يكفي مسخرة يا السعودي ضحكتوا العالم علينا.. اي حشمة بتلبسها بالالومبيادوهي مشاركة!؟

و بما انك ستكون محرم لنا في الالومبياد و سترضى بذلك !! فان هذا الامر يثبت عدم أهلّيتك ايها الرجل بأن تكونوا مرافق في أي مكان
وإذا صدر القرار ووافقتم لنا بالمشاركة في الالومبياد فإننا سنقوم في المقابل بحملة لالغائك أيها الرجل بأن تكون محرم لانه بكل بساطة لست الرجل الذي اوصانا الرسول باتخاذه المحرم المدافع عنا
فأنت لست أهل لذلك ..... الحملة حاتصير و الشريف ما هي افضل منا على الاقل احنا قاعدين ندافع عن قضية لها وزن

و لا شكر الله لكم

كلامك جدا رائع عزيزتي
يعني من جد مدري ايش يحسون فيه وصدقيني موالكل كذا ولا كل البنات هيك تفكيرهن
وهذا داايم مشكلتنا الخلط بين العادات والتقاليد والدين
يعني محرم ولباس محتشم عشان رياضة طيب انا احب السباحه مثلن البس عبايه واسبح
ياللهي مدري اش يحسون فيه يدخلون الدين في السالفه عشان يحللون شي لنفسهم ماخذين الدين زي الغطاء لافعالهم
يامحلاني وانا جايبتن محرمي والعب كورة ولجبت قول فصخت العباية وحذفته على الجمهور يعني من زود الفرحه ماراح احس بعمري ههههه ياربي ساعات اتسائل هذولا الناس من وين يفكرون
عندنا مشاكل كثيرة وهم تاركينها وجاين لاشياء ماحد درى عنها غيرهم
وبعدين خولة عندما ركبت الخيل هل ياترى كانت لابسه سكيني عشان حضراتهم يذكرونها اكيد ماكان في شي زي كذا سابق الا اذا يلبسون عبايتهم ويركبن الخيل مافيش مشكلة مع اني متاكده مافي حدن بدو يعمل هيك اصلن انا شفت كم صورة
والله مفارقهم الاحتشام بس كما ذكرت غطاء لافعالهم الرعناء
خلاص يقولون نبي نسوي الي يعجبني دون اقحام الدين في السالفه شوهو صورته لاحظت شي دايم لا جو يقحمون الدين يجيبون احاديث ماحد قد سمع عنها مدري من وين يحفرون ويطلعونه وهيا عاد اخذي حديث واحد ويناشبونك عليه في كل لقاء
الله من قوة الحجة بس
قال اولمبياد قال خلهم يجيبون كاس العالم بالاول هع
دونت ووري ماراح يشارك غير قلة وشي راجع لهم هم واهلهم يصطفلو ماحدن داري عنن
همسة :
انا مش ضد الرياضة ابدا بالعكس بس بطريقة هذي لا انا ضد هالتخلف ماهيب محوجة

صح لسانك اختي شموووخ و الله انت شامخه باخلاقك و رجاحة عقلك

و أنا معاك من المؤيدين للرياضة للمرأة و المطالبين بانشاء الاندية الرياضية بكثرة للنساء و محسوبتك من الاعضاء الدائمين في أحد الاندية الرياضية بمدينتي

الله يكثر من أمثالك
و شكر الله لك

اخ
انا من قريت الخبر وانا مضايقه من جد
وش تشارك وباللبس الشرعي على مين يضحك
ماقول غير الله يهديهم

وهذا من نتائج الابتعاااث السلبيه ...ذهبت غيرة الرجال وانتحر حيااء النساء ...

إنا لله وإنا إليه راجعون
الله يصلح الحال

قبل الاسلام وقبل كل الامور اين الرجولة والغيرة في اولياء امورهم ؟
الرجل العربي لها صفات لايسمح بالموافقه بذلك
واين الفتاة الملكة المحتشمه كيف ترضى ان تظهر امام الشاشات ؟
للاسف هذا نتيجة التأثير والانحراف الغربي الذي استطاع من ان ينزرع في عقولهم

ما خليتوا لنا مجال نتكلم أخواتنا بالله

الله يحفظكم ويبعد عنكم وزير الرياضه ووزير التعليم وقائمتهم المريضه ..,

أولاً أروى المطبقاني مأهله للمشاركه في عالمياً ؟؟!!!!!
خدعوك فقالوا ..... تباً لك

ثانياً أي لبس محتشم يتكلم عنه سعاده الحكم العالمي ؟؟!
من شروط اتحاد الفروسيه العالمي أن يكون البنطال موافق للمواصفات, طيب إيش هي مواصفات البنطال الموافق لمواصفات لبس الفارس؟؟!
إنه يكون البنطال استرتش, يعني لو جات هالكلمه من غير حكم يعرف أنظمة الرياضه كان نمشيها
وهذي الثانيه من مسلسل خدعوك فقالوا ...,

ماشاء الله الومبياد !

إي كثروا منها ثلاثه أرباع الشعب رياضي والنوادي بكل حي ،

ومزرعه خيول وراء بيتنا وفوق سطحنا مسبح والممشى قدام بيتنا ودراجة هوائية في المخزن الخاص وملعب كورة لإخواني تحت الأرض والحدائق إلى بكل زاويه !!!!

أنا ما أبي أشارك في الألومبياد خليته لكم لكن أنا أبغى شعبنا يحس إنه رياضي ومتوفر له كل شيء مو مشاوير بالسياره بالكليو عشان وحده من هذي !

سامجين وفروا ذي الأشياء ثم تعالوا قولوا لي تعالي شاركي ثم أقولكم لا ماني باتمان في الجزء الثالث