هذه مصروفاتي في بوسطن .... وش رايكم ؟؟

اختي عندي شوي استفسارات

انا ارسلو لي ايميل قبل فتره فيه قبول مبدئي بس انا اعتقد انه مايكفي لازم اي توني من الجامعه صح ؟؟ ولا نا غلطان؟؟

وبعد ما ارسلو لي القبول المبدئي عرضو عليا معهدهم وقلت لهم طيب وارسلو لي ابلكيشن حق الاي توني ولمن جيت اعبيه لقيت اني ما اقدر اجي على السمستر الاول وفي نفس الوقت ما اقدر انتظر للسمستر الثاني

عشان كذا قررت اني اجي على معهد تجاري في شهر اثنين او ثلاثه وادرس فيه لين يبدأ السمستر الثاني حقهم واحول عليهم

السؤال هنا

هل اجيب اي توني من معهد تجاري وقبولهم المبدئي يكفي ؟؟ ولا في شي كمان لازم يرسلوه ليا بعد القبول المبدئي ؟؟(( اقصد اي توني من الجامعه))

- - - مشاركة محدثة - - -

اللهم امين يارب وياك

والله يعلم بالحاله انا ولسا هنا حاس بالضغط اجل كيف لو وصلت امريكا

هونها وتهون انشا الله

الله يهونها

لسا باقي لي موضوع عملي والهروب الكبير هههههههههههههههههههههههههههههههههههههههههههه

الله يعين بس نجري ورى الطموح مدري وين بنروح

والله اقولك 4000 الاف دولار شهريا تكفيك وتزود بعد لو تخليها كمان 3000 افضل لك لانه ترى المكان على حسب الولاية

ياهلا فيك ياغالي ..

تقديراتك صحيحه لحد ما ..
لكن انت تناسيت شغلة الضرائب بالمشتريات .. لان هذي هي الحصه الاكبر في الصرفيات ..
خصوصا انت اخترت بوسطن وتعتبر من المدن الغاليه .. لكن اقل نسبيا من نيويورك ..

انا اللي باسألك سؤال ولابد انك تكون مفكر فيه من اول .. هل تخطيطك فقط على مدة كم شهر ؟ ..
لان اذا كنت مخطط فقط على كم شهر لحتى تنظم للبعثه باذن الله .. فهذا غلط ..
والسبب ان الانضمام ممكن يطول وممكن يقصر .. انت ونصيبك ..
فلو فرضنا ان المده اللي راح تنظم فيها هي بعد اربع شهور .. فلازم تكون مخطط على سنه قدام حتى لو تاخر انضمامك للبعثه الا انت حاسب حساب هالشيء ..
لان التخطيط فقط على اربع شهور ممكن يكون مشكله كبيره لك ولعائلتك ..

لازم دائما المبلغ اللي تحسبه تحط عليه زياده لاتقل عن 30% من القيمه الاصليه ... هذا تحسبا لاي طوارئ او اي شيء ممكن يزيد عليك ..
اما ان يكون نفس حسبتك .. او اذا زاد الا انت حاسب حسابها توفيها بالزياده اللي حطيتها ..
الزياده ولا النقصان ..

ايضا لابد تاخذ نصائح الاخوان بعين الاعتبار مثل مسألة التامين والمواصلات ..
ايضا لابد ان تحط ميزانيه للسياره لو كنت تبي تشتري سياره ..

اما سؤالك عن القطارات والباصات .. فهي مختلفه تماما عن كندا ..
كلها على حده ..

اشتراكات الميترو تختلف عن اشتراكات الباصات ولا لها شغل في بعض ..


اما عن الاكل اللي بتجيبه معك .. فما يحتاج راح تلاقي بقالات عربيه قدامك بتلاقي فيها اللي تبي من جبنة بوك الى الفيمتو .. حتى لبن الشنينه موجود ..
الرز عندنا فيه كل الانواع .. وافضل نوع جربته هو رز باب الهند ..

والاخوان اللي ساكنين قريب من منطقتك اللي بتروح لها او بنفس المنطقه راح يفيدونك اكثر بهالمواضيع ..
ولو تتعرف على احد قدامك هناك يكون عنده معرفه بالمنطقه ويساعدك فيها يكون افضل لك .. وبتلاقي اهل الخير واجد ماهم مقصرين معك ..


هذا والله اعلم ..

