الأعضاء الإشتراك و التسجيل

الملتقيات
ADs

اتـــــــــــــــــــــلانــتــــــــــــا atlanta

اتـــــــــــــــــــــلانــتــــــــــــا atlanta


NOTICE

تنبيه: هذا الموضوع قديم. تم طرحه قبل 5556 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. اولا اتمنى الجميع يعذرني اني مانتبهت لردودكم الكريمه.. لاني اول مانزلت الموضوع فشل .. وحاولت انزله مرتين وفشل في التنزيل وقلت انزله بعدين يمكن في المنتدى مشكله موقته.. بس يوم جيت علشان انزله ثانيه لقيت ماشاء الله كلا الموضوعين تم تزيلهم وردود هنا وهناك والغريب ان ماوصلني ايميل يخبرني بوجود ردود وشكل الاعدادت يبيلها تضبيط وباضبطها بس اخلص من الردود عليكم هنا وباجاوبكم بالي اقدر عليه .. واعذروني والله على التأخير وبعدين طير شلوي الاخ فهد ماشاء الله عليه متواجد في كل المنتديات ومن الناس الي يحب المساعده بيض الله وجه.. ومدام هذا الواحد نيته فان الله بيعينه وبيوفقه.. والله في عون العبد ماكان العبد في عون اخيه..


    عموما نبدا نشوف التعليقات واستفسارات..

    هذه المدينة أحد المحطات التي سكن فيها الوالد أيام دراسته وكان يمدح فيها ويثني على أهلها
    خلاص الخبره تكلمت وصارت شهادتي مجروحه في هالمدينه.. يعطيك العافيه اخوي يالي تنتظر الباص وعقبال مايجيك .. وذكرتني بواحد اسمه ابو نواف الله يذكره بالخير وهو الي اعتبره المرجع الاكبر لهالمدينه وقد التقيته في تلك المدينه وهو ماشاء الله عليه سبق ان درس فيها وقت البعثات القديمه وتولع في المدينه واصبح يزوها بشكل دائم مع عائلته .. وقد التقيت فيه هناك وبصراحه هو الي كشف لي الاشياء الكثيره الجميله والخافيه حول المدينه.. وانا اشوف المدينه جميله ورائعه وخصوصا للعائلات ..

    العفو اخوي الكونغرس وشاكر لك مرورك الكريم،، وتراه مو مجهود كبير ولاشيء .. يعني لو تفكرون فيها شوي بتحصلون الدعوه ماتاخذ مننا الا شيء بسيط.. وانا اول ماكتبت الموضوع كان في عام 2006 وكان قصير وكل فتره ازيد شيء بسيط وماكان ياخذ من وقتي الكثير وسبحان الله مع الوقت ومع الزيادات البسيطه الي نضيفها كل فتره صار الموضوع زي مانت شايف وتحس ان فيه جهد وتعب وهو لا فيه لا جهد ولا تعب .. وصدقني لو ماسويت الموضوع من ذاك الوقت وقلت لي اسوي مثله صدقني ماراح اقدر اسوي ولا ربعه ونص الاشياء الي فوق بانساها .. وعلشان كذا انا انصح كل واحد من توطوط رجوله على اي مدينه يسوي موضوع من سطرين وكل حاجه جديده والا شيء حلو يضيفه وبعد سنتين رايح تحصل اجمل موضوع ممكن يسير.. وهذا والله نصيحتي لكم حتى تستفيدون وتفيدون.. وهذا الموضوع اصبح حتى مرجع لي ومذكره انا استفيد منها ولله الحمد..

    وعليكم السلام ورحمة الله اختي الكريمه زهرة النجرس..
    العفو اختي الكريمه .. وانا والله العظيم مابي احد يشكرني عليه قد مابي دعواتكم لي وبس ومافيه شيء ثاني ارجوه منكم.. وبخصوص معهد ELS انا مادرست فيه .. بس اذا توك مابعد سجلتي فيه فمانصحك تسجيل حتى تسمعين مدحه وحده من احد الاشخاص الي سبق ان درسو فيه.. وانا لست الشخص المناسب الذي يسأل عن هذا المعهد.. بس اكون معاكي صريح الميزه الي يحملها ELS انك اذا خلصتي اخر مستوى فرايح تحصلين قرابه 500 جامعه في امريكا تقبلك بدون توفل وهذي ميزه قوووووووويه.. اما على التدريس فانا كنت ادرس في معهد جورجيا تك وهذا الي انصح فيه لاني جربته ودرست فيه وعرفته ولو تقدرون تحولون عليه بيسير مناسب جدا وحلو.. بس السيئه الوحيده الي فيه انك اذا خلصتي اخر مستوى ماراح يلغي عليك التوفل والكل رايح يطلبه منك .. بس اذا انتي تبغين جامعة Southern Polytechnic State University فانصحك وانتي في جورجيا تك تدخلين اختبارات المتشيقن حقته وخذيه كم مره وانا واثق انك رايح تجيبين الدرجه المطلوبه انك تدخلين جامعة Southern Polytechnic State University ..

