علم الحاسب .. تخصص من {لا} تخصص له !

ماعندي اضافه بس اوافقك تماما بالكلام

لا الدوله فاهمه الحاسب ولا حتى الي ناويين يدخلوه مايدروا ايش هو تخصص علمي بحت ويدخلوه تخصصات ادبيه مش تحقير منهم مثل ماقلت لكن ماعندهم اساسياته يعني رياضيات ودخل حاسب يمشي حاله شوي بس يبي له تعبه بس ادب وداخل !!
الا الي عنده دورات وخبرات فهذا مستثنى فمفروض اي احد يقدم على الحاسب بالدراسات العليا يطلب منه شهاده تثبت المامه بالحاسب
سوا شهادات دورات اختبار معديه او شهاده البكالريوس

من جد دا الموضوع مررره غريب
كتير لقيت بنات جغرافيا ولغة عربيه وفني يبغو يدخلو حاسب مدري كيف تجي دي مو تقليل بقدراتهم لكن صعب هما ادبي والحاسب كلو رياضيات وبرمجة
والله الحاسب مو سهل احنا اللي دارسين 4 سنين يادوب ممكن نمشي فيه كيف هما اللي ماعندهم ولا معلومة
كتير من الناس على بالهم الحاسب هوا الوورد والبوربوينت والفيتوشوب يعني يحسبو زي دورة isdl ومو عارفين هوا عن ايش يتكلم

اذا كان كلامك صحيح فليس علوم الحاسب فقط بل كل العلوم

يعني مثلا شخص مثل ماقلت تخصصه انجليزي او لغه عربيه ويطلع على احد التخصصات المعترفه من التعليم العالي فمعناه على كلامك خطأ ... يعني يطلع مثلا علوم حاسب او ماليه او تسويق او قانون مالها علاقه بتخصصه ابدا !!! فلماذا خصصت علوم الحاسب بسؤالك ؟

ياعزيزي اسمحلي الوزاره لاتمشي بقرارات من اناس جاهلين بل من دراسات وبحوث معتمده ... في كل العالم تقدر تكمل ماستر في غير تخصصك وكذلك تستطيع ان تأخذ شهادتين بكالوريوس

مالخطأ اذا كنت متخصص انجليزي او لغه عربيه ودخلت تمويل او حاسب لانه رغبتي فبالتاكيد الجامعه لن تقبل بك الا بعد دخول سنه تأهيلية تحصل من خلالها على ما يؤهلك لفهم مواد الماستر

وعليكم السلام ورحمة الله وبركاته

أنا تخصصي في البكالوريوس كان حاسب آلي وبالأخص "علوم حاسبات" انتو ماتتصوروا قد ايش هذا التخصص صعب ومرهق ومتعب .. ويعتمد على الذكاء وعلى الرياضيات وعلى الهندسة ...الخ.

نصيحتي لكم .. أي أحد يبغى يدرس حاسب آلي كماستر .. وهو تخصصه في البكالوريوس كان تخصص أدبي إنه يعيد النظر في تخصصه .. أما إذا كان مصر على الحاسب فهذا شيء مرة حلو .. بس لازم يتحمل هو العواقب .. لأن زي ماذكرت التخصص مو سهل .. والأفضل قبل ماتدرسوا ماستر حاسب آلي إنكم تدرسوا سنة تحضيرية .. عشان تكونوا في الصورة


الله يوفقكم يارب مع تنمياتي القلبية لكم بالتفوق والنجاح

اخ new zealand

خصصت علم الحاسب لانني متخصص فيه ..
يبدولي ان عندك لبس بالموضوع ،
التخصصات التي ذكرتها ( اداره وتسويق ..الخ ) هذه تخصصات انسانيه او humanitarian Sciences بينما الحاسب هو تخصص تطبيقي يختلف اختلاف جذري عن العلوم الانسانيه ..

ثانياً مش في كل العالم تستطيع اكمال الماجستير بتخصص غير تخصصك بل حقيقة ان هذا استثناء ..
والجامعات المحترمه تطلب عليك انك قادم من تخصص له علاقه بالحاسب في سبيل ان تقبلك ..
ان تذهب من الرياضيات الى الحاسب غير ان تذهب من الجغرافيا الى الحاسب ..
هناك تخصصات تلتقي بامور كثيره وهناك تخصصات لاتلتقي ابداً إلا ماندر ..

