الأعضاء الإشتراك و التسجيل

الملتقيات
ADs

تجمع طلاب ولايه جورجيا مدينه اتلانتا

تجمع طلاب ولايه جورجيا مدينه اتلانتا


NOTICE

تنبيه: هذا الموضوع قديم. تم طرحه قبل 1771 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مجتهد99
    مجتهد99

    مبتعث مجتهد Senior Member

    مجتهد99 الولايات المتحدة الأمريكية

    مجتهد99 , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى هندسة حاسب , بجامعة خريج
    • خريج
    • هندسة حاسب
    • ذكر
    • ksa, جورجيا
    • السعودية
    • Sep 2011
    المزيدl

    February 8th, 2013, 07:46 AM

    السلام عليكم ورحمه الله وبركاته

    اتمنى من الذين وجهتم الى ولايه جورجيا

    التجمع هنا وتبادل الخبرات في

    السكن
    والمعهد
    والمواصلات

    انا باذن الله راح تكون دراستي في شهر مارس في معهد جورجيا تيك
    بس الى الان لم اجد حل في موضوع السكن لانه حاط في بالي اسكن مع عائله والى الان لم اجد

    اتمنى الافاده من الاخوان في موضوع السكن
  2. اهلا اخ مجتهد انت باقي ماوصلت ..

    بكره بجيب لك رقم عائله تتواصل معهم بس كيف طريقة الايجار انا مادري و بجيب لك رقم طالب سعودي ساكن عند العائله ..

    الطالب يدرس في تك و اللي عرفني عليه هي بنت تدرس معي بجورجيا ستيت من جنوب اسيا والاثنين ساكنين عند عائله وحدة و قبل كم يوم جاتني البنت تقول تبي سكن بنفس مجمعي و عشان كذا انا دريت انها كانت ساكنه عند عائله فحكلمها عنك و اشوف ايش الطريقه للتواصل معها او مع الطالب اللي بجورجيا تك

    واذا تبي سكن لحالك فيه مواقع للسكن كثييييره باتلانتا اشهرها ويست مارت 50% من السعوديين ساكنين فيه لان فيه ميزه الدفع بالشخص مو بالشقه يوفر لك الكهرباء و الماء و الغاز و المواصلات تقريبا بـ 600 - 700 دولار ..
    اما الباقي فاغلب الناس ساكنين في مجمعات سكنية بالشمال بعيده عن المدينة تقريبا عشرين دقيقه الى نص ساعه بالقطار .. لانو خايفين من الداون تاون .. و الميد تاون ايضا !

    المهم انا بحاول اجيب لك رقم الطالب وتتواصل معه و انت قرر وش تبي و حاول تستفسر منه عن الجامعه و تاخذ منه اكبر قدر من المعلومات لانه نفس حالتك طالب مستجد .. ماله شهر و نص و حينفعك بالبدايه بعدين انت ابدا تعلم ..

    وبالتوفيق لك


    بالنسبة لي ..

    السكن : سينتينيال بلازا .. [ بجدار الاكواريوم ]
    المعهد : IEP المعهد المعتمد من جامعة جورجيا ستيت واللي تحت ادارتها .
    المواصلات : شريت سياره بـ 7000 تقريبا . وفيه ارخص بس لاتستعجل زيي و بتلاقي كل خير .. انا كان عندي ضرف و عشان كذا استعجلت بالسياره ..


    للان انا لي شهر بالمدينة و بديت دراسه و اختبارات و الحمد لله راحة نفسيه و روقان و الصرفيه كويسه مو زي اخواننا بالولايات الثانيه يشتكون .. اما بالنسبة للترفيه بالبرد اتوقع مافيه الا الاماكن المغلقه .. وبالصيف كل المدينة ترفيه و جنبك فلوريدا .. اما بالنسبة للتحذيرات اللي على الداون تاون و المشاكل .. طبعا الواحد ياخذ حذره ولا يمشي لحاله اخر الليل و لا يروح الاماكن المشبوهه و اذا بتروح مكان باخر الليل خلك بسيارتك او سيارت خويك لان مستحيل احد يتعرض لك و انت بالسياره .. لاتوقف لاحد ولا تتكلم مع اي احد يكلمك لان المشردين يشدونك بالكلام .. على قولة واحد سعودي بمؤتمر قبل يومين حضرناه خلك مكشر ولا تبتسم ابد ..


