تجمع طلاب ولايه جورجيا مدينه اتلانتا

هذي فندقين قريبه من جورجيا تك بس مو مره لكن هذي الاقرب و تقدرون تبحثون عن طريق بوكنق تحطون الزيب كود تبع الجامعه و تبحثون عن اقرب شي

Booking.com: Hampton Inn Atlanta-Georgia Tech-Downtown, Atlanta, United States of America - 22 Guest reviews. Book your hotel now!



Booking.com: Hotel Courtyard Atlanta Midtown/Georgia Tech, Atlanta, United States of America - 5 Guest reviews. Book your hotel now!

مشكور عالموضوع الاكثر من رائع وان شاء الله فيه تفاعل من الاعضاء

يا اخ مازن مشكور وففقك الله

و طيب هل السكن في سكن الجامعه التابع لجامعه جورحيا تيك تمام

وممكن الاسعار عن المجمع اللي انت ساكن فيه وقريب من جامعه جورجيا تيك
ومعلومات عنه

اذا امكن

ياشباب مين قبوله في الجامعه هذي ميرسر هل قبلوه الوزاره في طلب الدراسة علي الحساب الخاص بالجامعه هذي لان هم رفضو طلبي

بالنسبة لسكن جورجيا تك و الله ماعندي خلفية ..

اما سكني اللي انا ماخذه غرفتين و دورتين مياه و انت بكرامه و صالة و صالة طعام بـ 1134 دولار عليهم المويه و التراش تكرمون ..
اما نظام العقد فهو سنوي بس فيه مزيه هي اللي خلتني اخذه انو اولا مافيه تامين ثانيا كسر العقد يكلف ايجار شهر فقط يعني الافضل بالنسبة لي انا اشوفه وكل واحد وذوقه وجيبه

الشقه بدون عفش الا فرش ومطبخ كامل مجهز فرن عيون كهربائي و فرن طبخ مدري ايش يسموه الحريم المهم هو اللي يجي تحت العيون و ثلاجة و غسالة صحون و غرفة غسيل خاصه لكل شقه موفر فيها غساله امريكية توماتيك و فيه برضو مجففة ملابس .. الشقه فيها تقريبا 4 غرف ملابس صغيره بكل غرفة نوم فيه وحده و بدورات المياه فيه اعزكم الله .. و عند الباب فيه غرفة احذيه و جاكيتات اعزكم الله ..

انا العفش كلفني 2300 دولار تقريبا ماني متاكد بس اقول تقريبا من ايكيا سرير مقاس كنق و كومدينتين و تسريحة .. و كنبة كبيره و طاولتين تقديم و دولاب كتب و دولاب تلفزيون محترم .. و فرشه صغيره للصاله ..

اما بالنسبة للامان المدينة امان بس ابعد عن الاماكن المشبوهه و بتسلم يعني تروح لي محطة فايف بوينت اخر الليل اكيد بتاكلها لكن اذا رحت لنفس المحطه ذي بالسياره ماحد يطالع فيك اصلا لكن تروح مشي هنا يبدا عبط المشردين على راسك

طيب يا اخ مازن
انا الان باذن الله انتظر رد المعهد بخصوص السكن الموجود في الجامعه

وكيف الطقس عندكم والاجواء

الله ييسر لك امرك باذن الله ..

اما بالنسبة للاجواء الايام هذي برد حبتين .. يعني تتفاوت درجات الحراره من 3 الى 19 .. بس طقس اتلانتا من اكثر الطقوس تقلبا في العالم ممكن بعز الشتا تلاقي الجو حررر و كتمه و قرف و ممكن العكس بنص الصيف ..

اللي تسويه بالشتا لاجيت طالع الجامعه او تتمشا .. انك تلبس سويتر كم طويل و فوقه بلوفر هذا باذن الله يدفيك من البرد .. بس اذا انقلب الجو و صار حر عادي يكون تشيل البلوفر و تصير رايق .. اما المظله خلها دايم معك حتى لو كان الجو شمس خلها احتياط .. و القلفزات لاتنساها ..

حتنبسط باتلانتا حتطفشك شوي بالجو بس حلو و الناس رايقه و بالايام المشمسة تلاقي الناس كلها قدام بيوتها تسوي باربيكيو .. زي حالتي اللحين جاري اللي قدامي طالع يشوي ع السطح و قعدت اسولف معه شوي و عزمني و اللحين رايح له اتغدا عنده .. و بالعصر السعوديين متجمعين رايحين ستون ماونتن هذا جبل متجلد .. شباب ع بنات و بدون اي حساسيات كلنا بغربه و نبي احد نجتمع معه و نسولف لغتنا الام معه نحس انا بالسعوديه ..

السلام عليكم
شباب الله لا يهينكم , بسالكم عن الجامعه تخ
صص صيدلة اذا في احد لا يبخل علينا تكفون
بانتظار الرد
شكرا لكم .....

والله اتمنى احد يفيدك بخصوص الجامعه والتخصص
لان ماعندي خلفيه

- - - مشاركة محدثة - - -

اخوي مازن

لو تكرمت ترتب لنا افضل مناطق السكن وتكون قريبه من جامعه جورجيا تيك
ليسهل على الاخوان بس

تعبناك
تحملنا

الله لا يهينك اخوي مجتهد
يكفي ردك بيض الله وجهك
الله يوفقك يا رب و ييسر لك امورك