مبتعث مستجد Freshman Member
الولايات المتحدة الأمريكية
تايه في امريكا , ذكر. مبتعث مستجد Freshman Member. من السعودية
, مبتعث فى الولايات المتحدة الأمريكية
, تخصصى لغه
, بجامعة غير متوفر
- فرجينيا, غير متوفر
- السعودية
- Oct 2011
المزيدl October 8th, 2011, 07:19 AM
October 8th, 2011, 07:19 AM
السلام عليكم ورحمة الله وبركاته
بغيت استشيركم في قصة واحد مبتعث كل ويك اند يشرب لين مايفقد واخرتها بغى يتهجم على جار لي امريكي والرجل قام يدور يبيني افهمة وش يقول خوينا السعودي اللي عرفته بعد كذا ان خوينا السعودي جاه عند باب بيتهم يقوله ابي شراب وقام الامريكي عطاه وبعدها طلب ثاني قاله ماراح اعطيك المهم ان خوينا السعودي بغى يتهجم على الرجال وقعد يقوله انا امير وراح اجيبلك ناس الحين عشان يربونك مع العلم ان جاري الامريكي هذا فيه صحة ماشاءالله عليه بس انه مايبي مشاكل والامريكي سوا حركة قام صور خوينا فيديو على الجوال عشان وده يشتكي وفوق كذا يبي يوصلها لسفارتنا انا مبدئيا قدرت اغير رايه وهو عارف اني مالي علاقه بخوينا هذا بس لانه ولد ديرتي فسامحه وش رايكم مع العلم مهيب اول مره يسويها خوينا طايح في الشرب طيحة غير طبيعية
انا افكر جديا اني اخذ التسجيل وارسله عارف انكم ممكن تقولون بتضيع مستقبله بس يضيع مستقبله ولا بكره القاه مذبوح لان ولايتنا فيها نسبة الافريكن الامريكن كثير
وش رايكم
توضيح (انا عارف الله حليم ستار وامر بالستر وانا لما حطيت الموضوع مهوب قصدي فضيحه او شي ابي اعرف وش الحل)
اذا كنتم في شقه وحده اتفقوا انتم واصحابكم قولو يا انك تبطل شربك الغبي هذا او اننا مضطرين اننا نقولك توكل على الله من غير مطرود ..نسبياً الكلام راح يجيب معه واذا انه مره مره مصر الا ويشرب تصرفك حكيم ارسل للسفاره ولا الملحقيه يرجع لبلده احسن من انه ينذبح او ينسجن في الغربه ،،،
ترهفاتي .
Jeddah boys October 8th, 2011, 07:24 AM
7 " اخوي هو مهوب معي في الشقه ولاشي وانا اصلا علاقتي بيه مقطوعه بسبة ذا الشرب بس اني خايف عليه
تايه في امريكا October 8th, 2011, 07:35 AM
7 " والله لو هو مرره ممسخها , وكرر هالحركه أكثر من مره , تكلم معاه ولو ما اقتنع وصلها للسفاره أو الملحقيه
أهون علي تضيع البعثه عليه ويرجع لأميمته سالم , أحسن من السجن أو إنهم ما يقصرون فيه
والله يعطيك عى قد نيتك أخوي
بالتوفيق ...,
Knight Dandy October 8th, 2011, 09:13 AM
7 " يا خوي قرارك سليم احسن شي بلغ الملحقية او السفارة يرجعونه للديرة كذا احسن شي يعاود عند اهله يضبونه.هذي مشكلة بعض شبابنا الجهال يتوهقون بسوالف مررة سيئة
noof alghamdi October 8th, 2011, 09:26 AM
7 " اخوي انا اقول بلغ اهله وخلي اهله يحاولو معه ويهددوه اذا ما انعدل بيبلغو السفارة والملحقية وبيرجع السعودية .. صدق كلامكم بكره تلقوه مذبوح وما احد يدري بيه وانتو حاولو تلهوه معكم وخلي يقضي اغلب وقته معكم ولا تخلوه يقعد لحاله وما يلقى شيء يتسلى فيه غير الشرب .. الله يجزاكم كل خير
zzeeiinn October 8th, 2011, 09:36 AM
7 " خل الامريكي يبلغ السفاره او لو انا مكانك انا رحت بنفسي وبلغت عليه
هالاشكال مو وجه ابتعاث ويصورن البلد بأسوا صوره يرجع السعوديه لا بارك الله بأمثاله
أم فادي October 8th, 2011, 03:45 PM
7 " اول شي خطوه جيده انك كتبت عن الموضوع ، و هو ابدا موفضيحة ولا شي لأنك ماذكرت اسمه ولا مين هو
و كمان تكون عبره للقاريء
انا وجهة نظري انتظره واحد يوم يكون او في وقت يكون صاحي و بوضع طبيعي ، و اتكلم معاه بهدوء ، و حاول تقله في البداية على الأقل قلل الشراب الين تبطله ، و اذكرله تصرفاته و طيشه الغير طبيعي لما يشرب ، و الفت نظره لما سيترتب عليه من مشاكل كبيره
و قله اليوم انا شفتك وسترت عليك ، لايجيك احد ما سكت على تصرفاتك و يفضحك و تخسر بعثتك و مستقبلك ممكن ، هذا غير اصلا غضب ربك
و الكارثة انك لو اعتديت على امريكي او طحت بيده ..
Eiffel tower October 8th, 2011, 07:11 PM
7 " اشكركم كلكم على تفاعلكم وتجاوكم مع الموضوع وجزاكم الله خير وردودكم كلكم بلا استثناء كفت ووفت
تايه في امريكا October 8th, 2011, 08:19 PM
7 " 
LinkBack URL
About LinkBacks
October 8th, 2011, 07:19 AM
السلام عليكم ورحمة الله وبركاتهبغيت استشيركم في قصة واحد مبتعث كل ويك اند يشرب لين مايفقد واخرتها بغى يتهجم على جار لي امريكي والرجل قام يدور يبيني افهمة وش يقول خوينا السعودي اللي عرفته بعد كذا ان خوينا السعودي جاه عند باب بيتهم يقوله ابي شراب وقام الامريكي عطاه وبعدها طلب ثاني قاله ماراح اعطيك المهم ان خوينا السعودي بغى يتهجم على الرجال وقعد يقوله انا امير وراح اجيبلك ناس الحين عشان يربونك مع العلم ان جاري الامريكي هذا فيه صحة ماشاءالله عليه بس انه مايبي مشاكل والامريكي سوا حركة قام صور خوينا فيديو على الجوال عشان وده يشتكي وفوق كذا يبي يوصلها لسفارتنا انا مبدئيا قدرت اغير رايه وهو عارف اني مالي علاقه بخوينا هذا بس لانه ولد ديرتي فسامحه وش رايكم مع العلم مهيب اول مره يسويها خوينا طايح في الشرب طيحة غير طبيعية
انا افكر جديا اني اخذ التسجيل وارسله عارف انكم ممكن تقولون بتضيع مستقبله بس يضيع مستقبله ولا بكره القاه مذبوح لان ولايتنا فيها نسبة الافريكن الامريكن كثير
وش رايكم
توضيح (انا عارف الله حليم ستار وامر بالستر وانا لما حطيت الموضوع مهوب قصدي فضيحه او شي ابي اعرف وش الحل)