تقرير عن مدينة Johnson city TN وجامعة ETSU المتميزة في التخصصات الطبية

السلام عليكم ورحمة الله وبركاته

أولاً أوجه شكري لكل شخص هنا شارك في مساعدة المبتعثين وتوجيههم للطريق الصحيح
لو لا الله ثم أنتم ماكنت في مكاني الآن. ومن باب رد الجميل ..
هذا تقرير مفصل عن مدينة جونسون ستي في ولاية تنسي
أرجو الأنتباه بأنه يوجد عدة مدن بنفس الأسم في عدة ولايات مثل تكساس ونيويورك فلا تخلبطون مثلي :P

ملاحظة: أنا أدرس اللغة حالياً في معهد ELS على حسابي الخاص
أدري ان هالمعهد مو قوي لكن هو الوحيد اللي عرض علي قبول مشروط
للماستر وهالشي يعتبر شرط للموافقة على الدراسة على الحساب الخاص

المدينة فيها سعوديين كثير والمعهد كله سعوديين ..
نبدأ في الموضوع واعتذر عن الإطالة (:

..



معلومات أساسية

المدينة: جونسون ستي Johnson city
الولاية: تينسي Tennessee
نوعها: مدينة صغيرة جداً يعني تقطع شمالها إلى جنوبها في نصف ساعة تقريباً (:

الطقس: بارد شتاءً مع تساقط متقطع للثلوج والأمطار، تنخفض درجات الحرارة الى -٥.
في الربيع أمطار ورعد وبرق ودرجة الحرارة تتراوح بين ١٥ الى ٢٥ يعني لا برد ولا حر
في الصيف الجو حار مع رطوبة، ترتفع درجة الحرارة إلى ٣٠

الطبيعة: جبلية، يميزها طبيعتها الخضراء والتلال الصغيرة المنتشرة في كل مكان
فيها أماكن جميلة للهايكنق مثل الغابات والشلالات والأنهار والبحيرات ..

المطارات: مطار أقليمي صغير Tri-cities Regional Airport، الرحلات الدولية لا تصل إليها مباشرة،
لازم ترانزيت بأحد المطارات الدولية في أمريكا، يبعد ٢٠ دقيقة عن مدينة جونسون ستي

..

الدراسة

يوجد فيها جامعتين ومعهد لغة



جامعة ETSU
East Tennessee State University
جامعة شرق ولاية تنسي

هذي صفحة الكلية بقائمة الجامعات الموصى بها
https://ru.moe.gov.sa/#/University/7375

موقعها الإلكتروني
ETSU Homepage

برامجها الدراسية، ماستر، بكالرويوس ودكتوراه
http://www.etsu.edu/etsuhome/progstudy.aspx

الجامعة تعطي قبول مشروط للبكالوريوس والماستر، وماعندي علم عن الدكتوراه
بشكل عام قبولها سهل والدراسة فيها سهلة. هذا مش معناه ماتذاكر وتنجح! لا طبعاً
لكن متطلباتها مش كثيرة أو صعبة التحقيق .. وتتميز بأن الطلاب الأنترناشونال فيها كثير
تعتبر من الجامعات المتميزة في التخصصات الطبية

بالنسبة لمتطلبات اللغة تبه هالجامعة انو تخلص المستوى ١١٢ في معهد ELS
أو تجيب ٦.٥ بالآيلتس أو ٧٩ بالتوفل

..

كلية MILLIGAN COLLEGE



هذي صفحة الكلية بقائمة الجامعات الموصى بها
https://ru.moe.gov.sa/#/University/7948

موقعها الألكتروني
Milligan

برامجها الدراسية بكالرويوس وبرنامج واحد فقط للماستر
Academics | Milligan


معهد ELS

مافي أحد مايعرفه، لكن للي مايعرف هذي أهم المعلومات عنه ..
نظامه ١٢ مستوى، كل مستوى شهر كامل، كل شهر قيمته ٧٠٥٠ ريال
طبعاً اذا تبي تأمين طبي يعطونك بـ٥٥٠ ريال. بتكلم لاحقاً عن خيارات أخرى للتأمين الصحي

الدوام الكامل فيه من ٨:٣٠ صباحاً لما ٣:٤٥ عصراً
بريك غداء من ١٢:٣٠ لما ١:٣٠ ظهراً، بين كل كلاس والثاني ١٠-٢٠ دقيقة بريك

