محظور
غير معرف
LATF
, تخصصى محاسب مع إني ما أطيق المحاسبه
, بجامعة لي سنه من تخرجت من الجامعه
- لي سنه من تخرجت من الجامعه
- محاسب مع إني ما أطيق المحاسبه
- غير معرف
- عقلي الباطن, قريح ومزنه
- غير معرف
- Aug 2007
المزيدl December 2nd, 2007, 08:59 AM
يالبا قلبك يامحمد وربي انك مثلي ويمكن انا اشد منك بس هذا حظنا بهالدنيا من سئ الى اسوء
David Villa December 2nd, 2007, 09:33 AM
7 " أخـوي LATF !!!
أبــشــرك يا أخي ,, فأنـت تـوأم روحــي ,,,
تـــــدري لــــيـــه ؟؟؟؟
لأنــ كـل ما ذكــر أعـــلاه , والله إنــه إنـه يـتــجــســد فــي مــمــدوح . . .
تــــــــدري ؟!؟!؟!
لا ورب مـخـمــد . .
كــل مـا ذكـــرته حـول الدمـوع والـفـراق وإنه فـــيــك . .
والله ضــعـــفــه عـــشـــر مـــرات فــي أنــا . . .
الـبكاء عندي والدمـوع زي الـسلام عـلـيكم . . .
وامــا الــفـــراقـــ ,,
فــقـطـعـا هـو من سنن الحياة التي لا تتبدل ولا تتغير , ,
أي نـعـم إنه مـؤلم , والشعور الذي يعقبه , تعجز الحروف عن وصفه
ولكنه واااقع لا مـفـر مـنـه , شاءت الأهــواء أم أبـــت .
وورد في الـحـديــث ؛(( . . . وأحــبـب مـن شــئــت فإنك مـفـارقــه . . ))
وقــد اجــسـن الأعـشـى يوم أن قــال :-
ودع هــريـرة إن الـركـب مـرتحـل * * * وهــل تـطـيق فــراقــا أيـها الــرجــل
فأحــســن الله عـزاءنـا في مـن فـارقـنـا , وأبقى لنا مـن بـحضرتنا
فإن الـحــي والـقـريـب هـما الأبــقــى الى حـيـن
وأمـا ســؤالك الذي عنونت به موضوعك
فإن لحظات الوداع من الحــالات التي تندرج تحت ما يسمى بالـحـزن
والذي هو احد أحوال ابن آدم التي تمـر عليه طوال حياته , ,
والـحــزن جـرت الـعادة ان يـعـبـر عـنه بالــدمــوع
فلذلك نبكي حينما نــودع ....
وعــوفــيـت أخي على تـقـليب المواجع @@@@@@@@@@
** MaMdOuH ** December 2nd, 2007, 10:14 AM
7 " بسم الله
وشفيكم يا جماعه وش الحزن هذا وتقليب المواااجع
ماااااااا يصيير واسمع يا LATF أولا ما نسمح لك تترك مبتعث وترووح
وحتّى تعرفون بأن الحياااه لازم تتحمّلها وما يصير الدموووع
أنا أقص عليكم شيء من رحلة العمر وكيف هي الحياااه أخذ وعطى
في يووم من الأيااام كنت أكثر منك يا LATF وأذكر والله ما أكذب عليكم وأنا صغير
كنت في فصل الربيع دائما وسبحان الله يجي قريب من بتنا عصفووور والله العضيم يا إخوان عليه صووت ما أقدر أتحمّل نفسي وشش حزين ويجي كل ربيع ويذكرني في السنه الماضيه شيء غريب
وكنت برضه لما أشوووف كاءنات صغيره إذا طلعت برّى وكان واحد بيدعسها ولا بيرميها بشيء أصيح فيه لدرجة
إني مررره لقيت خنفسااانه صغير تبي تقطع الشااارع هههههههههه رحت خذتها ووديتها الجهه الثانيه حتّى ما تدعسها سياااره ههههههههههه وكنت بأروح فيها أنا والخنفساانه ههههههههههه
المهم وش اللي صار معي بعد كذا
بعد الثانوي سافرت أدرس الهندسة في جامعة قويّه بعيد عن أهلي طبعا وكان معي سيّارة في السنه الثانيه في الجامعه
سويّت حادث ثلاث مررات ثنتين منهم كانو في الأسبوع اللي قبل الأختبارات وواحد ما كنت مأمن الرخصه وتحمّلت تكاليف سيارتين ثانيه كنت أنا الغلطان والله يا ناس من كثر التعب ومراجعات المرور وأنا مسافر لوحدي
صاار ما يفرق معي أي شيء المهههم في السنه اللي بعدها في نصف الفصل الدراسي كانت المصيبه ....الوالد صار عليه حادث وتوفى الله يرحمه ويسكنه الفردووس الأعلى....أنا طبعا سافرت للاهل وتركت الدراااسه فتره
بعدين رجعت وطبعا مستووااي الدراسي نزل الله يعوضني بالماجستيرمع إني كنت بالمدرسه آخذ الأول
المهم صرت ما أجلس مع أحد حتّى بالجامعه زملااائي يسؤلوني وشفيك ما خبّرت أحد بأن الوالد توفّى ما خبّرت إلا دكتوور الله يذكره بالخير ورااحت أياااااام الطفوله وراح معها جمال الحياااة
الله يذكر أيااام الطفوووله بالخييييييييييير أجمل أياااااااام عمري
هذى الحيااااه أقسم بالله مأنسى كم كان يبكي الوالد إذا صرت مسااافر وكان يمشي معي لعند السياااره وينصح فيني كأني أشوووف دموعه الله يرحمه برحمته اللتي وسعت كل شيء