    واتذكر انني قابلت اشخاص حولو من ELS الى جورجيا تك ومن خلال تجربتهم للمعهدين فهم ينصحون بجورجيا تك وذلك لان ELS هدفه تجاري ربحي وكانو يعانون من استغلال .. وحتى ان زميلي المقرب ابو عبدالعزيز كان يدرس معي في جورجيا تك وبعدها حول على ELS وكان والله يشتكي منه كثيرا.. عموما علشان اكون صادق معاكي .. الامور تتغير وانا اخوك والاداره تتغير واكيد كثرة الشكاوي عليهم ذاك الوقت قد يمكن حسن الامور الان .. وترى الاداره اذا كانت كويسه يكون المعهد كويس وانا اعرف احد الاصدقاء كان يدرس في معهد ELS في فلادلفيا وولد عمتي برضو مازال يدرس هناك وبصراحه معهد من الدرجه الاولى ورائع جدا بناء على آرائهم.. وانا انصحك لو اني مكانك انك تسالين الناس الي يدرسون حاليا في المعهد الان وهذا رقم المعهد اتصلو عليهم هذا رقمهم 0016789154960 وقلو نبغى ايميل ورقم واحد سعودي والا راسلوهم .. بس المعاهد الي انصح فيها بقووووه في اتلانتا معهدين ( جورجيا ستيت وجورجيا تيك ) الاول ماعندهم لعب وجادين ويطيرون الشيب من راسك بس يطلعونك صح وفاااااهم ومتعلم.. اما الي يبي اللعب والدراسه يروح جورجيا تك .. ومو عيب في جورجيا تك بالعكس تدريسهم رووووعه بس انهم مايضغطون عليك وياخذون وقتك كله وطول اليوم تشتغل مثل مايسوون جورجيا ستيت .. وانا لو بارجع مره اخرى باختار جورجيا تك مره ثانيه لاني ماحب الدراسه كل الوقت ابي وقت للجد ووقت للعب .. ومدام الدعوه لغه فالحمدلله تقدر تمارسه وانت تلعب .. وبخصوص مرياتا اختي فهي حلوه وامنه بس يبيلكم سياره وهذي مشكلتها الوحيده لان الميترو مايمر فيها والباص قلق ومشوار.. اما الي في اتلانتا فمايحتاجون سياره لان الميترو يقطعه ارباع شمال جنوب وشرق غرب وكل محطه يطلع منها انواع الباصات .. وبالنسبه للسكن فانصحكم تسكنون في احد الكومبليكسات الي في مرياتا واذا ماعندكم سياره فتاكدو ان فيه محطه باص قريبه من السكن .. بس اهم شيء العقد حاولو تدورون شيء مايتطلب عقد طويل المدى .. يعني اذا لقيتو 6 شهور عقد فاشوفه حلو.. وشوفي هذا الموقع
    classifieds - craigslist

    فهو ينزل عروض يوميه.. ويبيلك تشيكين عليه باستمرار .. وانصحكم فيه..

    وعندكم ايميل قروب الطلاب السعوديين في اتلانتا وفيه اشخاص مشتركين في القروب وعندهم عوائل هناك وبيفيدونكم اكثر مني .. فراسلي قروب الطلاب السعوديين في اتلانتا.. واسف اختي على معلوماتي المتواضعه واني ماقدرت افيدك بالشكل المرضي..


    والله من جد تحمست لها وحبيتها قبل ما اروحها
    بس رايحتها قريب
    انا انقبلت في معهد ELS
    وتبدء الدراسه في 6\4\2009 قريب يعني

    الله يوفقك ..


    هلا ومرحبا اخوي انس قصرت علي عنوة ان كل عضو يراسلني على الخااص واعطيه الرابط للمنتدى الثااني ومشوااار هع...
    على العموم الله لايهينك ياذيباان على نقل المووضوع هناء .
    الله يعافيك اخوي فهد وترى والله شادين فيك الظهر وانت ماتقصر.. وانا صفحه من الماضي انطوت وغبرت خخخخخ .. وانت الي ماتقصر والله ياحبيبي وبيض الله وجهك ...


    اخوي عكس التيار .. الله يعافيك.. ومابي الا دعواتك .. واسف حبيبي كلما حاولت ارد على رسالتك يطلع لي هالرساله الي بالاسفل

    (( تستطيع إستخدام الرسائل الخاصة عندما تكون لديك أكثر من 30 مشاركة))

    عموما انا بارد عليك هنا .. وبرضو علشان الكل يستفيد.. بالنسبه لسكن العوائل في مرياتا والله مدري عنها.. بس ممكن تنسق مع معهد ELS فهم يجيبون لك عائله.. وبرضو راسل قروب الطلاب السعوديين في امريكا واسالهم.. ولو انك عزوبي فكان نصحتك بهالموقع الرائع .. وهو عروض تنزل يوميا من اشخاص يريدون احد يشاركهم المسكن ويبيلك تشيك عليه يوميا
    http://atlanta.craigslist.org/search/roo?query=Marietta&minAsk=min&maxAsk=max


