التأمين الطبي و صرف الادوية في امريكا
السلام عليكم ورحمة الله وبركاته
الى جميع الاخوان و الاخوات المتواجدين في امريكا
نحن المبتعثين و المرافقين للمرحلة الرابعة نريد ان نسألكم عن ال
Health Insurance
وبالنسبة للبعض من المصابين بالامراض المزمنه كالربو او السكر ي او الضغط فلابد لهم من احضار بعض الادوية من السعودية لفترة كافية الى ان يعتمد التأمين الصحي لهم .
وكذلك التأمين الصحي يغطي جميع الامراض بما فيها الاسنان؟
فنرجوا منكم الافادة و توجيه النصائح فيما يتعلق بإ جراءات المطار وسؤال المفتشين عن هذه الادوية و ما الى ذلك من الامور التي سيواجهونها خلال رحلتهم وعند وصولهم الى الملحقية
و جزاكم الله الف خير
رد: التأمين الطبي و صرف الادوية في امريكا
يا هــــــــــــــــووووووووووووووووو
معقولة ما في احد يقدر يفيدنا
رد: التأمين الطبي و صرف الادوية في امريكا
أظن و الله اعلم انه يحتاج وصفة طبية تفيد بأنك محتاج للأدوية
والله ييسر لك امرك
اميين
رد: التأمين الطبي و صرف الادوية في امريكا
الموضوع مره مهم
وصار له شهر ما احد رد عليه
معقوله ما احد مريض بأمراض مزمنه!!!!!!
وينكم يا مبتعثي امريكا؟؟
رد: التأمين الطبي و صرف الادوية في امريكا
بالنسبه للادويه وانت داخل امريكا ان شاء الله ما عندك مشكله بس لا تكون كميات كبيره ( لانهم احيان يفكرون انك راح تتاجر فيها ) وحاول قبل لا تجي تاخذ تقرير طبي من طبيبك المعالج فقط للاحتياط وعشان بعد يشوفه الدكتور اللي راح تتابع معاه وضعك الطبي
بالنسبه للعلاج الملحقيه تدفع تكاليف العلاج والادويه بالنسبه للاشياء المستثاه هي : الحالات الغير طارئة للاسنان ، عمليات التجميل ، الادويه من دون وصفه طبيه
عموما اول ما توصل امريكا وتفتح ملف بالملحقيه راح تصدر لك بطاقه صحيه هذي طال عمرك تقدمها للمستشفى او العياده كل مره تزورهم وبالغالب يطلبون يشوفونها اول مره وياخذون منها صوره
بعد وصولك ان شاء الله وفتح الملف باسبوعين تقريبا او اقل راح توصلك بطاقه اخرى CVS Caremark وهي عباره عن بطاقة الادويه هذي تقدمها كل مره تروح تصرف دواء .
رد: التأمين الطبي و صرف الادوية في امريكا
الله يستر انا مصابه بمرض مزمن واحتاج ادويتي معاي وما ادري وش اسوي لو خذوهم مني في المطار؟!!
رد: التأمين الطبي و صرف الادوية في امريكا
سلام عليكم جميعا
المعذرة على التأخير بالرد لأني ما شفت الموضوع
بالنسبة للأدوية ما عندك اي مشكلة يعني كمية تكفيك شهرين اعتقد تكفي ويفضل يكون معك وصفة مختومة من دكتورك بالسعودية يوضح فيها الكمية اللي معك بالنسبة للأمراض المزمنة وخله يضيف لك اي علاج قد تحتاجه لو حبيت
انا كل مرة ادخل امريكا اجيب معاي ادوية وما قد احد سألني عنها باختصار انت وحظك لكن ربي ييسر اموركم انشالله
بالنسبة للمطار لو سألوك ممكن تشرح لهم انك مريض وتوريهم الوصفة
التأمين الطبي طبعا يشمل المبتعث والمرافق سواء المرافق الزوجة او الزوج وطبعا الأبنااء والآن تغير النظام اول كان تأمين عن طريق الملحقية من شهر 8 ميلادي 2009 صار التأمين عن طريق شركة اتينا
تأمينهم ممتاز ويشمل ويغطي كل شي بالنسبة للأسنان لحد 5000 دولار في السنة واذا كان فيه ضرورة ممكن يزيد طبعا يعني ال5000 قد تكون لغير ضرورة ويمكن عمل تنظيف وتقويم على حسب علمي
اجراءات المطار اذا ما طحت بزحمة سعوديين وربي يسر امرك بتدخل خلال نص ساعة على الأكثر واحيانا ممكن تتأخر عندهم ويجيبون لك بسكوت سخيف وعصير حار هههههههههههههههههه
لكن مو مشكلة تحمل شوي وتدخل كلها اجراءات وتعودنا عليها
غالبا تلقى الملحقية يستقبلونك وتروح لفندق وثاني يوم يجي باص الملحقية ياخذك لهم لحد ما تخلصون الاجراءات وبعدها لمدينتك
اذا احتجت اي استفسار ثاني اخوي رد على الموضوع وابشر بسعدك
رد: التأمين الطبي و صرف الادوية في امريكا
ثانكس على المعلومااات المفيده