مساعدة "مطلوب" معلومات كآمله عن القبول ... الخ

السلام عليكم أولاً ما شاء الله الفين سؤال بحاول اجاوبهم بطريقة ترتب لك افكارك
واحد ابعدي عن المعاهد المستقله لانه اغلبها تجاري افضل شيء لك هو معهد الجامعه ويفضل يكون تابع لجامعه حابه تدخلينها وموجود تخصصك فيها و تقبل الملحقية الابتعاث فيها
المدينة ممتازة والجامعه مررة قوية من ناحية اذا انتي مرة للغتك قوية لما اقولك قوية فاقصد انك مرررة مستواك عالي لاتستهينين بجامعتك تراها قوية وتطلب درجة عالية 6.5 على مأعتقد
اذا انتي مرة واثقة من نفسك اختبري توفل او ايلتس اذا جبتي الدرجة راح تدخلين الجامعه اذا ماجبتيها ادخل معهدهم من ناحية كيف تقدمين على معهد الجامعه + القبول المشروط للجامعه بحطه بالرد الثاني

University of Pittsburgh - English Language Institute
هذا رابط تقديم المعهد لو تلاحظين يقولك فورم التقديم لا ضغطتي عليه ينقلك إلى صفحة ثانية على العموم بعطيك رابط تحميل الفورم
http://www.eli.pitt.edu/application/...pplication.pdf
عبيه ولاتنسين شهاداتك الثانوية كلها مترجمة ومختومة الاصلية تسوين لها سكان وترسلينه على اليميل الي محطينه و لاتنسين يكون معاك
جوازك وكشف الحساب البنكي وعلى طاري الاشياء المهم الــ i20 والي هو قبول المعهد او الجامعه السيفيس والي هو رسوم الدفع التابع للــ i20 لازم لكل شخص يبي يدخل فامريكا يكون دافع هالشيء
الفيزا استغرقت يومين بعد المقابلة لو اوراقك كلها كاملة وكانت من الرياض اقصد السفارة الامريكية مو القنصلية ماراح ياخذ وقت من ناحية الشعر ماضن بس يبغون وجهك بالكامل يظهر لين جبهتك وجزء من شعر راسك فيه مثال يحطونه لا جتي تقدمين
اهم شيء كشف الحساب يكون مايقل عن 30000 دولار يعني 120000 ريال سعودي ممكن اقل وممكن اكثر بس هذا الطبيعي وبما انه للغتك على كلامك قوية المفروض انك ماراح تتوهقين فالموقع او التجسيل او انك تعبين الفورم لكن لو احتجتي قوليلي وبشرح لك