مدينة BOWLING GREEG

هلا أخوي آمر ، أنا في مدينة بولينغ قريين.

أهلين أخوي Programmer
معليش أستحملني أنا عندي كم استفسار

1. كيف هذه المدينة من ناحية الأسعار، الإيجارات، الحجاب لزوجتي، الناس، هل فيها سعوديين ؟
2. وش الجامعات الي فيها ؟
3. أنا تخرجت بكالوريوس علوم حاسب من جامعة المللك عبد العزيز، وأبغى أكمل ماجستير، وش تخصصات الحاسب الي موجودة في جامعات هذه المدينة ؟
4. وش معهد اللغة الي تدرس فيه، وكيف هل كويس ؟

ومشكور وآسف على الإطالة
أنا في انتظار ردك

1. كيف هذه المدينة من ناحية الأسعار، الإيجارات، الحجاب لزوجتي، الناس، هل فيها سعوديين ؟
المدينة صغيرة مره تقدر تسميها town عدد سكانها تقريباً 70000 ، ألي محرك المدينة الجامعة ألي هي ويسرتن كنتاكي وهي الجامعة الوحيدة في المدينة. الإيجارات تعتبر رخيصة مرة مقارنة بولايات ثانية يعني تسكن في غرفتين وصالة ومطبخ ودورة مياة وغرفة غسيل بـ 475 إلى 550 دولار الشهر وخمس دقايق مشي إلى كامبوس الجامعة طبعاً ما يشمل كهرباء وماء وغاز بس كل هالفواتير على بعضها إذا أنت مسرف 100 دولار . المدينة ما فيها وسائل ترفيه بصراحة ما فيها ألا مول واحد ، المدينة حقت دراسه وبس ترفيه ما فيه كثير . طبعاً تحتاج سيارة لأن مافي وسائل موصلات غير باصات الجامعة داخل الكامبوس وأوقات معينة. المدينة مافيها عنصرية على الأقل بالنسبة لي وبالنسبة للحجاب ما عندك مشكلة أنا زوجتي محجبه وكثير سعوديات محجبات في المدينة (طبعاً أقصد بالحجاب غطاء الشعر لأن بصراحة هنا ما فيه بنت مغطيه ووجها ). والسعوديين تقريباً 60 شخص عزاب وعوايل .
2. وش الجامعات الي فيها ؟
ما في ألا جامعة وحده وهي Western Kentucky University
3. أنا تخرجت بكالوريوس علوم حاسب من جامعة المللك عبد العزيز، وأبغى أكمل ماجستير، وش تخصصات الحاسب الي موجودة في جامعات هذه المدينة ؟
Computer Sicence
4. وش معهد اللغة الي تدرس فيه، وكيف هل كويس ؟
ESLI معهد يدخلك الجامعة بمجرد إجتيازه بنجاح . المعهد يعتبر من وجهة نظري متوسط ، إذا بتعتمد عليه إعتماد كلي ماراح تتعلم شيء . لكنه ماهو سيء وفي نفس الوقت ما هو ممتاز .

السلام عليكم ورحمة الله وبركاته ...

أخوي porgrammer
حبيت أستفسر عن شي بالجامعه ياليت يا خوي تفيدني فيه أو تسعى لي فيه و لك مني الدعوات الصادقه ....أنا حاصل على دبلوم محاسبه "associate degree "من الكلية التقنيه و لله الحمد المعدل 4.93 من 5 و هذا من فضل ربي ... ولكن يا خوي أبي أسأل عن المعادله ؟
و لك تحياتي

شكراً أخوي Programmer
والله يوفقك دنيا وآخرة

هلا أخوي مطنوخ
فيه شباب هنا عادلوا لهم من المواد العامة تقريباً المعادلة 13 إلى 15 ساعة . وبالنسبة للباقي (التخصص) هذا يرجع للقسم في الجامعة لازم تروح عند رئيس القسم ومعك السجل الأكاديمي ووصف المواد ويسوي لك معادله إذا فيه مواد مقابله لها في الجامعة .
فيه شباب عندهم دبلوم من الكلية التقنية تخصص كهرباء وإلكترونيات ما عادلوا لهم شيء غير المواد العامة .
وفيه شخص عنده دبلوم برمجة من الكلية التقنية عادلوا له 35 ساعة مواد عامة وتخصص .

يعني المعادلة تعتمد على التخصص لذلك ما أدري عن تخصص محاسبة لأن مافي أحد أعرفه تخصصه محاسبة وعنده دبلوم.

بالتوفيق