    الله يعافيك اخوي نوبل وشاكر لك مرورك الكريم ،،،

    الله يعافيك اخوي عبدالعزيز.. وتبي شي سهل في القبول في اتلانتا فانصحك بجامعة Southern Polytechnic State University وموقعها مرياتا والي يوجد فيها معهد ELS وانا اشوف الجامعه ميزه كبيره لطلاب ELS.. واذا هي على اللغه فالامر جدا سهل ويسير.. والي عليك انك تدخل اختبار المتشيقن والي اسهل من اي اختبار انجليزي ممكن تتصوره .. انصحك تدخل فيه كم مره وان شاء الله انها بتتسهل.. وبالنسبه للجيمات فهم يطلبونه بس مهوب حريصين عليه يعني لو اسلوبك حلو معهم ممكن انهم مايطلبونه منك.. بس انت بين لهم انك تبيهم وماراح تروح لغيرهم وخلهم يضمنونك وصدقني يعطونك قبول.. والله يسهل عليك .. وبرضو اسال السعوديين الي فيها ..


    وفي الاخير اتمنى اني افدتكم لو بشكل بسيط.. والله يكتب لكم لما فيه خير وصلاح لكم يااااااااارب.. ومعليش نظرا لضغط الدراسه فانا باشيك عليكم كل يوم سبت للرد على استفساراتكم اذا لديكم اي استفسار ... والله يسهل على الجميع يااارب

    هذا والله أعلم،،
    7 "
  2. مرحبا اخواني وخواتي الكرام وصاحب الطرح الجميل والمفيد انس

    قد طرحت سابقا تجمع للطلاب المتجهين الا جورجيا اتلانتا

    وبما ان الموضوع الجميل المتكامل الذي طرحه الاخ انس عن المدينه وحول نفس الموضوع

    فما رأيكم في ان يتم طرح الموضوع في نفس التجمع
    لكي تكون وجهه واحده للباحث وليتم التواصل بشكل جيد
    اوالعكس اي ان يكون موضوع واحد مثبت يحتوي على جميع الحوارات والمعلومات
    وهذا مجرد اقتراح للاخ انس ولجميع المشاركين
    7 "
  3. العفو .. وشاكر لك مرورك الكريم اختي الغاليه طموح1،،

    اخوي الغالي سامي نايف.. الابداع مرورك الكريم حبيب قلبي وكلامك الطيب.. وبعدين اي كليبات يابو الشباب .. حاطين ذا الموضوع نبي الناس تدعي لي مهوب تدعي علي .. عسى الله بس يوفقنا واياك ياااارب ويسهل علينا .. تحياتي الغاليه لك اخوي ،،


    اخوي الغالي عكس التيار.. حبيبي اقتراحك هذا المفروض ماتاخذون رايي فيه وبدون ماتشاورون اصلا المفروض يسير كذا بدال ماتخلون العالم يحوسون بين هالمواضيع.. والمفروض يكون كل شيء يتعلق بجورجيا يضم مع بعضه او حتى اي ولايه.. ابد انا معطيك الضوء الاخضر الفسفوري.. سو في الموضوع الي يعجبك مدامه يصب لمصلحة الجميع.. واقتراح رائع اخوي الكريم،، وماشاء الله عليك شايل هم اخوانك.. عسى الله يوفقك ويكثر من الي امثالك..

    بالتوفيق جميعا

    ولاتحرمونا من دعواتكم ،،
    7 "
  4. المشاركة الأصلية كتبت بواسطة Eng.Anas
    العفو .. وشاكر لك مرورك الكريم اختي الغاليه طموح1،،

    اخوي الغالي سامي نايف.. الابداع مرورك الكريم حبيب قلبي وكلامك الطيب.. وبعدين اي كليبات يابو الشباب .. حاطين ذا الموضوع نبي الناس تدعي لي مهوب تدعي علي .. عسى الله بس يوفقنا واياك ياااارب ويسهل علينا .. تحياتي الغاليه لك اخوي ،،


    اخوي الغالي عكس التيار.. حبيبي اقتراحك هذا المفروض ماتاخذون رايي فيه وبدون ماتشاورون اصلا المفروض يسير كذا بدال ماتخلون العالم يحوسون بين هالمواضيع.. والمفروض يكون كل شيء يتعلق بجورجيا يضم مع بعضه او حتى اي ولايه.. ابد انا معطيك الضوء الاخضر الفسفوري.. سو في الموضوع الي يعجبك مدامه يصب لمصلحة الجميع.. واقتراح رائع اخوي الكريم،، وماشاء الله عليك شايل هم اخوانك.. عسى الله يوفقك ويكثر من الي امثالك..

    بالتوفيق جميعا

    ولاتحرمونا من دعواتكم ،،

    مرحبا اخي انس اشكرك على الاهتمام بالموضوع وعلى حرصك ومساعدة اخوانك
    ** اشكر تقبللك لوجهة نظري
    واعطائي الون الاخضر الفسفوري ........
    ولك مني كل التقدير والاحترام
    7 "
2 من 5 صفحة 2 من 5 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.