تأخذ شهادتين بالبكالوريوس ماعمري شفت لكن تستطيع ان تاخذ دبل ميجور وهو بالمناسبه شهاده واحده وتقدمه جامعات محدوده بالعالم

بالأخير انا اكاد اجزم ان الوزاره لم تعمل بحث بهذا الموضوع وان عملته فهو بحث ضعيف لا يرقى للبحوث المأموله من جهه كوزارة التعليم العالي ..

وصفك لي بأني جاهل .. دليل على مستواك التعليمي ومعلوماتك الكبيره ..

ممكن يكون فيه تخصصات ادارية لها عﻻقة بالحاسب مناسبة لهم

بس علوم حاسابات هذا كﻻم ثاني

اشوف انه الطالب اللي مصر على الدخول في هذا القسم انه يعملوا له بري ماستر

مكون من مادتين فقط الجافا و السي بلس بلس واذا عداها بنسبة معقولة يكمل الماستر واذا لم يعديها

فيروح يترزق الله في تخصص ثاني أصرف له!

انا اعرف شخص يدرس الان بكالريوس في الجامعة العربيه وهو معه بكالوريوس من قبل

انا اعترف ان التعليم عندنا ضعيف لكن لا يصل لهذه الدرجه بان يستطيع شخص دراسة البكالرويوس مرتين بل هو من جراء التعاون مع الجامعات الاوربيه والامريكيه والاستفاده من خبراتهم وتطبيق ماهو مطبق عندهم

اعرف طالب بتخصص لغه عربيه ويكمل ماستر في الحاسب في امريكا في احد الجامعات المعترفه ووزارة التعليم لا تعترف الا بالجامعات القويه فهل جامعات امريكا لا تفقه شيئا

هناك اختبارات قبل ان تدخل اي قسم وبالامكان دراسه سنه تأهيلية تحصل من خلالها على المواد المتطلبه في البكالوريوس واذا اجتزتها بمعدل معين تلتحق بالماستر

انا معك لو كان تخصص علمي تطبيقي بحت مثل الهندسه او الطب او الطيران ... اما الحاسب فبالامكان دراسه فصلين تأهيليين تحصل من خلالها على اساس تستطيع من خلاله فهم مواد الماستر

انت متخصص بكالوريوس علوم حاسب ياليت تقولي كم ساعات الخطه كامله ثم نقص منها المواد العامه ( قرآ، اربع مستويات وثقافه اسلاميه كذلك وجغرافيا وسيره نبويه وووووو .. الخ ) كم سيبقى من ساعات التخصص الاصلي

وهل بإمكان الطالب دراستها في فصلين دراسيين ( سنه تأهيليه ) اعتقد أن الامور اسهل مما تتصوره ثم اذا كان مثل ماتقول انه ستخرج مخرجات هشه فانا اخالفك لو كانت تخرج مخرجات هشه وان التخصص صعب لما استطاع الطالب اجتياز الماستر بنجاح وهو تخصصه ادبي فما المانع اذا دخل علوم حاسب او اي تخصص وتخرج بامتياز او بمعدل مرضي وهذا هو المعيار الحقيقي .... إن كان تخرج بنجاح فهذا دليل على اجادته لمتطلبات البكالوريوس والا لما استطاع اجتياز الماستر

اخ new zealand
خويك يدرس بالجامعه العربيه بكالوريوس من جديد نقطتي انه لايستطيع ان يتخرج بوقت واحد بشهادتين مختلتفين..
بالنسبه لجامعات امريكا مافيه جامعه تحترم نفسها تعطيك قبول وانت ماعندك المتطلبات الاساسيه ..
لكن تلقى جامعة خويك جامعه خاصه همها الربح ولقت لها واحد سعودي يدفع ..
مو كل الجامعات جيده في امريكا هناك جامعات ماتشتريها بريال ..

بالنسبه لتخصصي بالبكالوريوس فاقولك ان مجموع ساعات مواد التخصص تقريباً 90 الى 100 ساعه ! بالاضافه الى عشرين ساعه هي الالكتف electives