أريد المدرسة السعودية في واشنطن لأجل الأطفال ، ما الجامعات القريبة منها ؟

السلام عليكم

أنا الآن في مرحلة البحث عن جامعات و التقديم على برامج الماجستير في الهندسة
و أحد الخيارات المهمة عندي هي أن أبحث عن جامعة قريبة من المدرسة السعودية في واشنطن و هذا لأجل الأطفال الله يحفظهم
طبعا اللي عرفته أن المدرسة ليست في واشنطن العاصمة ( يعني في مقاطعة كولومبيا ) بل على ما أظن في أرلنقتون - فيرجينيا
فإذا فيه جامعات يمكن التقديم عليها بحيث تكون قريبة من المدرسة يكون ممتاز
طبعا ما أقصد قريبة ملاصقة ، بل قريبة إلى حد يمكنني من إني أودي الأطفال للمدارس و أجيبهم و في نفس الوقت أذهب للجامعة و أرجع
المدرسة جنوب واشنطن ، و فيه جامعات شمال واشنطن في ولاية ميريلاند مثل جامعة ميريلاند و جونز هوبكنز و جورج ميسون ، مدري بحسب الخريطة كأني أشوفها بعيدة مرة ، فمدري وش رايكم أنتم ؟
يعني ممكن أسكن أنا في منطقة حول المدرسة ، بينما أذهب للجامعات هذي عن طريق نظام النقل العام ( المترو ) و المدام الله لا يهينها و يجزاها خير أعلمها السواقة و استخرج لها رخصة و يا الله فرصتك يا الحلوة فلّيها قبل ما يخلص الرصيد :D
و إذا كانت الجامعات هذي بعيدة مرة و موضوع التنقلات صعب ، فهل فيه شي في فيرجينيا قريب من المدرسة ، يعني حتى لو مشوار ساعة روحة و ساعة جية ( تراي متعود في الرياض عادي استهلك ساعتين من حياتي يوميا في المشاوير :) بس يمكن تطلع لي مشكلة البنزين )
وش رايكم أنتم و وش اقتراحاتكم ؟
وش الجامعات اللي قريبة من المدرسة ( غير جورج واشنطن اللي هي خياري الأول حاليا ) ؟
شاكرا لكم حسن تعاونكم و تقبلوا خالص تحياتي >>>> حشا ، صار معروض خخخخ

عفوا ، المدرسة السعودية موجودة في الإسكندرية و ليس أرلنقتون
8333 Richmond HWY. Alexandria, VA 22309