معاهد ولاية جورجيا ..... GEORGIA STET

السلام عليكم ورحمة الله وبركاته ..


الموضوع من منطلق مشكلة حصلت اليومين ذي فحبيت من باب مبادرة ان ابدأ بها ليستفيد الكل طبعا اتمنى من كل طلاب ولاية ان يفتحو موضوع نفس حالة ذا و كل واحد و حبه للنصيحة ..



http://www.m5zn.com/newuploads/2013/...d374ac238a.jpg



http://www.m5zn.com/newuploads/2013/...40865b7642.jpg




الولاية : جورجيا .. جنوب شرق امريكا ..
عاصمتها : اتلانتا ..

السكان : النسب لاتحضرني بالتحديد لكن بكتب توقعاتي .. 40% سود ... 20% مكسيك .. 30% بيض .. جنسيات اخرى 10%
نسبة السود المرتفعه قد يعتبرها البعض عيب لهالولاية ..

السكن : الاسعار ليست مرتفعه جدا مقارنة ببعض الزملاء بولايات اخرى .. مثلا رعاية الاطفال تبدا من 500 - 1000 دولار .. الشقق .. من 500 - 2000 دولار ..
بعض الطلاب ينصح دوما بالابتعاد عن الداون تاون و السكن بالميد تاون و شمالا ..
و السبب ان الداون تاون مشاكله كثيره و يكثر السود المشردين فيها ليلا طبعا موجودين صباحا بس مالهم حس ولا يتكلمون بس باليل تطلع شياطينهم فخلك بسارتك ماحد يجيك .. اما المشي ابتعد عن مناطقهم و ماحد ذ
بيجيك اصلا .. مافيه احد حيحتاج يروح اصلا الداون تاون باليل لان مافيه الا الفقر مافيه شي كل المولات و الاسواق و البقالات بالشمال .. و الجامعات مؤمنه بحرس خاص يعني ممكن مستوى الجريمه قد يقل بمناطق
الدراسه قليلا .. الخوف فقط لطلاب جورجيا ستيت لانها بالمنتصف الشمالي من الداون تاون .. بالصباح ماحد حولك بس باليل ابعد عن محطة فايف بوينت .. اما جورجيا تك امان باليل لان فيها حراسات مشدده ..

المعاهد : اللي اعرفها ثنتين .. معهد تابع لجورجيا ستيت و هو معهدي .. و معهد جورجيا تك .. اما اللي اسمع عنها فيه جامعات ميرسر ناس كثير تسبها ليه مادري ان شاء الله يجينا احد من هالمعهد يعلمنا ليه .. و فيه جامعة
اميوري .. هذي اللي اعرفها ..

المنتزهات : في اتلانتا العاصمة يوجد اكبر اكواريوم بالعالم .. ويوجد عالم كوكاكولا .. ويوجد مبنى السي ان ان .. و فيه عدد من الحدائق داخل المدينة .. و فيه بحيرات حوالين المدينة ..

الطقس : غير متوقع نهائيا يعني ممكن بعز الشتا يكون الجو كتمه و حر .. و العكس صحيح بالصيف .. بس الثلوج لم تتساقط هنا من حوالي 4 سنين حسب كلام مدرسين المعهد الي انا فيه .. انا جربت البرد للحين كويس ماشي
حاله من شاف مصيبة غيره هانت مصيبته ناس الثلج للركب و حنا الحمد لله بس مطر و الجو يبرد تصل درجة الحراره تقريبا اذا برررررد مره توصل 3 و المتوسط 10 ..


http://www.m5zn.com/newuploads/2013/...c3ead04737.jpg





حبدا اكتب انا عن جامعتي و اتمنى اي اضافة منكم لاني جديد بالمدينة مالي شهرين ..


معهد جامعه جورجيا ستيت .. المسمى بـ IEP

http://www.m5zn.com/newuploads/2013/...090ae94308.gif


هو معهد بنفس الجامعة و قوي و شديد جدا الغياب عندهم و التاخير مشددين عليه .. فيه مدرسين متميزين و فيه مدرسين الله يعين بس ..

