عرض للطباعة
السلام عليكم،
قرأت كثيراً عن طريقة استخراج رخصة القيادة الامريكيه ولكن للاسف لم اجد موضوع كامل وواضح،
طريقة التسجيل؟ هل لازم ازور القسم او يكفي بالنت؟ على اي موقع واسم او لنك الجهه المخوله بالاختبار؟! مالمطلوب تجهيزه من ناحية الاوراق؟
كيفية الحصول على السوشيل نمبر؟ من اين وكيف؟
شاكر ومقدر
على حسب مدينتك وولايتك
اقتباس:
المشاركة الأصلية كتبت بواسطة phwaleed
والله أني بسأل مثلك بالضبط وبنفس المدينة والولاية . بس زيادة على أسئلتك :هل الرخصة اللي مستخرجها أنا من السعودية تكفي ولا ؟ يخي فيها عربي +إنجليزي ؟!!
وعليكم السلام ورحمة الله وبركاته ...
الرخصه تتعامل معها مثل ماتعاملت مع رخصتك بالسعودية ..
يعني .. تحط ببالك انك اول مره بتطلع رخصه .. وتنسى سالفة ان عندك رخصه سعودية ..
علشان تستخرج الرخصه لابد انك تروح لمبنى استراج رخص السياقه ويسمونه الـ Department of Motor Vehicles
او بما يعرف بـ DMV .
وتسجل عندهم ..
طبعا التسجيل راح يطلبون منك اوراق ..
انت جيب معك بس الجواز والايتوني ..
وبعض الولايات تطلب منك كم ورقه زياده مثل اثبات السكن وما الى ذلك .. بس علشان تثبت انك ساكن بالمنطقه ..
وهذي الطلبات الزياده مانقدر نفيدك فيها لسبب ان كل ولايه لها مزاجها بالطلبات .. فانت تاخذ الطلبات من القسم نفسه ...
طبعا راح يختبرون النظر عندك ويخلصون اوراقك .. وراح تختبر على الكمبيوتر اول ماتقدم ..
اذا اجتزت اختبار الكمبيوتر راح يحددون معك موعد للاختبار العملي ..
طبعا احيانا يكون الاختبار العملي في نفس الوقت واحيانا يحددون موعد تجي فيه تختبر عملي ..
وبعد ماتختبر وتنجح بالاختبار .. خلاص يكملون باقي اجرائاتك ويحددون لك موعد لاستلام الرخصه ..
وهذا يعتمد على حسب الزحمه عندكم ..
اما السوشال نمبر هذا ماراح تحتاجه لو كان دخولك امريكا بفيزة طالب ...
لا ماتكفي .. احيانا يمشونها لك كبداية الشهور .. ويقولون لك لازم تطلع وحده من الولايه نفسها ..اقتباس:
المشاركة الأصلية كتبت بواسطة حامدفهد
واحيانا لا ماتمشي .. فهي تعتمد على الولايه اللي انت فيها ...
هذا والله اعلم ..
ااأهلن
اغلب الولايات تقديم الرخصة يكون يدوي يعني تروح للمركز وتكون معاك الأوراق المطلوبة
١- عقد سكن موجود اسمك فية
٢- جواز
٣- الاي ٢٠
٣- مبلغ مالي بسيط لان بعض المراكز تقبل كاش فقط رسوم تختلف من ولاية لأخرى يعني احتياط ٤٠ دولار
٤- تعبي ابليكيشن موجود أون لاين ومطبعة أو من نفس الركز تتعبي بعدها بيكون عندك اختبارين تحرير يتكون من إشارات مرورية وجزء عن قوانين الولاية وبعدها اختبار نظر وبالاخير واغلب الولايات يعطونك موعد لاختبار القيادة ولازم تكون السيارة غير مستأجرة مؤ لازم تكون سيارة اللي مقدم على الرخصة.
ولمى تجتاز الاختبار يعطونك ورقه إثبات كرخصة فيها صورتك وبعد أسبوع توصل ايميلك لك الرخصة.
أما السوشل سكيورتي نمبر لازم تكون موظف عشان تحصل علية غير ها لطريقة ما تقدر وصعبة تتوظف وانت تدرس لغة لأنة مخالف للقوانين
الرخصة السعودية معترف فيها بس مؤ أكثر من ٦ شهور بعدها تأخذ ممخالفة إذا تسوق معاك الرخصة السعودية احتياط خلي الجواز معاك
بالتوفيق
ماقصرو الاخوان وعطوك كل المفيد بس حاب اضيف ان ولاية جورجيا تسمح بالرخصه السعوديه فقط بحالة واحده وبشروط ان يكون معك الفيزا مكتوب فيها تاريخ الدخول .. و ان لايكون تعدى على دخولك 60 يوم .. اما بعد كذا تحصل على مخالفه او توصل لحجزك و حجز السياره .. و غرامه 2000 دولار
اما الاوراق نفس اللي كتبها الاخت سكره ..