قولو انشاء الله بدل الحضانه في الطريق اليكم

نقول يارب
مشكور ع المعلومه الحلوة اللي تبشر بخيررررررر

بس حبيت انوه اخي الكريم انه ان شاء الله تكتب بهالطريقه
تقبل تحياتي

اشكرك على التنبيه وهي تكتب هكذا إن شاء الله

بس احيانا الاخبار الحلوه تنسي الواحد اسمه

من اول مراحل الابتعاث وهم يرددون هالاسطوانه ... (يايها اللذين امنوا لم تقولون مالا تفعلون.. كبر مقتا عند الله ان تقولوا مالاتفعلون)

«الوزارة تجري دراسة حالية لحضانة الأبناء للوالدين المبتعثين وإعطاء بدل حضانة لهم، وقد بذلت الوزارة في ذلك شوطا كبيرا».
مدري هل يقصدون ان الوالدين لازم يكونون الاثنين مبتعثين؟؟؟ يعني في النهايه تقريبا ربع المبتعثين او اقل رح يحصلون عليها ... والبقيه لهم الله .....وكالعاده سكتوا الجمهور وفي نفس الوقت ماحلوا الاشكاليه ....

انا معاك ولاكن شيْ احسن من لاشيْ اقل شي في مسؤول صرح والموسى كذا كأنه يقول احنا وصلنا صوتكم يامبتعثين للدوله والدوله تقرر تتوقعين هو يقدر يقول كذا اذا ماهو متأكد انه راح يجي خبر قريب إنشاء الله

السلام عليكم ورحمة الله وبركاتة
هاذي اول مشاركة لي لان بصراحه شدني الموضوع اتمنى يكون بدل لان بالصراحه صارت الحضانه مبالغ فيها يعني ان المولود الجديد 1000 دولار وش بقى من المكافأة؟؟؟ وغير مستلزمات الطفل وغير وغير!!!!
اذا المكافأه 2850 السكن 1200 والحضانه 1000
وغير الكهرباء+المويه +النت +ومصروف الاكل
صراحة جدا غاليه العيشة والمكافاة ماتكفي اتمنى من الملحقية تغطي تكلفة الحضانه بشكل كامل..

والله انا حقيقه وصلت لقناعه ان برنامج الابتعاث اساسا حطوه للعزاب وليس المتزوجين وخصوصا الطالبات والدليل هالتجاهل المطلق من الوزاره لها المشكله اللي فعلا تحتاج معالجه ،،،، ولهم فتره طويله يعيدون ويزيدون في هالموال بس اللي يبونه يوصلنا ان مافيه امل وكل واحد يدبر نفسه ... مين قال لك تطلعين وانتي متزوجه وعندك اطفال؟؟؟ كان جلستي ببيتك وعطيتي غيرك اللي يكون مستعد هالفرصه .... لا زلت اذكر في الملتقى قبل الابتعاث واحد من الدكاتره الموجودين يقول للمرافقين ترا انتوا اكبر اشكاليه تواجهنا وعلى فكره لاتفرحون انكم بتكملون مع زوجاتكم او خواتكم لان غالبا ماراح تقدرون ،،، واحسن حل لكم تصيرون بيبي ستر لاطفالكم ..... يعني صراحه منتهى قله الذوق والاحترام ،،، بس وش نقول حسبنا الله ونعم الوكيل مصيرهم يلاقون كل هالعبث والخيانه للامانه تنتظرهم يوم القيامه ان شاءالله .... والله في كندا لو تصير هالمشكله كان خلال شهر بالكثير المساله محسومه والحل مطروح ،،،،

هلا اخت هند اولا اشكر على مرورك العطر

طبعا معروف سواءً مبتعث او لا احيانا يكون الدخل الشهري للشخص 30 الف ولاتكفيه وديون ومشاكل وبنفس الوقت نلقى شخص ثاني ياخذ 30 بالميه من هذا الدخل يعني 9 الاف ريال فقط وليس لديه دخل اخر غيره ويكفيه وتلقاه ساد نفسه وعائلته ومو ناقصه اي شيْ .وان متأكد ميه بالميه انت واي شخص سيشاهد ردي انه يتفق معاي في هذه النقطه .

جلست مره في محاظره لشخص مسؤول عرف عنه النزاهه والتواضع واخذت منه حكمه لعل وعسى انها تفيدك وتفيد اي شخص يعاني من هالمشكله قال بمامعناه " ان الشخص يفكر في مرتبه الشهري قبل مايقبضه ويقول سادفع هالمبلغ للشيْ الفلاني وسأدفع ايضاً كذا للشيْ الفلاني سواءً آجار او غير ذلك كم سيتبقى لي ويبدأ بالنرفزه وعدم الرضا مما يعكس نفسيته لكره هذا الرزق الشهري الذي يأتيه ولاكن لو الانسان ترك كل هذه الحسابات ولم يفكر بهذه الطريقه ويقول فقط عندما يقبض هذا المرتب اللهم اطرح لي فيه البركه سيتغير كل شيء " واقل شيْ المفروض الشخص يقول الحمدلله والشكر لك يارب على هذه النعمه بدلاً من التسخط وغيره من هذه الامور ونرجع
لقوله تعالى: (لَئِنْ شَكَرْتُمْ لَأَزِيدَنَّكُمْ )

انا بصراحه طبقت كلامه والحمدلله نتائجها كانت ايجابيه بالنسبه لي وانصحك وغيرك ممن يعاني من هذه المشكله ان يطبق هذا الكلام بدايته ستكون صعبه ولاكن حاول انك تكف عن هذا التفكير بااي طريقه انا بصراحه كل ماخطر ببالي التفكير في هذا الموضوع اتعوذ بالله من الشيطان الرجيم وابدأ بالاستغفار والحمدلله شهرين وتغلبت على هذه النقطه السلبيه في حياتي. وصار الدخل الشهري يكفيني ويزود من فضل ربي.

النقطه الثانيه انا اشوف كثيرممن يعانون من قلة المكافأه انا ماادري بس بصراحه تكفي وتزود بالنسب لي ماادري يمكن انا غير عن الناس طبعاً فيشخص راح يقول اني مستأجر رخيص لاوالله شقتي ب 2300 دولار شهري وادفع تأمين سياره ورحلات تقريبا مرتين بالشهر سواء داخل فانكوفر او برى وادفع للمدرسه الكنديه شهرياً عندي 3 بنات الله يخليهم ويصلحهم وستر عليهم وادفع للمدرسه السعوديه كل ترم مبلغ عن كل وحده والحمدلله تكفي وتزود من فضل ربي ثم بفضل الاستغفار والشكر ليل ونهار. طبعاً الشيْ اللي اهم من هذا كله ولن تتجاوز هذه المشكله الا به الصدقه لو ماتصدقت صدقني ماراح تكفيك لو انها 100 الف .

بارك الله فيك


انا معاك انه البرنامج افضل للعزابي ولاكن لكل حاله سلبيات وايجابيات العزابي له مشاكله والمتزوجين برضوا عندهم مشاكلهم ولافي شخص في الدنيا يخلو من المشاكل ولاكن بصراحه المتأهلين الله يسخر لهم اشياء نادر مايحصل عليها العزابي .

اشكركم ع مروركم العطر

شكرا ابودالين وبارك الله لك في زوجك وبناتك ووفقك

اهلا اخوي صافي النيه جزاك الله خير ووفقني ووفقك لما يحبه ويرضاه