    السعوديين هنا مشاء الله عليهم كثر الرز لدرجة اني من اروح مول ولا سينما و يسالني اي احد من فين اقول من السعوديه يرد لي بكرمه سعوديه تعلمها من سعودي من كثرتهم واحد يقول لك حبتين و الثاني يقول لك تنكس و الثالث كيف الحال و الرابع السلام عليكم يعني الشعب متعود خلاص على السعوديين و متناغم معهم .. اما بالنسبة للحكومه هنا .. و حطها بين ستين قوس انتبه يوقفك بوليس ترى مايتفاهمون فخلك نظامي و يا غريب خلك اديب و خلك جنب الحيط تسلم .. ترى السجن عندهم زي السوبر ماركت عندنا و خروجه بـ 2600 دولار واحد من الشباب قبل يومين دافعها عشانه يسوق بسرعه و مسكوه و طلع ماعنده رخصه امريكيه و هاتك ياكلبشات .. يعني انتبه لاشارات المشي و الوقوف ترى حتى المشاه اوقات يمشونها و اوقات يعقدونها يعني تمشي على رجولك و قالت لك الاشاره اعبر تعبر ماقالت لك اعبر خلك واقف و حك راسك احسن لك لان اوقات تلاقي بوليس متساهل و يسلك لك و اوقات يمسك و يقول عطني جوازك و يعرف ان لك اكثر من ستين يوم هنا فيطبق عليك العقوبه لانك خلاص تعتبر فاهم بالنظام ..


    اما عن معهدك اخوي مجتهد فهو ممتاز جدا و الكل يمدحة وبتلاقي فيه صفوة اهل جورجيا لانه غالي حبتين و الغلابى هنا مايقدرون عليه فاحمد ربك انك فيه .. بس انتبه لشي في هالمعهد ترى اذا تاخر الضمان المالي او التامين او سويت اي مشكله فهم مايتفاهمون معك و يفصلونك ولا يبلغونك حتى الا بعد يوم من فصلك .. حصلت لواحد اعرفه ونقل عندنا بستيت .. فخليك حرييييييص و انتبه و خل اوراقك كامله .. و بالتوفيق يارب
    7 "
  3. لا الضمان المالي اللي اللحين هذا مبدئي بس لمن توصل و تفتح ملف بالملحقيه وتسجل معلومات الجامعه على موقع الملحقيه يرسلون لك ضمان مالي للمعهد ست نسخ او سبع بس انتبه لازم تستعجل بفتح الملف اول ماتوصل لاتتاخر
    7 "
  4. المجمع اللي اقول لك عنه ويست مارت انا من ناحيتي لو جاي لحالي و الله ما اسكن الا فيه لان فيه مميزات جيده جدا

    طبعا هو نضامه يحاسب بالشخص و الشقه لازم يكون فيها اربع اشخاص يعني لو تتجمع انت و اربع من هنا و تتقاطون بشقه وحده و كل واحد ياخذ غرفه بحمامها كرمتم يكون احسن لك ..

    يكفي انه موفر لك المواصلات و يوصل على كل انحاء المدينة حتى السوبر ماركت و الصيدليات و اي مكان تبي و يخلص شفت الباصات الساعه 10 يعني لاخر الليل تبي تروح سوبر ماركت ولا شي يمديك ..
    السعوديين اللي فيه اسبوعيا يسوون مباراة كرة قدم طبعا هذا نادرا هنا بس هالمجمع الشباب اللي فيه متعاونين .. وفيه ميزه غرف دراسه بالمجمع يعني كل دور فيه غرفه كبيره فيها اجهزه كمبيوتر و طابعات و اللي يدخلها يقعد هادئ عشان فيه ناس تذاكر فيها .. وفيها نادي رياضي و فيها مسبح يعني شي مميز جدا هالمجمع ..

    وانت وذوقك فيه ناس تفضل السكن مع عائله و هذا افضل للغه و فيه ناس تفضل مجمع و هذا افضل للوناسه وبس
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.