يأهل فيلادلفيا... قولوا بسم الله
بسم الله
أنا توني حاط رجلي في فيلادلفيا
في فندق كراون بلازا وصراحة إنه غالي حبتين ويوجع الراس :bop:
لكن أنا ودي أسأل أهل الخبرة عن أفضل بنك موجود هنا علشان أفتح حساب
كذلك أفضل شركة اتصالات علشان أطلع شريحة
والأهم أفضل وأنسب مطعم علشان أتعشى:drool1: ههه
لأني جويع حدي :popcom:
أنا مقابلني اللنكون قرين فحاس سؤال في بالي
وش أفضل سكن في الولاية
وإذا كان الاختيار مع عائلة فأتمنى اللي يعرف عائلة كويسة يخبرني
أنا داري إني كثرت عليكم الأسئلة
لكن أخوكم مغترب وغشيم في هذي المدينة
فأتمنى تتجاوبون معي
تحياتي لكم جميعا ً
.
رد: يأهل فيلادلفيا... قولوا بسم الله
ما دام توك بقراطيسك
ما بيقصرون معك الشباب
والله لو اني موجود بالمدينة
ابشر بسعدك اجيك الى الفندق
عموماً ما بيقصرون معك الشباب
يالله يا شباااااااااااااااااااااااااااااااااااب
وينكم اخوكم محتاج للفزعة
رد: يأهل فيلادلفيا... قولوا بسم الله
مشكوووووووووووووووووووووووووووووووووووووووووو وور
وبيض الله وجهك
وهذا العشم فيكم جميعا ً
وأنا ما أبي أكلف على أ ي شخص ويجني للفندق
أنا بس أبي منه بس يشيل ذا القراطيس :laugh:
ويعطيني المعلومات اللي أبغاها
ومشكور وبيض الله وجهك مرة ثانية
رد: يأهل فيلادلفيا... قولوا بسم الله
انتم السابقون ونحن الاحقون
اخي طيب فينك من قبل ماتروح ,,كان احد يقدر يساعدك في الوقت المناسب
الحي الله يعينك نتتظر احد يمر وييقرى موضوع
رد: يأهل فيلادلفيا... قولوا بسم الله
أهلين يوسف
أبشرك كل الأمور ولله الحمد متيسرة
أنا كل المعلومات اللي طلبتها أبيها للأيام الجاية
ولا حاليا ً أبشرك كل الأمور مستتبة ولله الحمد
وإذا وصلت لفلادلفيا بالسلامة وبغيت مساعدة عطنا خبر
والله يكتب لك الخير في بعثتك
وشكرا ً على مرورك
رد: يأهل فيلادلفيا... قولوا بسم الله
انا ساكن في لنكولن جرين و ودي اضيفك معي بس مشكلتي مع عائلتي وغرفه وحده :)
لنكولن جرين هو افضل سكن موجود باالمنطقه من دون منازع واسال مجرب انا قبلك باسبوع وصلت وحست المنطقه كلها ماكو افضل منه لكن شوي غالي بصراحة .. اللي مقابلك برزدنشيل سيتي ارخص واقل مستوى لكن ممكن يعتبر كويس للعزاب ويكفي ان هالاثنين باص الجامعه يجي للبوابه كل نص ساعه
في سكن قريب من الجامعه 5 دقايق مشي 900 دولار شامل الكهرب والماي وكل شي وهذا يعتبر ممتاز وراح تفضى فيه شقق بعد اسبوع
احسن بنك بدون منازع هو bank of america
اذا انت في city ave ومحل target على يسارك عند الاشاره روح انت يمين امش شوي وتلقى البنك
افضل شركة اتصال هنا هي t-mobile هذي على نفس الشارع سيتي افينيو بس تطلع قدام شوي تجيك عاليمين
اخذ شريحه 1000 دقيقه اذا تكلم واجد او 600 اذا مو حق مكالمات انت
الاولى ب 70 دولار لان ماعندك بطاقة اجتماعيه والثانيه ب 50 دولار
المطاعم في مطاعم كثيره توصل وفي واحد مغربي بعد
http://www.campusfood.com
ادخل هالموقع سوي لك حساب واطلب من اي مطعم موجود فيه كلهم يوصلوا للمنطقه اللي احنا فيها
اسال الفندق شنو العنوان بالضبط وسجله بالموقع واطلب اللي تبي واختار الدفع كاش وحاسبهم اذا جوك الغرفه
اي سؤال انا حاضر
رد: يأهل فيلادلفيا... قولوا بسم الله
مشكور أخوي Maqanq
وصراحة أفدتني كثير
لكن الشباب نصحوني بالسكن مع عائلة
فإذا تعرف مكان فيه إعلانات العوائل الطالبين طالب يسكن معهم
أو مواقع في الانترنت
أو يا ليت أحد يخش في الموضوع
ويبلغنا عن عائلة كويسة
وصراحة جزاكم الله خير جميعا ً
أفدتوني وخففتوا عني الكثير
محبكم / طويلب العلم
رد: يأهل فيلادلفيا... قولوا بسم الله
شخصيا ماشوف اي فايده من اغلب العوايل وسعرهم غالي ماتلاقي اقل من 900 دولار في الشهر ووبعضهم يقولك الساعه 9 انت في البيت والثانيه يمكن ماتشوفها الا الصبح باقي الوقت تقرا كتب منطمه
رد: يأهل فيلادلفيا... قولوا بسم الله
اقتباس:
المشاركة الأصلية كتبت بواسطة Maqanq
شخصيا ماشوف اي فايده من اغلب العوايل وسعرهم غالي ماتلاقي اقل من 900 دولار في الشهر ووبعضهم يقولك الساعه 9 انت في البيت والثانيه يمكن ماتشوفها الا الصبح باقي الوقت تقرا كتب منطمه
مشكووووووووووور أخوي على رأيك وما قصرت
لكن هل فيه غرفة شاغرة في اللنكون
وكيف أحجز فيه
شاكر ومقدر لك
رد: يأهل فيلادلفيا... قولوا بسم الله
والله مادري بالضبط بس اعتقد بتفضى عندهم شقه خلال اسبوع
والسكن اللي قريب من المعهد بتفضى فيه شقه بعد اسبوع
انت لازم تطلع وتشوف او تروح المعهد يوم الاثنين وتشوف شباب سعوديين كثر يساعدوم لان نصيحة تشوف معك واحد يسكن معك لان اللنكولن مثلا راح يكلفك مع كل شي يمكن 1100 في الشهر ومكافئة الملحقيه 1300 وفي فيلادلفيا 300 ماتبلط معك بحر ولا تجلس اسبوع
شوف لك روميت واخذوا شقه باللنكن او البرزدنشيل سيتي
او الاثنين تعال الصبح للنكولن المكتب واستفسر منهم اذا فيه فضاوه
lincolngreenapartments.com