واليووووووم لو يمووت كل النااس ما يبقى إلا أنا ما تفرق معي
لو أوااااادع كل الناااااس وأبقى لوحدي ما تفرق معي
الشيء الوحيد اللي لازاال معي هي الرحمه لا يمكن أن أجرح أحد ومستعد أخدم كل من يحتاااج الخدمه هكذا علّمتني الحياااه
فيا ترى هل أنا على الصح أم على الخطى؟
أخوووكم أحمد
الميموني... December 2nd, 2007, 06:44 PM
7 "
December 2nd, 2007, 08:59 AM
السلام عليكم ورحمة الله وبركاته
تصدقون يا حبايبي اذاقلت لكلم من يوم أنا كنت صغير أكره لحظه عندي لحظة الوداع ماني بحبها سواء كانت لحظة الوداع صغيره أوكبيره دائمه أو مؤقته ماأحبها تدرون ليش لاني ما أقدر أمسك دموعي ... بس بقولكم شئ الله يخليكم خلوا الكلام بيني وبينكم لاتعلمون أحد انا إذا جيت ببكي ماأحب أحد يشوفني وانا أبكي أحب أكون للوحدي تقولي ليش أقولك ماأدري
*******************************
يوم كان عمري خمس سنوات تقريبا كانت عندنا تعديلات با البيت وكان الذي يقوم با التعديلات عماله من الجنسيه اليمنيه وكان يرأسهم شخص اسمه أبو محمد فكانوا يأتون ً من الصباح البا كر وأكون بستقبالهم أنا وعمي عبد الله فكنت دايم أجلس معهم وخاصة مع أبو محمد كنت أتكلم وأضحك معه وكنت أحب أشوفهم وهم يشتغلون الي جالس يصبغ ولي مدري وش يسوي (معليش والله ماأذكر تفاصيل كنت صغير من جد) المهم مر أسبوع على هذا الحال وأنا مبسوط معهم في اليوم الثامن جلست كا المعتاد من الصباح أنتظر ..أنتظر ماحد جا من العمال لا أبو محمد ولا الوفد اللي معه حتى عمي عبد الله ماكان موجود أو باالاحرى كان نايم .. جاتني أمي قالتلي وشفيك جالس من صباح الله خير قلت لها أنتظر العمال قالتلي خلاص العمال مراح يجون خلصوا شغلهم ....... وش توقعون سويت ذاك الوقت ... بكيت وقلت لأمي ليش ماقلتيلي أن أمس أخريوم علشان أسلم أبو محمد وبقيت المجموعه.ههههههه
دايم أتذكر هذا الموقف وضحك من تصرفي الطفولي
**************************************
وأنا في الصف الخامس الابتدائي كان عندي ولد خاله اسمه محمد كنا دايم نلعب مع بعض ونتهاوش مع بعض على طاري الهواش وربي يقوم البكس مابينا للدرجه بعض الاحيان يطلع الدم منا وبعد خمس دقايق ولاكأن صارشئ نرجع نلعب مع بعض من جديد (أطفال قلوبهم بيضه) المهم محمد حبيبي رحمة الله عليه صدمته سياره ومات............
********************************
في المرحله المتوسطه كنت مكون علاقه واسعه في العائله ولله الحمد خاصة مع البنات من قرايبنا كنانجلس مع بعض ونسولف ونضحك ونحفل في فلان وعلان ... مالكم بطويله في هذه المرحله طلعت لي بعض التغيرات في الصوت وفي الشكل... با العربي بلغت . .... عندنا في العائله أي واحد يبلغ يضف وجهه المجلس ولاعاد يجلس مع الحريم .....
صاروا الحريم يتغطون عني ...... تتوقعون بكيت ,,, الله أعلم...........بس والله أيام حلوه
*********************************
في المرحله الثانويه انتقلنا الى بيتنا الجديد ... في أثناء ماكنا بنودع بيتنا القديم تذكرت أغلب الاشياء اللي صارتلي بالبيت تذكرت وانا ألعب في البيت أنا وخواني تذكرت شباب الحاره تذكرت المسجد اللي أصلي فيه وامام المسجد الشيخ عبد المحسن الله يعطيه الصحه والعافيه ........... تذكرت أشياء كثيره لايسعني الحديث عنها .....أكذب عليكم اذا ماقلت لكم بكيت
******************************
بعد المرحله الجامعيه .... حدث ... يعتبر منعطف في حياتي ...مالكم بطويله ولكني بكيت
*************************
خلاصة الكلام
الى أبغى أوصله أن أغلب الاشياء تغيرت فيني تغيرجسمي وعقلي وطريقة تفكيري وأصحابي ...........الخ الى شئ واحد دموعي في لحظات الوداع ماقدر أمسكها
ياناس انتم مثلي ولا أنا غيركم oo:
س/ هل دنا الموعد لكي أودع منتدى مبتعث وأقوله وداعيه يا أخرليله تجمعنا؟
ج/ الله أعلم
محبكم دائماً وأبداً
LATF
تحياتي القلبيه لكم
يموم مبارك عليكم