هذي آخرة الثقه فالدكاتره العرب.. !!

والله يا لينا احسها وحدة من خزعبلاتك !!

لكن خذي هالرأي :

اثق بالعرب واحب العرب , وان الله كتب لي الموت على يد طبيب , فيا ليت يكون عربي !!

بعدين يا لينا , , يمكن كانت حالتك المادية صعبة شوي ورحتي لمستشفى منتهي

ورايح فيها , فأكيد هذا اللي بيصير

الكاسر ممكن نتكلم بجد ولو لمره بس

مابي ادعي عليك .. مو زين رمضان

بس جد ليش دكاترتنا العرب تجاريين !!!!!

طيب طيب , بنتكلم جد

الموضوع وما فيه , ان التعليم الطبي سيء جدا للاسف لدى العرب , اذا استثنينا

سوريا , ولذلك تشوفين هالتخبطات خصوصا عندنا في السعودية رغم ان عندنا

نماذج مشرقة بصراحة لاطباء اكثر من رائعين ,وايضا هناك موضوع الشعب العربي

نفسه , حيث ان المواطن عندنا دائما مستعجل ولا يهتم بجودة ونوعية العلاج

لذلك الدكاترة تعودوا على تسريع نوعية العلاج مع التضحية بالجودة والدقة

والدكاترة بشكل عام اصبحوا جشعين جدا لاموال العامة خصوصا وانهم
يملكون اهم ورقة في حياتنا اليومية وهي الصحة , شكرا لك عالموضوع .....:86:

وأنا أضم صوتي إلى صوت الكاسر، لأن زمرة قليلة غير مؤهلة من الدكاترة العرب لا تمثل جميع دكاترة العرب، والدليل على ذلك وجود استشاريين وبالأخص سعوديين ومتفوقين عالميا...

الضاهر انك يا لينا حاقدة على العرب


على العموم لا يخفى عند كل سعودي قلة الرقابة والحزم على القطاع الصحي
قبل ايام توفي لي قريب في مستشفى مشهور في جدة واللي عالجه مدير المستشفى الدكتور السعودي المشهور جدا ً حاصل على شهادة في الطب النفسي والنتيجة يقولوا مات قبل بدأ العملية والسبب غص في عظمة


وهذا يدل على ان المستشفيات ما عليها رقابة اجل معيدة تموت بسبب خطأ طبي والجزاء حقها
50 الف على دكتور المشرف و 50 الف على الدكتور الثاني والممرضات وحدة 8 الاف ووحدة 7 ووحدة مادري كم


كأنك في تقرير حادث مروري


مو بس في المجال الصحي


فل كل المجالات لا يوجد رقابة


اذكر في مهندس استشاري اجنبي يحكي لي قصة يقول مرة رحت لطبيب اتعالج في مستشفى مشهور في جدة يقول تفاجئت لما دخلت على الطبيب قالي الأفضل أنك تتعالج لما ترجع لبلدك


بس ليه مايكون هم اللي هناك ماخذينك فأر تجارب
ويمكن السن مافيه شيء وسليم بس حب يغطي على الموضوع ؟

تحياااتي العطره للجميع

لينا
انتي جبتيها على الجرح
انه عندي فيلم طووويييل في مشاكل الأسنان من جيت امريكا
قبل ما اطلع على امريكا كانت عندي عمليه في اسناني بالسعوديه وعلى حساب من اشهر المستشفيات في السعوديه بعلاج الأسنان هذا الكلام كان قبل ما اروح امريكا بشهر وشوي
و بعد وصولي لأمريكا بشهر واحد بس جتني الآلام فضيييييعه و صلتني الا الأسعاف في الليل
واليوم الثاني رحت المستشفى وهو كان school ويلي يعالجوا طلاب
و مسكتني طالبه و قعدت تكثر كلام فوق راسي و انا شكلي كذا
طلعت كلمت امي قلت لها انا بموت
تقول لي ايش فيك ؟؟ قلت له الدكتور الله لا يبارك فيك العلاج حقه كان كله غلط في غلط وسبب لي بلاوي .. يبي يكحلها عماها .. وفي انفكشين كثير يعني خلاص بموت
بدأت علاج .. واستمر العلاج حق اول يوم من 9 الصباح الى 5 ونص المغرب قفلت معاهم المستشفى
وكان العلاج مضبوط .. قلت في نفسي وجلست اضحك .. اللحين طالبه بعدهي ما تتخرج عالجتني وتعرف شغلها احسن من دكتور استشاري خبره مالا يقل عن 20 سنه
هذي وشلون احلها...؟
بس انا رجعتي السعوديه ناويه شر للمستشفى .. والله بهدلني حسبي الله عليهم

عارفه اني طولت ..بس قلتها لك جبتيها على الجرح ... ولحد يومك اعاني واروح مواعيد مستشفى ..بس صار لي شهرين ساحبه عليهم مليت

يسلمو

انا اشوف انك تعطينا اسم المستشفى , بما انك من اهل الشرقية وانا وكثير من رواد

الموقع من اهل الشرقية , فنحب نستفيد ونبعد عنه , لاني اعتقد ان مستوصفات

الشرقية مميزة , وما كنت اتوقع ان مستواهم سيء للدرجة هذي , تقبلي تحياتي......

مرحبا لينا صراحه انا صار لي موقف مع اطباء الاسنان موقف مؤلم جدا جدا
باختصار رحت لدكتوره سعوديه الله يستر عليها ويسامحها على اللي سوت فيني بصراحه مادري وين درست هذيك طب الاسنان يعني لو هي متعلمه حفر ازفلت يمكن كان عرفت تحفر ضرسي بشكل انساني شوي .. حفرت ضرسي بطريقه اجراميه وشالت العصب بطريقه وحشيه وحطت حشوه وقالت مع السلامه واستمر الم معايه اكثر من سنتين الين جبت لي موعد باكبر مستشفى بعد زيارات متكرره على عيادات الاسنان وبدون فايده المهم الدكتوره الثانيه كانت برضو سعوديه والله يجزاها خير وين ماكانت عارفه ايش اكتشفت !! اكتشفت جسم غريب داخل الضرس وبعد اخذ وعطا واشاعات اكتشفت انه راس دبوس حديدي من اللي كانو يستخدموه زمان في شيل العصب مكسور جوة الضرس طبعا استغرقت وقت طويل للمعالجه والحمدلله عالجتني على اكمل وجه ..
الحكايه مو حكاية دكتور عربي او اجنبي الحكايه حكاية دكتور فاهم ويخاف الله ويعرف يطبق اللي درسه وعنده ذمه وضمير وسلامتك ..

تقبلي مروري