الكورسات اللي راح تدرسونها: Vocablury (كلمات)، LTC تستخدم فيه تطبيقات الكمبيوتر لتطوير لغتك
SSP القرامر ، وآخر شي Reading and writing القراءة والكتابة
في المستويات من ١٠٧ الى ١٠٩ ممكن يستبدلون لك كورس Vocabulry بكورس يعلمك كيف
تكتب بحث علمي بشكل صحيح ويدربك على البحث عن مراجع وبيانات و و و .. الخ

أول ماتجيهم يسوون لك اختبار قراءة وكتابة ومحادثة وإستماع وقرامر، وحسب درجاتك
يختارون المستوى المناسب لك، ان شاء الله أكون غطيت عنه أهم المعلومات

..

إختبارات اللغة والقدرات

مافيها مكان تختبرون فيه الآيلتس .. فقط التوفل في معهد ELS
أقرب مكان تختبرون فيه الآيلتس هو معهد ELS في Greenvile NC تبعد ساعتين عن جونسون ستي
في جامعة ETSU تقدرون تختبرون الـGRE

..

المواصلات

فيه باصات لكن ضعييييفة وتتأخر دائماً فالسيارة ضرورية ..

..

السكن وتأمينه

السكن يتراوح مابين ٥٠٠ الى ١٠٠٠ دولار
هذا بعض الخيارات للسكن اللي سكنت فيها أو سكن فيها زملائي .. تبعد عن الجامعة ١٠ دقايق
Summer chase apartments العنوان مكتوب في الصورة


Haven at Knob Creek


فيه سكن الجامعة للطلاب بـ٩٠٠ تقريباً وفيه Monrach 815 بـ٥٠٠$ الى ٦٠٠$
بس مشكلة ازعاج الطلاب وحفلاتهم ومخدرات فالمجمعات السكنية اللي مش للطلاب افضل خيار

مكتب السكن غالباً راح يطلب منكم سيكيورتي ديبوزت بحدود ٣٠٠ الى ٥٠٠$ قابلة للأسترجاع بعد إنهاء العقد
والعقد غالباً ١٢ شهر واذا تبي ٨ أشهر أو أقل ممكن يزيدون الإيجار من ١٠٠ الى ١٥٠$..
أنا طلبوا مني شهادة بنكية + سيكيورتي ديبوزت ٣٠٠$ وعقدي ١٢ شهر..

تأمين الشقة بالنسبة للمجمعات السكنية تبع غير الطلاب..

حقي من شركة State Farm بـ١٢$ شهرياً .. نصحتني فيها حقت المكتب
طبعاً أكيد لها عمولة لكن المهم أنها شركة محترمة ووضعها اوكي ..

المجمع السكني يأمن الشقة لكن تأمينه مايشمل الأغراض داخل شقتك، طبعاً أكيد بتقولون نفس ماقلت
مو لازم أمن أغراضي لكن بعلمكم شغلة .. لما تأمن الأغراض داخل شقتك .. في حال لا سمح الله
احترقت شقتك ثم أمتد الحريق للشقة اللي جنبك فأن شركة التأمين مو بس تدفعلك قيمة أغراضك اللي احترقت
برضو تدفع قيمة أغراض جارك اللي احترقت .. لأنه راح يقاضيك ويطالبك بتعويض! فشركة التأمين راح تحرص
أن هالشي مايحصل لأنها بتعوض كل المتضررين بهالحريق ..
طبعاً كل شي له حد .. يعني تعوضهم حد ١٠٠،٠٠٠ دولار فقط مو أكثر!
لو تبي تعوضهم أكثر لازم تدفع أكثر من ١٢$ شهرياً وهكذا

..

السيارة وتأمينها

السيارات المستعملة تتراوح أسعارها مابين ٣٠٠٠ الى ١٥ ألف دولار حسب نوع السيارة وسنتها،
أنا شريت جيب هوندا ٢٠٠٢ مستعمل لكن نظيف بـ٤٣٠٠ دولار .. تأمينها ٤٨$ شهرياً
وتستهلك ٢٥$ كل ٥ أيام للبنزين..

..