فيه ميزه المدرسين المساعدين على ما اعتقد هذا اسمهم يسمونهم هنا توتر .. هذول زي المدرس الخصوصي اللي تحجز معه موعد من موقع الجامعه اكثر شي مرتين بالاسبوع و لمدة لاتزيد عن 45 دقيقه و ترسل له وش اللي تبيه قبل لاتروح له .. هذي مجانية من الجامعه لانهم عارفين فيه دكاتره مش ولابد ..

نسبة السعودين كبيره مع ذلك للحين اللي يسمونهم نادي الطلاب السعوديين باتلانتا حسب اللي سمعته [ لاحد يجي طاير قلت حسب اللي سمعته ] ان مالهم حس ولا ندري اي طريقه للتواصل جوالاتهم مقفله و صفحة الفيس يردون عليك كويس بس ماشفت احد منهم للحين .. فيه طلاب يحكوني ان بفرجينيا كان النادي السعودي يسوي دوري كوره و يسوي تجمعات اسبوعيه و مايقصرون .. هنا فيه تجمعات بس بمجهودات الطلاب فقط .. فيه تجمع كل يوم سبت للبنات للي بجورجيا ستيت .. اما الشباب كلن بطسته ماحد فاضي لاحد ممكن العزاب يتجمعون بس انا مادري عن هالشي .. طبعا السعوديين هنا متعاونين جدا لانهم عارفين انك بغربه و يبون يساعدونك بالي يقدرون عليه ..


اما نظام المعهد الدراسي فهو : 5 مستويات .. تختبر قبل تدخل و يحددون انت مستوى كم .. كل مستوى 4 شهور الا الصيفي شهرين .. الدوام من الساعه 9 الى الساعه 1 بالصيف يختلف من 8 الى 3 لانه شهرين ..
النظام شديد جدا يعني ياغريب خلك اديب ولا على طول تعاقب ..

الجامعه بها مرافق مثل مكتبة و مكتبة خاصه لبيع الكتب الدراسية .. و مطعم داخلي .. [ مجمع مطاعم ] .. يوجد نادي رياضي ..

عيبها .. زحمة الطلاب السعوديين و كثرة السود بجورجيا ستيت بعكس جورجيا تك .. طبعا ناس يشوفها عيب بس بالنسبة لي بالعكس عادي [ لافرق بين عربي و عجمي الا بالتقوى ] ابيض اسود بكيفه مايهمني لونه مابتزوجه انا تهمني اخلاقه .. وتعامله معي .. فقط ..











اتمنى من الاخوان اللي يدرسون بمعاهد بجورجيا ان يكتبون اسمائها و يكتبو بعض الموضوعات عنها .. واعتبرها صدقه جاريه لك و لوالديك ..



اللهم استر على والدتي و والدي و اخواني و اخواتي و اغفر لهم و ارزقهم بالدنيا و الاخره و اهدهم لما تحبة و ترضاه و ارزقهم بالدرجات العليا بالجنان ياعزيز يارحمن .. و لجميع المسلمين و المسلمات ..

