النــظرة الشرعية قبل الزواج .. ما رأيكم فيها ..

النظرة الشرعية سنة مؤكدة
والرسول امرنا بها
وبعدين الحين الحمدلله اغلب اولياء الامور صار عندهم وعي وما عاد يمانعون النظرة الشرعية

صعب لتزوج وحدة ما شفتها والله لو العالم كله قال انها حلوة ومزيونة لكن النظرة الشرعية غير

ربي يوفق الجميع ويرزقنا اجمعين

النظرة الشرعية حق شرعي للطرفين ولكن الحين أنا كيف أرتبط في بنت وأنا ما أعرف عنها شي ولا عن تفكيرها ..؟؟!!

يمكن يطلع تفكيرها مغاير عن تفكيري أو أنا تفكيري مغايرعن تفكيرها وهنا تبدأ المشاكل وفي النهائية يقع الطلاق ويضيعون الأطفال بسبب غلطة غير محسبوبه ...!!

الى أحب أوصل له بما أني شاب أن الجمال الحقيقي يكمل في شخصية المرأه قبل مظهرها "المظهر مو كل شي الجمال جمال الروح وليس جمال الجسد"

زي ماقال الشاعر.... جـمال الـروح ذاك هو الجمالُ .....تـطيب بـه الـشمال والخِلالُ


الحين جاء دورك ياصاحب الموضوع أبي أسألك أيش هوه موقفك بكل أمانة لو رفضتك خطيبتك بعد النظرة الشرعية ؟؟؟؟؟

وهل ردت فعلك تقارن بالفتاة حينما يرفضها الخطيب بعد النظرة الشرعية ؟؟؟؟؟

تحياتي ,,,

وش رايك يطلعون تيم هورتنز مو أحسن هع


النظرة الشرعية معروف حكمها

لكن المشكلة عندنا صنفان

١- صنف يرفضها مع انها من الشرع و هذا غالب ينجم عن جهل في الشريعة.

٢- و صنف كما عند الأخت منعطف مبالغ فيرا الخروج و نحو ذلك و هذا ممنوع كما قال العلماء.

الله يهدينا للطريق الحق في كل شيء

النظرة الشرعية سنة من السنن اللي علمنا الرسول صلى الله عليه وسلم
لكن ما توصل الى درجة انهم سطلعون كوفي مع بعض
خلونا وقعيين شوية
الظاهر حنا ما عندنا وسط يا ابيض يا اسود
يا ناس متحجرة وتقول عيب وتمنع شرع الله يا ناس مكرة تبي تجيب العيد
اعتقد اذا جاء لللبيت وقابلها وشافها وتحدث معها
واذا البنت قريبته مافي مانع ياخذ رقمها ويسولف معها طبعا هذا على حسب العوائل لان فيه ناس ما تنرضة وفيه ناس ما عندهم مشكلة الخطيب يحكي مع خطيبته
اهم شيء ما نتعدى حدود الله
والحمدلله النظرو الوحدة تكفي غير كذا اكيد ام الولد او اخته تكون شافت البنت قبل وعرفت كل شيء عنها الولد ما عليه الا انه يجي ويشوفها ويجلسون دردشون شوية
الحمدلله ربي اغنانا بحلاله عن حرامه
ربي يزوجني ويزوج كل عازب ويرزق كل خواتنا بالزوج الصالح

لكن ياشباب نفسي اعرف من كل واحد .................وش يكون موقفك لما ترفضك البنت خاصة اذا انت تحبها وهي قريبتك ومن زمان حاط عينك عليها
نبي كل واحد رايه ............
وايضا للخوات الكريمان وش يكون موفقتس انتي يوم يرفض الولد ويقول البنت ما عجبتني ...........
واسف ع الاطالة