اهلين اخوي

اولا يعطيك العافيه لأنك فعلا اسعدتني بمشاركتك

انا يا اخوي حاسب حسابي لأكثر من سنه ان شالله بس على يكون بحدود المبلغ هذا 4000 دولار ان شالله بتكفي لأكثر من سنه

وبخصوص التاكس انا معتمد على كلام صاحبي يدرس هناك وتقريبا انا اعرف نمط حياته لاننا مثل الأخوان وتقريبا تربينا سوا هو موجود هناك مع اخواته الثنتين ويقول نقضي بحدود ال300 دولار شهريا ومحد ياكل من برا غيره هو ونادرا اذا كان مع اخوياه او اذا ضطر انه يشرب شي من برا

وهم ثلاث كبار ماشالله وانا زدت من عندي 100 وخليتها 400 مع اني اشوف اني بحكم اني متزوج فنظام اكلي اكثر التزاما واقل كميه منهم والله اعلم فأعتبر زايد عالبيعه في المصروفات 100
موضوع المواصلات تقريبا الين انضم ان شالله للبعثه ما راح اخذ سياره وراح احاول قد ما اقدر اني اعتمد على نوع واحد من المواصلات يا القطار يا الباص وهذا يعتمد على مكان سكني ان شالله وحطيت ميزانية البطاقه طبعا ثنتين 150 على اساس ان الوحده ب 75

وبخصوص ألاشيا اللي بجيبها معاي والله انا عارف اني راح القا كل شي بس من باب اكمل كيلوهات في الشنط لاني مؤمن بموضوع قلة الملابس بالذات في الدول الأمريكيه والاوروبيه يعني 4 جنزات على 4 تيشيرتات على جاكيتين على شراريب على ملابس داخليه وبس غالبا وبرضو هذا الكلام مبني على تجارب سابقه لي هناك

وبعدين في اشياء ما تشتريها شهريا زي الرز يجلس اكثر من شهر والدقيق برضو والاندومي لانها مو من الاشياء اللي اعتمد عليها يوميا تكاد تكون من 3 الى 4 مرات اسبوعيا تنفع لو اخذتها من هنا فيصير اوزع ال400 دولار على اشياء باقيه وعلى فكره برضو هذه طريقة مجربه هنا بالسعوديه انا دايما اسويها لاني من ذوي الاوفر تايم هههههه لمن ينزل لي الاوفر تايم اقضي بقرابة 1000 ريال سعودي ولا كأني داخل حرب هههههه وتلقاني الشهر اللي بعده غالبا ما اقضي مع اني قبل كذا كنت اقضي شهريا بقرابة 700 ريال او اكثر بشويه واشياء تزيد واشياء تتنسي في الدواليب ونكررها وكذا يعني

فعشان كذا لازم اشيل معاي راس مال من الاغذيه ههههههههه وتكون من الثوابت <<<<< مخ تجاري بحت هههههههههه

الله يسهلها وانا اخوك والله ان الموضوع مو بسيط انا عارف لكن ابشرك ان شالله ما من خوف

اهم شي الشيخ يرضع ويلبس حفايظه والمعزبه اسوي لها تأمين عشان تولد هناك وانا ادبر اموري ان شالله

امانه كان عندك معلومات عن التأمين اتمنى تتواصل معاي هذا اكثر شي مقلقني هذه الفتره لأني ماكنت حاسب حسابه

هو مسألة مبلغ المقاضي عادي يكفي ويزود بعد .. لانه يعتمد على احتياجاتك .. مثلا انا الـ 400$ هذي اقضي فيها كل اربع شهور مره .. ماخلي شي الثلاجه اعبيها غير المناديل والخرابيط الباقيه مقاضي بيت ..
بس بعدها الشهور الثلاثه اللي تجي .. ماتتعدى المقاضي 120$ بشكل شهري .. والسبب اني اركز على الاشياء اللي تطول مثلا المناديل اشتري درزن المنظفات اشتري بالجمله تطلع لي ارخص وتطول عندي تاخذ لها وقت طويل ..
اما الاكل فعادي اخذ على حسب حاجتي .. هي اللي تكون حدود الـ 120$ شهريا هذي بس اكل .. ولكن غالبا فيه بعض الاشياء استبدلها بالمعلبات مثل الطماط والبصل والباميه وهالاشياء حقت الطبخ .. هي نفس الفرش لكن الفرق انها معلبه وتطول معك ..
طبخت بالنوعين ولا لقيت فرق ومسكت خط على المعلبات لقيتها افضل .. ولو حبيت اغير يوم كذا رحت واشتريت ! ..
واللي يقول ان فيه فرق بالطعم .. اقوله يشيك على بهاراته يمكن لها مده مكشوفه والا شي ...

الامور سهالات وانا اخوك اهم شي تكون مضبط وضعك انت واهلك .. لاننا نعرف لو كانت عليك لحالك مافرقت معك الرجال مايعوقه شي .. بس الخوف كل الخوف على الام وولدها يعني هذا اللي دايم نحطه بعين الاعتبار ..

ومادام عندك احد قدامك تثق فيه .. فان شاء الله ماعليك خوف ..

