اس , على الرغم اني ما درست فيها لكنها ليست جيدة و يكثر فيها الطلاب السعوديين , بمعنى اخر صعب جدا تسوي محادثة بالانجلش مع طلاب اجانب سواء اسيويين ولا من امريكا الجنوبية.

أيضا أنصحك تدخل معهد في ولاية ديلاور (ولاية شرقية) , مدينة نيوأرك , معهد ELI < لعدة أسباب :
1. معهد اكاديمي تابع لجامعة .
2. طلاب الانترناشيونال كثير ومن جنسيات مختلفة.
3. كفاءة المدرسين عالية و عالية جدا .
4. يعودونك على الانتظام بالوقت وفي اخذ المواعيد , يعني ما تقدر تدخل على المشرف او المدير الا بأخذ موعد سواء بالتلفون او بالايميل. أحس هذي النقطة من صالحنا (طلاب الماستر)
5. كفاءة الطلاب قوية جدا لأن نسبة كبيرة منهم مبتعثين من برامج اخرى غير برنامج الملك عبدالله.
6. تعتبر من الولايات اللي ما فيها ضرائب (إقرأ أكثر عن تفاصيل الضرائب في المواقع المخصصة لها)

الله يوفقك ويكتب لك اللي فيه الخير

أبيك تدعي لي تكفى , انتظر قبول ماجستير و وضعي مزري جدا

المعاهد الجامعية تنفع اللي لغتهم الانجليزية فوق المتوسطة .. أما المعاهد التجارية تناسب اللي لغتهم متوسطة و أقل لأن التطور يكون أسرع بالتالي نظام كل شهر ليفل يكون مرة مناسب لهم
أنا اقترح عليك إنك تركز على إنك تجيب 6 في الآيلس أسرع و أضمن من إنك تقعد في المعهد إلين آخر ليفل .. 6 أبدا مو صعبة

معهد اي ال اس اللي بمرفسبورو ماعليه مو بطال
انا ادرس فيه ولاعكس استفدت منه كثير

الله يوفقك يخوي salkhalaf ويرزقك ما تمنى

وفعلا معهد جامعة ديلاور خيار ممتاز جدا


وزي ما قالت الاخت Wafii ان 6 في الايلس مو صعبة

أبورِيتّــال الله يحفظك كلامك عن المعهد يطمن

يعني تنصح الواحد انه يدرس فيه ؟

المعهد من افضل المعاهد وماعليه جيد انصحك فيه والله