عرض للطباعة
السلام عليكم
ابي احد يدربني على القيادة في Arlington
وكم ساعة تكفي وكيف اطلع الرخصة
الله يعافيكم ابي معلومات كاملة انا بجلس اسبوع بس وابي اتدرب على الاقل تدريب مكثف لاني اعرف اشغل السياره واحركها واوقف بالمواقف بس ابد ماجربت اسوق بشارع
واذا مايمدي على الرخصة على الاقل تدريب وموشكله تطليعة الرخصة بعدين
ابي مركز حرمة اي شي المهم يفيدني ومايضيع وقتي وحنا 2 مو وحده
الله يعافيكم
مرحبا....
بغض النظر عن عمرك.....ماراح تقدرين تطلعين رخصة بشكل مباشر على اعتبار انك ماعندك رخصة من البلد اللي جيتي منه....
بعد ماتعدين الاختبار النظري راح يعطونك driving permit وهو تصريح قيادة لكن بشرط تكونين مع احد معه رخصه و بالغ،،،مدة التصريح هذا ماني متآكد منه حاليا لكن الظاهر على الاقل شهر...بعده تروحين تختبرين عملي ويطلعون لك الرخصه.....
فرايي انك تروحين تقدمين على البرمت اول و تختبرين النظري بعدين تبدين في التدريب العملي.......
فيه وحده فلسطينيه اذا انا مو غلطان تعلم ومعها سيارة بحاول ادور رقمها وارد لك.....
تحياتي
ابراهيم
يعني لازم اختبر اول ما اقدر اتدرب الا بعد الاختبار النظري صح
لا تعلمك للسواقه مو مرتبط مع الاختبار.....لكن انا احاول اختصر لك الموضوع من حيث الاشياء المطلوبة.....ببساطة:
اذا ودك تتدربين اول قبل ماتروحين لل DMV فمافيه اي مشاكل و بعد ما تصيرين تمام تروحين تقدمين قي المكتب....لكن اللي يبي يصير اذا سويتي كذا انك اذا رحتي لمهم و طلبتي رخصة و انتي ماكان عندك رخصة من قبل....راح يعطونك تصريح اسمه Driving Permit يسمح لك انك توسوقين مع شخص معه رخصه امريكية لمدة ٦٠ يوم على الاقل...قبل ماترجعين لهم مره ثانية ويختبرونك عملي ويعطونك الرخصه....
لذلك اختصار للوقت....روحي للمكتب اول شي واختبري النظري و خليهم يعطونك التصريح...بعدها كلمي المدرب او المدربة اللي تبينها وخليهم يعلمونك...واول ماتخلص ال ٦٠ يوم ارجع للاختبار العملي و الرخصة....
مع العلم ان اللي راح يدربك راح يشرط عليك انو يكون معك driving permit......
اتمني وضحت الصورة...:)
ابراهيم