تكفووون .. انا بعد ماحققت شرط المعدل وانا حاس صابتني عين .

السلام عليكم اخوي
الي انت مقتنع فيه سوه ولاتاخذ بكلام احد هذا مستقبلك انت
نصيحه مني استخير ربك واللي فيه الخير يكتبه ..,,,,

مع الاخت ولكن عليك أجلس مع نفسك واستشير زوجتك او والدتك وخواتك

واصدقائك بعدين وانا اخوك وش لك في العسكرية وجع الراس

والله العظيم يا اخواني اني محتار بالحيل .....

الله يوفقك اخووي ،

لكــن إنت قدم على كليـة الملك فهد وقدم بعد على برنامج خادم الحرميين ، اذا حصلت وحده منهم ادخلهآ واذا احصلن كلهـن إنصصحكَ اذا انت راعي دراسـه روح لبرنامج خادم الحرمين ، ولا اذا تبي تقول لا والله خلاص قفل مخي روح لكلية الملك فهد احسن واطلق والوظيفه مضمونه وراتب رائع جداً ، ورتبــــــــــه حلوووووووهـ ..

عسى الله يوفقك ان شاءالله ، ولاتنسى كل الامرين يحتاج إلى واسطــــــــــــــــــــــــــــــــــه ..

بالتوفيق

العسكرية مهنة قذرة وبيئة منحطة مع الأسف إلا من رحم ربي
زي ماقلت جاه .. مصطلح يتداوله الكثير وكأن الرتبة هي مبرر لأن ينغر ويتكبر !
مع الأسف هذا صرنا نشوفه من الضباط يعتقد إن الرتبة سبب لأن تخليه يتسلط أو يشوف نفسه على ايش ياابني وفيه واحد فوقك يهينك ؟ والمشكلة الي خلا الضباط يصيرون كذا هم نماذج أصدقائك ( جاه ) !
هذا ممكن من أول لكن الحين الدنيا وضحت للمواطنين
أخوي صحيح راتب حلو لكن للعسكرية تعريف واضح
كل واحد فوقه واحد ثاني يدق خشمه ويهين كرامته
مثل ماقال الأخ إذا أنت باقي نشيط وحق دراسة روح يارجال ادرس وارجع في وظيفة أكاديمية أو كبيرة راتبك ماينزل عن العشرة آلاف بالميت وتروح لدوامك محترم وترجع محترم عدد ساعات عملك مايتعدى بالكثير سبع ساعات باليوم
رئيسك مايقولك روح يا ( .... ) لكن بتلقاه يقولك لو سمحت ولا عليك أمر ممكن تسوي كذا وكذا !
هذي نصيحتي لك إلا في حالة وحدة إنك تحس معد تقدر تدرس ساعتها بأقولك روح للعسكرية
الله يوفقك وترى مرحلة الاختيار دائماً تكون صعبة على الإنسان واذا تبي الشور اجزم في أمرك واستخر وامضي في تحقيقه ولا تقعد تقول هاه اروح ولا مااروح عشان ماتتعب نفسياً زي محاكيك
دعواتي لك

اذا تبغى ترجع و فيك حيل تدور وظيفه و احتمال حصولك عليها ٧٠٪ او اقل
اختار الابتعاث...

يمدحون سوق الخضره

استخير ربك
واللي فيه خير ربي حيسهله لك
ولو قالوا لي تروحي ابتعاث مرة ثانيه رح اقول لااااااااااااااااااااااااااااااااااااااااااااااااا اااااااااا
طبعا هالكلام مو عشان اخوفك بس والله من تجربة ترا البعثة تعب نفسي قبل لايكون جسدي وذهني
لكن الانسان اللي مايلاقى وظيفة وش يسوي غير انه يطلع بعثة ع امل الوظيفه
واللي ربي كاتبه رح يصير
والله يوفقك اخوي
في اي طريق تختاره
واذا انت انسان طموووووووووووووووح
جهز شنطتك وتوكل على الله

رواتب أعضاء هيئة التدريس لا تفرق عن الضباط وللتأكد شاهد سلم رواتب
أضاء هيئة التدريس و الضباط.
فمثلا المحاضر يستلم راتب اساسي بالحد الأدنى 7620 والملازم أول يستلم 7600
الفرق يكمن في:
*عضو هيئة التدريس يعيش استقرار وظيفي بعكس الضابط المشتت من مدينة لأخرى.
*عضو هيئة التدريس يستطيع زيادة مداخيلة عن طريق تقديم الاسشارات سواء للوزارات والهيئات الحكومية أو الشركات بعكس الضابط المكتفي براتب آخر الشهر.
*على مستوى بيئة العمل عضو هيئة التدريس يعيش بيئة عمل صحية بعكس الضابط الذي تعد بيئة عملة أبرز سلبيات العمل العسكري.
* الفرق الايجابي الوحيد للعسكرية هي سرعة الوصول إلى الوظيفة والتي تستغرق فقط 1-2سنة بالكثير وذلك بعكس عضو هيئة التدريس الذي يدرس 7-8 سنوات للحصول على الدكتوراة ولكن راتب الدكتور عندها يقارب راتب الضابط عند عملة في الجامعه.
وفي النهاية ترجع الأمور لمسئلة قياس المنافع والتكاليف فإذا كان لديك الهمة والطموح فأدعوك لإكمال الدراسة ولا غير
أما إن كنت غير مستعد لتحمل الدراسة وما يصاحبها من غربه ومتاعب فإن العسكرية مناسبة لك.
وبالتوفيق لنا جميعا