السلام عليكم
مشكووور اخوي على مجهودك وحابه اشارك معك بالراي انا درست بمعهد التابع لجورجيا ستيت وبصرااحه
المعهد له ميزات كثيره وحلووه يعنو بالاضافه الى الكلاسات العاديه في مركز لتعليم الخصوصي ولمساعده الطلاب في اي مشاكل بواجهوها دراسيا مثلا مهارات الاستماع او الكتابه او حتى لتدريب اختبار التوفل والايلتس
طبعا معهد جورجيا الترم فيه عاده يكون اربع اشهر وبالصيف شهرين ونص . خمسه مستويات تتقسم على تدريبك المهارات كلها بالاضافه ان كل مستوى يتطلب منك عمل مقابلات او اعمال تطوعيه خارج الجامعه مع الامريكان وهدا اللي قوى مهارات اغلبنا
بالاضافه عندهم نشاط انو يسجلون الطلاب مع طالب امريكي بحيث كلا الطرفين يستفيد المطلوب من هدا النشاط انك تسولف معه فقط ووتعرف ومن خلال النشاط تكون تعودت تتكلم تاخد وتعطي وتتعلم اشياء جديده والطالب الامريكي يكون اخد فكره للبحث اللي يكون عنك او شي
مدرسين بالمعهد مررررررره جناان ومعتمدين اتدكر واحد منهم كان كاتب بجريده مشهوره وله الفضل اني قادره اكتب بحث يوصل 18 صفحه واكثر طبعا في الكثير منهم وكلا له اسلووبه
ولاننسى ان المعهد مجهز بتقنيات اغلب الكلاسات كل طالب طاولته بها جهاز كمبيوتر وجميع الكلاسات مجهزه بجهاز بروجكتر وجهاز يقرب ويبعد الصوره على السبوره
ومايخلا اي معهد من المتعه والرحلات الشيقه معهد جورجيا ستيت اسبوعيا رحله ونشاطات مثل الايس ice وهو عباره عن تجمع لجميع طلاب المعهد من جميع المستويات للمحادثه او مسابقه
ومن الميزات الاب وهو مركز مجهز بكمبيوترات وبها برامج تساعدك باللغه وكمان عشان الواجبات لانو يطلب من الطلاب تسجيل اصواتهم دائما والمكتبه وهي تجمع الطلاب لدراسه او لشان يعملون جلسات دراسيه انا كنت اجمع الطلاب الضعيفين بالاداء وادرسهم لان يساعدني اقوى لغتي . الكتبه فيها افلام وكتب وكمبوترات وكافيه ومشرفين يساعدونك تلاقي الكتب او اي شي تحتاجه وفيها غرف خاصه ممكن تحجزها قبل او تجي تاخد غرفه اذا لقيت
وحاجه حلوووه مانسيتها كانت في مدرسه اسمها دارا وحاليا استقالت كانت تصور الطلاب فيديو في اثنااء اداء البرزنيشن وترسل لمقاطع لهم ولزملائهم كانت من اقضل الطرق لتدريبنا على اغلاطنا (الصوت تعابير الوجه حركات اليدين النطق ...الخ)
وميزه اخرى انو يكون لجميع الطلاب ايميل تابع للجامعه وفيه يوصلك كل شي عن المعهد ورسائل من المدرسين في حال الطالب ماحضر يرسلون الواجب وعرض باوربوينت لدرس وكمان عشان الطالب لايتحجج يوم اللي مايحضر لازم يرسل الواجب او يسكنه ولا ياخد نص العلامه اليوم الثاني
المدرسين يستخدمون طريقتين لشان الطلاب يكونوا على علم بمستواهم ulearn &engrade ويكون لطالب حساب يفتحه من خلالهم ويطلع على درجات الواجبات والاختبارات عاده اغلب المدرسين اذا كان في بحث يخلونك ترجع تعدله اكثر من مره بمساعده المدرس الخصوصي او حتى لو بعد الكلاس مع المدرس نفسه واحيان يخلونك تستخدم مترجم انجلش انجلش بنص الامتحان
احد مناهجهم انو يعطوك كتاب تقرا طوول فتره الترم وهدا شي ممتع لانو الكتاب يجذبك وبالكلاس تتناقش مع زملائك يعنو مثل نادي كتاب وايضا تاخد جميع الكلمات او العبارات اللي ماتعرفها وتناقشها الكلاس كله وماخبي عليكم كانت اوقات عبارات عاميه وليست اكادميه فقط
المعهد بتدريسه يضم التعليم الاكاديمي وجزء من العامي ويهيئك للعالم وخصوصا الجامعه لان قبل تتخرج لازم يخلوك تحضر كلاسين ثلاثه بالجامعه وتكون مثل الملاحظ تكتب ملاحظات وتكتب مع الطلاب الدرس ههههههههه

الله يعطيكم العافية وما قصرتوا ،، انا باذن الله راح ابدأ في المعهد في السمر سمستر ..

عندي سؤال بخصوص السكن انا افكر اخذ سكن الجامعة وما ادري كيف اقدم عليه ..


واذا تنصحوني في سكن افضل ما اقول لا :)

ياشباب
انا ان شاء الله راح اكون في جورجيا بتاريخ ٦ مارس

في معهد جورجيا تيك

ابغى اسئل هل يعيق سكن الطلاب السعوديين مع بعض
تعلم اللغه ام لا

يعطيكم العافية على المعلومات

انا باذن الله با انتظر رد المعهد على قبول اللغة

و حابه اكون فكرة مبدئية عن المدينة والدراسة

السكن مع طلاب سعوديين حلو عشان ماتحس بالغربه و السكن مع اجانب برضو حلو يقوي لغتك ..

