رجال نيويورك - مهمة مدفوعة التكاليف للي ينجزها
السلام عليكم
كيف الشباب والبنات ان شاء الله بخير
أنا مبتعث سابق و فكرت أطرح هالموضوع لأني أحتاج مساعدة في منطقة Elmont في Long Island في نيويورك New York وما بقصر مع اللي يساعدني
الشغلة اللي أبيها بسيطة بس يبغى لها التزام وأرجو الانتباه للكلمة لأنها أهم مافي الموضوع
القصة باختصار ان أنا عندي أغراض تركتها عند راعي البيت اللي كنت مأجر شقه فيه واتفقت مع شركة شحن على أساس يشحنونهم لي للسعودية إلى الحين كل شي تمام، بس في مشكلة.
شركة الشحن على أساس ترسل سواق يحمل الأغراض ويوديهم للشركة عشان يشحنونهم، بس عندهم شرط انه لازم يكون أحد موجود يستقبل السواق حقهم ويسلمه الأغراض، كلمت راعي البيت أكثر من مرة على أساس يكون موجود ورتبت مع شركة الشحن أكثر من موعد ولكن للأسف ما عمره التزم بالموعد ودايماً يحرجني مع الشركة لدرجة وصلت للغرامات.
المطلوب
واحد شقردي يسوي التالي :
1- بالتنسيق معي و مع راعي البيت - يكون موجود في العنوان ويضمن وصول للأغراض اللي هم موجودين في كراج البيت
2- ياخذ ورقة ارسلها له على الإيميل ويطبعها عدة نسخ عشان يلصقها على الصناديق اللي بيشحنونها - حسب طلب الشركة.
3- حسب الموعد مع الشركة - يكون متواجد في يوم الموعد مع الشركة من الساعة 1 - 5 قريب من العنوان على أساس عند وصول السواق ممكن يستقبله ويسلمه الصناديق.
وهذا كل الموضوع وأنا ماني مقصر معاه والسبب إني جاي هنا أطرح الموضوع اللي ذكرته سابقا من عدم التزام راعي البيت الله لا يوفقه وزي ما قلت ماني مقصر مع اللي يفزع لي
اللي يحس إنه عنده استعداد لإنجاز هالمهمة يحط وسيلة اتصال وأنا أكلمه وأنسق معاه، بس الله لايهينكم لازم يكون متأكد ولا يتراجع بعدين ويضيع وقتي ووقته على الفاضي وترى الشغلة مب بالصعوبة وخاصة للي ساكنين قريب من جامعة Hofstra هوفسترا و Adelphi أدلفي
وشكرا
رد: رجال نيويورك - مهمة مدفوعة التكاليف للي ينجزها
والله يا صاحبي انا اعرف المنطقه هذي كويس لان قاريبيني كانو ساكنين هناك لكن حاليا للاسف انا فالسعوديه و لمن ارجع بكون على وقت دراسه و انا حاليا في CT
الله ايسر امورك و يسهل لك
لكن عندي لك راي
ليه ما تتواصل مع اقرب نادي سعودي في اي جامعه في نيويورك و ان شاء الله ما يقصرون معاك
رد: رجال نيويورك - مهمة مدفوعة التكاليف للي ينجزها
أشكرك على الإفادة والدعوة والإقتراح
تمت مراسلة النادي ولكن للأسف إلى وقت كتابة هذا الرد لم نحصل على استجابه منهم
ربك يسهل والعرض لازال ساري
رد: رجال نيويورك - مهمة مدفوعة التكاليف للي ينجزها
أنا رائح يوم الجمعه نيويورك وبأذن الله لو ما لقيت احد بخدمك
بس بسالك. ابي اسم فندق بكوينز مرتب وسعره معقول. وهل مكانك قريب من كوينز ؟
رد: رجال نيويورك - مهمة مدفوعة التكاليف للي ينجزها
اقتباس:
المشاركة الأصلية كتبت بواسطة BlackProfessor
أشكرك على الإفادة والدعوة والإقتراح
تمت مراسلة النادي ولكن للأسف إلى وقت كتابة هذا الرد لم نحصل على استجابه منهم
ربك يسهل والعرض لازال ساري
لو لهم صفحه عالفيس بوك وهو الاغلب او تويتر راسلهم عليه لان عالايميلات محد حولك :)
ودعوه في سجودك عسى ربك يفرج فيها كربتي
الحمدلله ع كل حال
رد: رجال نيويورك - مهمة مدفوعة التكاليف للي ينجزها
أبو قصي أعتذر عن تأخر الرد للأسف صارت لي ظروف وانشغلت اتمنى انك توفقت في الفندق
المنطقة جارة كوينز بس كوينز اللي أعرفه كبيرة ف ممكن تكون مسافة شوي
على العموم هذا فندق نزلت فيه كم يوم معقول اذا انك مع الأهل سعره متغير بس تقريبا حول 140-200 دولار
Howard Johnson Inn Queenshttp://goo.gl/maps/TOkKM
اذا عزوبي ابحث عن Capri motor inn يبعد عن كوينز حول 10 دقايق بالسيارة
هذا رقمي للتواصل
5165151165
الله يعطيك العافية ويوفقك
رد: رجال نيويورك - مهمة مدفوعة التكاليف للي ينجزها
الله يسهل أمورك يا مهندس ويفرج كربتك وجميع المؤمنين عاجل غير آجل يارب
بالنسبة للنادي تمت مراسلتهم عن طريق الفيس بوك واللي يقدر يوصل رابط الموضوع لهم فجزاه الله خير
شاكر اهتمامكم