عرض للطباعة
حبيت استفسر عن معهد Inlingua VA
1-كيف مستوى المعهد لاني مضطرة اروح فرجينيا المرافق متواجد هناك يدرس جامعة واغلب المعاهد في فرجينيا للاسف متكدسة
2-لغتي اقل من المتوسطة وحسب كلام اخوي افضل لي اكون في معهد تجاري ( خاص) كم شهر وبعدها احول معهد تابع لجامعه ... هل كلامه صحيح ؟
3-من خلال خبرتكم كمبتعثين مممكن بعد ثلاث شهور تتحدث القائمة وتكوون هناك معاهد افضل ؟
ان شاء الله ماتقصرون معي لاني جد متوهقه .... يعطيكم العافية
معهد انلنقوا من المعاهد السيئه السمعه مع العلم انه مقفل اذا انتي مبتعثه
ولو لغتك ان شاء الله صفر المفروض تدخلين معهد كويس يطوره مو يخليه مثل ماهو فلو فيه معهد كويس سجلي فيه
مع العلم ان المعهد مو كل شي ممكن تلقين ناس بانلنقوا افضل من ناس ثانيه بمعاهد افضل لان المعهد مجرد وسيله والباقي على الله ثم عليك
ولكن ارجع واقول بصفه عامه المعهد تعبان
بالنسبه للتحديث ما ادري
بالتوفيق
انا الان ادرس بمعهد لادو وبصراحه انا مالي فيه اسبوع
لكن بصراحه اشوف فيه سعودييين كثير جدار
وخاصة انهم حطوني ليفل 3 وبصراحه عدد الطلاب اللي معي قرابة 9 وهم بنتين وحده سعودية والثانية يابانية والباقين كلهم سعوديين ,,)
ولكن كمجرد بداية انا مجبور اني اكمل معه لو 3 شهور على الاكثر ,, لاني دافع لهم خلاص من البداية
وفي حال اني اقدر اروح لمعهد ثاني واسترجع الفلوس والمعهد ماشفت منه تعليم كويس او شفت تعليم بمعهد ثاني افضل ماراح اتردد ان شاء الله
لكن شوفي معهد لادو وفيه معهد نوفا يمدحونه لي والافضل طبعا معهد تابع لجامعه لان تعليم ولغتهم اقوى بكثير ...
وربي يوفقك
وكلمي اخوك يراسل معهد جامعة جورج ميسون ان كان لك فيه قبول نصيحتي لاتوفرينها ابد وروحي وشدي حيلك وربي يوفقك
ويوفق اخوك :)
تحياتي لك
محسن
مشكورين اخواني على الرد
انا من المرحلة الثامنه هالسنه ذي ويوم الجمعه اللي فات نزلوا قاىمة المعاهد فرجينيا مقفله كلها ماعدا ثلاث معاهد انلينقو ا وفرجينيا تك و harriet fulbright college
ايش افضل شي
انا اليوم كنت بالملحقية في فايرفاكس في فرجينيا
ومدخل بياناتي ومن ضمنها محصل معهد لادو ..
معلوماتك غلط طال عمرك ^,^
ما تقفل :)
واظن افضل معهد قالو لي عنه هو معهد جامعه جورج مايسون ...
ما ادري عن صحه المعلومة .. لكن كثير اللي درسو لغة يمدحونه :)
تحياتي لكم
محسن
معهد اللنقوا معهد فاشل بس حلوو للشخص اللي يبي يدرس ع حسابه الخاص اما المبتعث لا وبرضوا معهد فولبرايت معهد تجاري يعني افضل من اللنقوا بشويات وكلهم تجاري
فرجينيا تك بعيد عن المنطقة تقريباً 4 ساعات بينه وبين واشنطن دي سي وفرجينيا
اللي انصح فيه اذا تقدرين تجلسين لين تفتح المعاهد تبع الجامعات بالسمر لان معهد جورج تاون ومعهد نوفا كلهم قفلوا التسجيل حق السبرنق
افضل او في حل ثاني بما ان المرافق راح يكون معاك بنفس الولاية روحي للفريح مسؤل فرجينيا وقولي له
انا مرافقي ساكن قريب من معهد نوفا كمبس اننديل لانه الافضل وجورج ميسن ماعندي خلفيه عنه بس في طلاب كثير حولوا منه على نوفا واعرفهم شخصياً
ملاحظه : اغلبية المعاهد الافضل في فرجينيا تقفلت من الفريح نفسه لاجل يدخل اقاربه بس والناس اللي يعرفهم الباقي يحذفهــــــم بالمعاهد التجاريه اللي الشخص لو يدرس بالسعودية افضل من الدراسة فيها
لانه وربي مضيعة وقت ومحسوب عليك من البعثة لا تفرط بشهر واحد من بعثتك وتندم عليه بعدين انا من الناس اللي فرطت بثلاث شهور بمعهد تجاري والاستفاده ما اظلمهم 10%
ياناس وربي انكم محسـودين من موظفي الملحقيـــــــه انفسهم ولا تثق بكلام المشرف ولا مدير القسم خذ الكلا م من مجرب اذا تبي معهد بفرجينيا عندك جورج تاون الافضل وبعده نوفا كمبس اننديل
غيره مضيعة وقت ما ابي احطمك بس اقولها بكل صراحة الوضع بالملحقيـــــــــه واسطات حتي بالمعااهد
شغله أخيرة للجميع :
يا أخوان اذا تقدر تغير الولاية شوف لك غير فرجينيــــــا بعيد عن موظفي الملحقية وعائلتهم الكريمه وخليهم يشبعون فيها أمريكا فيها 50 ولاية أختار الافضل منها وشوف المعاهد الاقوى وأبدا دراستك
مو شرط تكون بفرجينيــــا لان فيها نسبة غلاا للشخص اللي إعتماده على المكافاًة وفي معاهد بولايات أخرى وربي أفضل من جورج تاون وأفضل من نوفا
سمعت عن واحد في ولاية دلاوير أبحث عنه اذا تبي قريب من واشنطن دي سي لانها مو بعيده مره
وفي ولاية بنسلفانيـا برضوا قريبه من فرجينيـــــا
بالتوفيق للجميع أن شاء الله دعواتكم
الشكوئ لله ما باليد حيله
بحاول اذا وصلت هناك اكلمهم ان شاء الله
كذا والا كذا المعاهد حق الجامعات مايمديني عليها
معهد سي سي سي سي سي سي جداً لو كنتي تحتاجين ترفعين مستواك في اللغة العربية يناسبك !!