معليش انتي قصدك بعد الملكة ولا قبل اذا كان قبل اصلا الشرع قال كلمته في هالموضوع اما بالنسبة عشان يتفاهمون او يحبون بعض او هيك من هالكلام الله قال في كتابه العزيز وجعلنا بينهم مودة ورحمة يعني قدم المودة والرحمه على الحب ولا كان قال حب ولله حكمه في ذلك وبعدين يعني يتقابلون في كوفي عشان يفهمون عقليات بعض والله اذا الله كاتبلهم استمرار بيستمرون حتى لو ان واحد فكره شرق والثاني غرب ليش نروح بعيد عندك الاجانب يطلعون ويتقابلون ويجلسون سنوات وهم اصدقاء واذا تزوجو على طول تطلقو هل ياترى ماكانو فاهمين بعضهم خلاال هالسنوات اما اذا على كلامك خلاص كل واحد اروح اتقهو معه واذا رجعت لاهلي قلت مايصلح يالله الثاني ونروح الكوفي وهكذا ماحد مستفيد غير صاحب الكوفي ههههه اما الي يقول عشان نفهم بعض ونفهم عقليات بعض والله لو هي ماخذه انيشتاين خلونا واقعين شوي المهم الواحد بأخلاقه وقوة صبره يعني زمان تزوجو وماضرهم فتحو بيوت وطلعو اجيال رائعه لها انجازاتها وبعضهم ماكان متعلم اش الي تغير الزمن الزمن مثل ماهو بس الناس وعقلياته كل مالها للاسف تتغير للاسوء انا مع النظرة الشرعيه بس ضد الطلعات قبل الملكة مو جالسين كل شوي نقراء مصايب بسبب ذا الموضوع معليش لاحد يزعل من وجهة نظري اختلاف وجهات النظر لايفسد لود قضية

النظرة الشرعية هامه

ومن المؤسف أن يضع البعض أعذار واهية

فليس من المعقول أن يذهب شاب وأبوه إلى بيت شخص أخر لأنه يرغب برؤية فتاة إلا إذا كان سفية

صحيح أن مجتمعاً محافظة ولكن لابد أن تتماش عادة مجتمعنا مع الدين لا العكس

انا اشوف انو النظره الشرعيه دا الزمن لازم لاسباب كثيره .. وكمان رائي مع منعطف الخير بعد الملكه مافي مانع انو يخرجوا اكثر من مره يعني بس مو اكثر من ثلاث مرات يتكلموا مع بعض ويفهموا بعض كده احسن وكمان يتكلموا بالجوال .. انا استغرب من الاباءوالامهات الي يخلون الخطيب مره بالشهر يشوف بنتهم ويكلمها واذا سألتهم قالوا عشان يشتقلها ويكون متحمس لها..... معليش يعني ..... ولا بالشوفه تلبس عبايه وطرحه على راسها اش دا التعقيد مو من حق الولد يشوف شعرها .

الكلام دا ما سمعتوا من بنت وحده من كذا بنت .. سبحان الله كل مين وتفكيره ..

لو مثلا مثلا ترفضني بعد النظرة الشرعية مع انه مستحيل < واثق شوي ههههه اكيد اني بحقد عليها وعلى العائله الي هي منها < الشر يعم ههههههه
والي فيه نصيب مايروح

وعلى فكرة ترى تحكمنا عادات وتقاليد ملعونه خير يعني لو تقول بشوف خطيبتي ولا من هالكلام قسم بالله لايطردونك مع الباب
ومع ان هذه الشرع محلله لاكن الجهل مقطعهم تقطيع الا من رحمه ربك ،، ولا بعضهم اذا قال بشوفها
جابها ابوها وهي لابسه العبايه ومتحجبه ماتشوف الا يدينها ههههههههه وتحط العصير وتمشي سريع سريع ههههه
ماينفع لها الا انك تحط الرقم في الصحن هذه اذا عطاك فرصة ابوها ههههههههههههههه بس بس ماعطيتونا ارائكم
يعني الي يبي يتزوج منكم لازم يشوف خطيبته ولا على ذوق الاهل انا ببدأ مستحيل اخطب واتزوج وحده وبعدين انصدم
يمكن تطلع شبة < واكلها انا ،، لا ماتمشي معي يا اشوفها يا بلاش