اما مسألة التأمين فما اعرف عن التامينات اللي موجوده في بوسطن .. لان كل ولايه لها شركاتها الخاصه ..
لكن انا سبق وطلعت لي تامين من شركة اسمها Arkansas Blue Cross and Blue Shield
كنت ماخذ تأمين فرد .. وكان التأمين اذكر اني ادفع شهريا تقريبا الـ 65$ ...
اذا رحت للمستشفى ادفع لهم بس 30$ للكشفيه .. وانا كنت اتعالج عند دكتوره تعالج العائله اللي كنت معها وتعطيني وصفات ببلاش بس هالثلاثين دولار في ظهري ..
بس لو احد غيرها يعطيني وصفه ازيد فوق هالثلاثين ثلاثين ثانيه ..
والتامين يغطي باقي المصاريف ..
ايه صح عيادة الاسنان تامينها منفرد .. كانوا معطيني بطاقتين وحده للاسنان ووحده عامه .. حتى كنت اتلخبط بينها دايم ..
وطريقة تامين الاسنان تختلف شوي ..
هم ياخذون تقريبا حدود 29 دولار شهريا على حق الاسنان ..
بس اذكر ان الخطه حقتي اذا رحت لعيادة الاسنان وسويت تنظيف كانوا يطلبون مني ادفع مايقارب الـ 20% من القيمه الاصليه .. والقيمه المتبقيه تغطيه التأمين ..
بإختصار هم يغطون التكاليف بس مو كلها على حسب الخطه اللي تختارها ..

شوف فيه شغله ممكن تفيدك .. ليش ماتقدم على تأمين طبي من السعوديه ؟
فيه شركات تامين طبي عالمي .. مثل شركة قولف .. ومعتمده في اكبر المستشفيات (يستخدمونه متقاعدين ارامكو وسابك على ما اذكر) ..
اسأل صاحبك خليه يشوف المستشفى اللي عنده اذا يقبل هذا التأمين او لا .. اذا يقبله طلع التامين من السعوديه احسن لك .. لان التامين حق السعوديه اذا ماكنت غلطان يغطي كامل المصاريف ولا تدفع شي للمستشفى .. الا عيادة الاسنان اتوقع ماني متأكد منها لكن بقية الامور مغطيتها ..

انا هذي الشغله لو كانت ببالي وقتها كان بحثت فيها وشفتها .. على اني عارف ان المستشفيات تقبل باي تامين معتمد .. بس عندنا مستشفيات محليه احيانا تدقر ببعض الامور والسبب انها تبي الدفع سريع ..

عموما الله ييسر لك امورك ياغالي ويسهل دربك ..

عجبتني طريقتك بالمقاضي وهو هذا عين الصواب

اما موضوع التأمين تختلف من ناحية البوليصه <<< موظف تأمين سابق

يعني على حسب الفئه اللي تطلبها فيه فئه تدفع 10% وفيه فئه تدفع 20% وعلى كذا

طبعا اللي يروح مستشفيات دايما او انه مريض سكر ويحتاج علاجات دايما ينفع له النوع اللي مغطي جميع التكاليف

لكن ابو سخونه وزكام الحمدلله افضل له اللي يدفع 20 او 30 بالميه بتطلع عليه ارخص واوفر فهمتني

لكن الاختلاف اللي اسأل عنه


عندنا بالسعوديه حسب نظام مجلس الضمان الصحي السعودي فالتأمين سنوي ومقسم 4 فئات VIP A B C

لكن ابغى اعرف النظام في امريكا شهري ؟؟ سنوي؟؟

واسعاره وهل يفرق لو حامل او لا

ايه نفس الطريقه .. فيه شهري .. وفيه سنوي ..
الشهري عندهم هذا للي فتره مؤقته وانتهينا .. ويكون عندهم ان صاحب التأمين عنده فتره لاتتجاوز الست شهور وينتهي تأمينه او الفتره اللي يحددها هو ..
اما السنوي للي بيكملون معهم بشكل دائم ..هذا مثله مثل اي تأمين سعودي ..

اما عن الحامل .. فايه هم هنا يسألونك اذا زوجتك حامل ولا لا .. لان الاسعار تختلف يحسبون حساب الحمل ياحبيبي هذولا مايضيعون اسامي شوارعهم تبي هالامور تفوتهم .. يستغلون كل شي ..
حتى للمعلوميه .. اي شي دائم مع صاحب التأمين يزيد التأمين معه ... مثلا لو معه سكر او ضغط او من هالاشياء .. فيه شركات تاخذ عليه فائده بسبب ان معه مرض دائم ..
وفيه بعضهم يحدد بس الامراض الخطره مثل السرطان وغيره من الامراض ..

الله يكافينا واياكم ويبعد عنا وعنكم الامراض وشر من فيه شر يارب العالمين ...

هذي فكرة التأمينات عندنا تقريبا .. نفس الطريقه بالسعوديه لكن فيه اشياء بسيطه تختلف مثل اللي فوق !

الله ييسر اخوي

من ناحية ادويه والله شايل معاي ان شالله ثلاث ارباع صيدلية النهدي والسديس هههههههههه

بس الخوف من الولاده المبكره والاشياء اللي خبرك




سلمت عالتعقيب والتواصل حبيبي