ايش احسن البنوك في امريكا

البنوك ماتفرق واجد هناك في الحسابات الصغيره كلها بري آآكاونت على ماقالوا ,,

لكن اذا احد بيحول لك من السعودية ,, انصحك قبل تفتح بنك تمر مركز الحوالات للبنك الي عند الي بيحول لك حساب فيه ,, ويسـأله مع اي بنك تتعاملون في التحويل في الولاية الي بتروح لها ,, ياخذ اسم البنك وتروح تفتح انت فيه حساب ,, انت كذا تستفيد ان التحويل صار دايركت , اول شيء ياخذ اقل من اربع وعشرين ساعه ,, ثاني شيء عموله بسيطه مره تكاد لا تذكر ,,
على ايه حال البنوك كثيره هناك لـ ذلك افتح في بنك معروف , مثل بانك اوف اميركا او شيء زي كذا ,,


بالتوفًيق ً ,,

يعطيكم العافية شباب بس ايش حكاية الشيك الملغي عشان افتح حساب عند الملحقية سمعت زي دا الكلام

شاكر لكم ومقدر لجهودكم

اول ما تفتح حساب في اي بنك بيعطونك دفتر شيكات تقطع شيك من الدفتر وتكتب عليه ملغي AVOID وترسله للملحقيه مع اسمك ورقمك الطلابي علشان هم من الشيك ياخذون معلومات حسابك يعني الرقم والبنك وينزلون عليه المكافئه كل شهر

دفتر الشيكات ذا يعطوني اياه هديه ولا انا اطلبة وله اجرائات ؟

لان خبري هنا عندنا سالفة لين يطلع لك دفتر شيكات , وراجعنا بكره , وراجعنا الاسبوع الجاي ,, والسيستم عطلان , والجهاز خربان , والادارة ماترد ,, واقعد راكض وراهم لين تمل وتبطل ,,

والله سلمت اخوي ابو رعودي وجزاك الله خير
وياريت تفسر لنا الموضوع لأنه اخوي راامش وضح نقطة تحتاج تفسير بصراحة

جزيتم خيرا

بانك اوف اميركا ممتاز في كثير ولايات
بس المشكلة اني فتحت حساب فيه من اول ما وصلت والى الحين ما عطوني الـ Debit Card
بروح لهم بكرا اشوف وش السالفة صارلي 3 اسابيع استخدم الكاش مامعي فيزا ولا شي .

غريبه عزوزي انا فتحت الحساب بعد 48 ساعه لقيت البطاقه في بريدي

تاكد من بريدك

والله مدري اليوم رحت عليهم
قالت لي الموظفة انهم ارسلوها ولاسباب امنية الغوها اليوم وقالولي بطاقتك الجديدة تسلمها على نهاية الاسبوع هذا .

بعدين هنا ما يطلعونها خلال 48 ساعة تاخذ على الاقل الاسبوع مع ان البنك فروعه في المدينة زي ستارباكس .