عرض للطباعة
السلام عليكم
اخواني انا رحت لمكتب الطيار وقلتله ابغا من الرياض لولايه كنتاكي مدينه ليكنقتون
المهم حجز لي من الرياض الي نيويورك وراح انزل مطار جي اف كي
والمشكله رحلتي الثانيه الداخليه في مطار لايجيرديا
ما العمل في هذه الحاله
هل اخذ تاكسي واروح للمطار
ومن ناحيه الشنط كيف وضعهم
هل مضطر اني اخذهم معاي بالتاكسي ولا هم يرسلوها دايركت؟
وعليم السلام
جي إف كي مطار - و لقوارديا مطار
الله يعينك لازم تستلم شنطك بعد وصولك جي إف كي
للوصول إلى المطار الآخر، الأسهل والأنسب والأسرع برأيي هو أخذ تاكسي ، لأن الصب وي مايوصل إلى مطار لقوارديا.
طبعا التاكسي بيكون أغلى، لكن اذا تبي الرخص تقدر تاخذ الصب وي إلى اقرب محطة لمطار لقوارديا بعدين تاخذ باص M60 اللي يوديك للمطار
لكن في حالتك انت بحكم انك تعبان وتوك جاي من سفرة طويلة ومعاك شنط انصحك تآخذ تاكسي وريح نفسك
بالتوفيق
اخوي كلم الطيار يغير لك الرحلة ويخليها من نفس مطار JFK صراحة تعب عليك كذا
- - - مشاركة محدثة - - -
اخوي كلم الطيار يغير لك الرحلة ويخليها من نفس مطار JFK صراحة تعب عليك كذا
المشكله مكتب الطيار قال لي اي تغيير راح نحسب عليك غرامه مدري كم
ثانيا لنفترض انه ما تغيرت التذكره هل التاكسي مكلف ؟كم دولار بيكلفني
عزيزي
التاكسي بالضبط لا أعلم لأني ماقد اخذت تاكسي بين المطارين، لكن كسعر تقريبي اتوقع مابين 60 إلى 80 دولار + البقشيش
لكن تفضل هذي شركة باصات shuttle تنقلك من وإلى المطار بسعر أرخص من التاكسي بكثير
New York Airport Shuttle Bus Service | JFK | LaGuardia | Newark
من جي إف كي إلى لقوارديا راح يكلفك 13 دولار فقط
بس إعمل حسابك انه مالك إلى شنطتين، اذا عندك اكثر من شنطتين راح تدفع رسوم زيادة
بـالـتوفيق
والشتل هذا كيف دفع رسومه وكم المده للوصول الي مطار لاقورديا
افيدوني جزاكم الله خير
وين الاقي الشتل فالمطار وكيف ادفع الفلوس له وهل هو بطيئ يعني مثلا مسافه ٢٠ كيلو بكم يقطعها
صباحكم سعيد
اخوي مهند يحق لك تغير في التذكرة مرة وحدة بدون رسوم. انا متأكدة من هالمعلومة. يعني موظف الطيار ملزم انه يغير لك المسار بدون رسوم
انصحك تشوف مسار رحلتك وتتأكد منه بالبيت وبعدين تروح للطيار وتقوله احجز لي هذا المسار بحيث تتأكد من كل شئ بنفسك
موفق يارب
الف شكر لك اختي
وماقصرتي وربي يجعلها في موازين حسناتك
أخي
انت تفكر كثير وتقلق عمرك بزيادة !! مستحيل تعرف كل شي الآن
الشتل تلقاه بعد استلامك امتعتك واتجهاهك لبوابة الخروج. راح تلقى لوحات تدلك على الشتل والتاكسي والصب وي. تقدر تدفع للشتل اذا وصلت
وبعدين لاسمح الله ماعرفت أو ضيعت فتقدر تسأل اي احد بالمطار وراح يساعدونك ان شاء الله
بالنسبة للشتل كم ياخذ وقت بين المطارين، فقلت لك انا ما قد اخذت شتل أو تاكسي بين المطارين، لأني بالعادة اذا انا بأحد المطارين آخذ تاكسي ووجهتي تكون لشقتي
راح اعطيك توقع وهو مابين ساعة وربع إلى ساعة ونص في اوقات الذروة
بـالـتوفيق