التأمين الطبي

( اللي عندهم بعثة يتجاوزون هالنقطة لأن الحكومة تعطيهم تأمين طبي، بينما الدارسين على حسابهم خنت حيلي يدفعون من جيبهم )

التأمين الطبي أول شهر اخذت تأمين المعهد و دفعت١٥٠ دولار .. كان يغطي تكاليف العلاج + الأدوية..
لكن نظام الأدوية أنك تدفع قيمة الأدوية بعدها ترسل الفاتورة لهم بالبريد أو الأيميل ثم يرسلون لك قيمتها كـ شيك لبريدك..
أسم شركة التأمين Summite America هذا موقعهم

بعدها حسيت أني ما أحتاج تأمين بهالسعر!
فأخذت تأمين ISO بعد نصيحة البعض وكنت ادفع ٤٨$ شهرياً فقط
لكن زيارة الطبيب ادفع فيها لحد ٤٠$ بعدها زي مبلغ فوقه شركة التأمين تغطيه ١٠٠٪
بينما الأدوية تغطيها شركة التأمين لحد ١٠٠$ للمرض الواحد .. هذا موقعهم
https://www.isoa.org

تختار اول شي International student ثم تدخل تاريخ ميلادك ثم ولايتك وبأي جامعة أو معهد ..
بعدها تختار العضوية اللي تبيها .. انا اخترت Silvar Combass وان شاء الله اني ما أحتاج أستخدمها
أقل شي لازم تشترك فيه ٣ شهور ..واقصى حد سنة .. اول ماتدفع قيمة التأمين يوصلك ايميل فيه صورة
بطاقة التأمين وبعدها بأسبوعين يوصلك ع البريد نسخة ورقية لها .. لا تتوقعونها واو تراها ورقة تلمع :P

طبعاً نوعاً التأمينين السابقين تبع المعهد والموقع مش شامل كل شي فقط للحوادث والأمراض،
يعني لا يشمل الزيارات الروتينية ولا الأسنان أو العيون

..

الأتصالات والأنترنت


بالنسبة لأنترنت البيت من شركة Charter

شهرياً ٤٥$ حق انترنت غير محدود وسرعتهم ثابتة.. الاتصال سريع ومايقطع وممتاز صراحة
أول التركيب راح تدفعون قيمة اول شهر + التركيب + الواي فاي ١٧٠ دولار.. الواي فاي ترجعونه لهم لأنه إيجار ٥$ شهرياً.. ضمن الـ٤٥$
انا ادفع فاتورتي شهرياً من خلال موقعهم https://www.charter.net/login/?referer=myaccount


أما الجوال أنا مشتركة بشركة Cricket لأني كنت ابي خدمتهم Group saving discounts
تختار باقة لموبايلك .. مثلاً أنا أخترت البيسك اللي هي ٤٠$ وهي عبارة عن مكالمات ومسجات بلا حدود + ٢.٥ قيقا
بعدها أضفت رقم شخص آخر لمجموعتي وبنفس باقتي لكن يدفع ٣٠$ لأن هذي ميزة الخدمة هذي يخصم ١٠$ على كل خط تضيفه
حدك ٥ خطوط فقط للمجموعة.. لكن فيها عيب واحد اللي هو لو احد من الخطوط مادفع تنقطع الخدمة عن كامل المجموعة ههههه
الدفع اون لاين عبر هالرابط https://www.cricketwireless.com/myac...ogin&skip=true
تكتب رقم جوالك + قيمة الفاتورة + بيانات الكريدت كارد ثم تدفع وبس ^^

..

الكهرباء

طبعاً لازم تنقلون الشقة من أسم السكن لأسمكم (اذا شكن طلاب ماتحتاجون هالخطوة لكن السكن العادي لازم تسوونها)
عند شركة الكهرباء حقتهم وهذي شركة الكهرباء حقتهم + عنوانها..

2600 Boones Creek Rd, Johnson City, TN 37615
بيطلبون منك سيكيورتي ديبوست ٣٥٠$ قابل للأسترجاع اذا بتغادر شقتك + تقطع الكهرباء عنها
ادفع قيمة الكهرباء شهرياً عبر موقعهم https://jcpb.smarthub.coop/Login.html#login

..