فانت اذا دمك بارد و ناشف و ماعليك من هم الغربه خلك مع اجانب .. اما اذا تبي احد معك يسولف معك و يعطيك وجه خلك مع سعوديين

و بالنسبه لي انصح انك تقعد مع ربعك احسن لك .. وتدريب اللغه تقدر كل شي هنا راح يعلمك شي جديد بس بشرط ماتعتمد على احد يعني حتى سداد فاتورة الجوال انت تتصل و تسدد مو تقول لخويك يسدد لك .. وطلبك بالمطعم انت تطلب .. لاتقول مامنها فايده بالعكس كل ماتكلمت كل ماصرت فصيح بالكلام .. بالبدايه ماتدري ايش تقول مع انك عندك كم هائل من الكلمات بس ماتعرف كيف تركبها بس مع الخبصه و التعلم و الطلب و التعود بتصير شي ثاني انت ماكنت تتخيل انك حتكون كذا ..


وشف جامعتك وش تعطيك مجاني ولا تخليه سجل فيه ..

مثلا بجورجيا ستيت .. يعطونا مدرس خصوصي يسمونه توتر .. هذا مسموح لك تاخذه فقط مرتين بالاسبوع .. انا اخذه مره بالاسبوع حتى لو ماعندي اي شي بس اروح اطقطق عليه و اراجع معه الواجبات و اجيب كتبي كلها وانشب بحلقه لين يخلص وقتي و مايصدق يفتك مني ..

و فيه برضو يعطونك ورقه تعبيها و تختار بارتنر اللي هو شخص تتحدث معه باي شي .. انا ماخذ واحد نتكلم عن اي شي اخر مره تكلمنا عن الثقافات و اللي قبلها عن الكوره .. و اللي قبلها عن الطلاق في امريكا ومواضيع مال ام امها داعي بس عشان تتحادث و تقدر تقول له تقدر تساعدني باي شي و حيساعدك .. الشعب الامريكي فرندلي و يحب المساعده .. بس لاتطلبه يحاسب عنك بيدخل بعيونك .. و قد عزمته مره ببيتي بس جاب العيد جاب خويته و قلت له ترى عندنا ماتقدر تقعد تبوس قدامنا لارحت لحالك انت وياها سو اللي تبي .. و احترم الشي هذا و بالعكس اعجبه و بدا يحترم الدين الاسلامي بشكل عجيب .. بس برضو خل له حد و انت لك حد في الكلام معه لاتعطيه وجه مره

وبالتوفيق للكل

الله يعطيك الف عافية اخوي مازن مشاركاتك افادتني بشكل كبير بعد الله عن جامعة جورجيا ستيت ..

استفسار اخير :

انا وصلني اي توني لمعهد جورجيا ستيت بس باقي ما قدمت للجامعة نفسها والملحقية تطلب قبول جامعي وما ادري الجامعة تعطي قبول مشروط او لا ؟

ليه شاغل بالك بتقديم الجامعه ؟

باقي بدري عالتقديم .. اول ماتوصل انت تقرر تبي تكمل الجامعه هنا او تدرس بس لغه هنا ..

انا تخصصي حاسب وجورجيا ستيت مو مره بالحاسب بعكس جورجيا تك .. اللحين بدرس لغه هنا وبعدين احول الماستر بجورجيا تك .. فلا تتعب من اللحين بالجامعه شوي وتعرف ايش اللي يناسبك لمن تعيش الوضع مستحيل اقول لك هذا احسن و هذا مو احسن لان كل واحد وله وجهة نظره

اما الملحقية ماتطلب منك قبول جامعه مشروط او غير مشروط الا بعد سنه وثمانيه شهور اذا شملك التمديد .. فانت تعال و ادرس اللغه و اذا وصلت لفل 3 او قعدت هنا اكثر من 5 شهور ابدا اختبر اختبارات ايلتس او توفل .. لانو لمن اول ماتوصل و تختبر حتجيب العيد وتروح من غير فايده .. لكن تعلم عن طريقتهم الاكاديميه و التعليمية اول بعدين روح اختبر و حتلاحظ انك باول اختبار ماجبت درجه بس تعرف انت في ايش غلطت وايش الخلل عندك وتكون فاهم اكثر وتستفيد اكثر