أرجو الإفادة ممن سبقونا إلى أمريكا

اول شيء الله يوفقك .
انا من الناس اللي جاتني بعثه من مكان عملي وانا متزوج.
بالنسبة للمقابله الشخصية انت وحظك انا من الناس اللي طلعت لي الفيزا خلال عشره ايام انا وزجتي طبعا انا فيزا اف ون وزوجتي اف 2 . لكن فيه ناس قعدوا 6 اسابيع الين ماطلعت الفيزا وهم مقدمين قبلي من اخوايي.

بالنسبة للحجز تقدر تحجز حجز مبدئي عشان ماتروح عليك الحجوزات طبعا بما انك مبتعث المفروض انك تحصل على تذكره لك انت والمرافق لك الى مكان دراستك. عشان كذا احجز الى مكان دراستك لك وزوجتك.

الحين اذا جيت تحجز من واشنطن الى فيلادلفيا احسب حسابك انك انت تبي تقعد في الملحقيه تقريبا من 8 الصباح الى 4 العصر وعلى كذا صلح حجزك لفيلادلفيا
اما بالنسبة للسكن في واشنطن عندك خيارين يا انك انت تحجز فندق قريب للملحقيه او انك تعلم الملحقيه قبل سفرتك باسبوع عشان هم يرتبون سكن مع الفنادق ( طبعا هم راح يحجزون لك سكن قريب من المطار حق واشنطن) رح يكون بعيد عن واشنطن نفسها. يعني مافيه تمشيات
انا افضل لك انك تحجز قريب من الملحقيه عشان تتطلع تتمشى انت وزوجتك في واشنطن .

والحساب تقريبا راح يكون نفس الشيء يمكن حق الملحقيه ارخص بشوي.

في مطار واشنطن حاول انك تنزل من الطيارة بسرعه لانه انا نزلت بسرعه قبل اخوايي فرقت معي 3 ساعات.

طبعا مايحتاج اقولك عن اللاب توب ( مع انهم ماشيكوا عليه بس احتياطا) فورمات وكل شيء اصلي من وندوز واوفيس . ولانحط صور وخرابيط كلها مالها داعي . هذا كله احتياطا

الحين بالنسبة للزوجه: انا صراحه جاي لحالي مع اني مطلع لزوجتي فيزا بس جاي اصلح الامور هنا من سكن وسيارة بعدين ابرجع اخذ زوجتي بعد فتره

طبعا اذا جبت زوجتك اف 2 تقدر تدرس معهد انجليزي بارت تايم وعلى حسب جدوال المعهد. وهذا تدفعه الملحقيه على طول. والملحقيه ماعندهم مشكله انك تضم زوجتك للبعثه بس اهم شيء موضوع الفيزا.

وتقدر تحول الفيزا حقتها من اف 2 الى اف 1 في امريكا بس طبعا تاخذ وقت واول ماترجع السعودية لازم تحولها الى اف 1 ( هذا كلام الناس هنا انا ماسويتها الى الحين)

بالتوفيق

واذا بغيت اي شيء ثاني اهلا وسهلا راسلني على الايميل لاني مادري انا وظروفي ادخل المنتدى

الله يوفقك في دراستك