رخصة السواقة + الإقامة

بدل ماتشيل جوازك معك كل مكان وتعرضه للضياع او التلف فنصيحتي لك ان تطلع لك إما رخصة سواقة أو إقامة ..
اثنينهم استخراجهم سهل .. وهنا كل المستندات اللي ممكن تحتاجها عشان تطلعهم

الإقامة

تطلعها من الـDMV اللي هو المكان اللي تطلع منه رخص القيادة هذا عنوانه..
4717 Lake Park Dr, Johnson City, TN 37615

تحتاج I-20 وورقتين توضح عنوانك الأمريكي .. عادي تكون فواتير او اي ورقة رسمية توضح عنوانك ..
انا الشقة بأسم بابا فرحت البنك وطبعت ورقة من عندهم توضح مكان إقامتي ومختمة منهم وقلت انه هذي الورقة الوحيدة
اللي تثبت سكني لأني ساكنة مع والدي وكل الفواتير بأسمه.. صوروني وخلوني اوقع على ورقة انو حجابي لأسباب دينية ..
ثم دفعت قيمة الإقامة ١٥$ .. عطوني نسخة ورقية مؤقتة للإقامة والبطاقة الصلبة أرسلوها خلال اسبوع لبريدي

الرخصة

تطلع الرخصة من نفس العنوان السابق تبع الإقامة اللي هو الـDMV
الرخصة نوعين مؤقتة للمتعلمين اللي اجتازوا الإختبار الكتابي فقط ودائمة للي أجتازوا الأختبار العملي

الرخصة المؤقتة تاخذها بعد ماتنجح في الإختبار .. الأختبار عبارة عن ٣٠ سؤال.. مسموح لك تغلط ب٦ اسئلة فقط ..
الغلط السابع ترسب وتدفع ٢$ لهم ثم تجي بعد اسبوع كامل تختبر مرة ثانية إذا حاب.. انا رسبت بأول واحد ودفعت ٢$ دولار
ثم نجحت بالثاني ودفعت ٣٠$ حق الرخصة المؤقتة ، صلاحيتها سنة، اقدر اسوق في حال كان جنبي شخص حامل للرخصة الدائمة ..


لا تسوون مثلي وتختبرون من كتابهم الغبي ههههه .. حملوا هذا التطبيق
Tennessee DMV Permit Driving Test Practice Exam.. وراح تنجحون وتدعون لي بإذن الله ^^ ..

الرخصة الدائمة هي الأختبار العملي .. برضو اذا نجحت فيه تدفع قيمة الرخصة الدائمة ٣٠$

..

المركز الأسلامي


فيه مركز اسلامي يبعد ربع ساعة تقام فيه صلاة الجمعة فقط
فيه دروس عربي ودينية يوم الأحد واحياناً السبت.. هذا عنوانه
3010 Antioch Rd, Johnson City, TN 37604

..

البقالات العربية


مافي هههه .. بس فيه بقالة هندية اسمها Spice world
تجيب منتجات عربية مثل الدجاج والرز والشاي والمعلبات وغيرها.. هذا عنوانها
3101 Browns Mill Rd, Johnson City, TN 37604

..

المولات

فيه مول واحد فقط اسمه The mall at Johnson city
وفيه وول مارت وتارقت وتيجي ماكس و روز .. هذي احسن الاشياء




واذا تبون تتسوق عندكم اوت ليت في مدينة Ashville في North Carolina تبعد ساعة عن جونسون ستي
وبرضو عندكم Tanger outlet في Smokey mountain تبعد ساعة ونص عن جونسون ستي
برضو Knoxville فيها مول كويس تبعد ساعة وشوي عن جونسون ستي

..

المطاعم


فيه مطعم تركي حلال اسمه Mediterranean Garden هذا عنوانه
2203 McKinley Road, Johnson City, TN 37604


برضو مطعم عراقي يقدم فيه لحم حلال اسمه Babylon هذا عنوانه
2122 North Roan Street, Johnson City, TN 37601

وفيه مطاعم اخرى أمريكية وصينية وبوفيه وغيرها راح تعرفونها لما توصلون المدينة ان شاء الله.

..

وبكذا أكون غطيت أهم الأشياء .. ما ابي منكم إلا الدعاء أن الله يسهل لي قبولات الجامعة وانضم للبعثة بأسرع وقت ^^
أي سؤال بخصوص أي شي حياكم الله هنا