ماهي الحلول لاقناع الاهل حول الابتعاث !!

حاول أن تقنع الوالدة حفظها الله برغبتك الجامحة في الدراسة حينما ترى عزمك وإصرارك ربما تساعدك ..
وربي يوفقك ويحفظك .

وعليكم السلام ورحمة الله وبركاتـــه

في البداية وقبل الكلام " الله يكتبلك اللي فيه الخير واللي فيه راحتك وسعادتك العملية والعلمية والنفسية يـــــارب "


موضوع الابتعاث والرفض " آآآآآآآآآآآخ منهم بــس ! "

نفس الحالة حصلت معايا ومع الأخت الكريمــة والمشكلة بإني فاتحت الوالد والوالدة الله يحفظهم في بداية الأمر وكانو موافقين ،

لكن في خلال زيارة حصلت عند خالي وخالتي كانت كفيلة بقلب الموازين " 180 درجة ! "


لدرجة إني حاولت حتى مفاتحة الوالد الله يحفظه بالموضوع في أكثر من مرة وماقدرت !


ألين سهلها المولى عز وجل بتساهيله وقدرت أفاتح الوالد بالموضوع وأقنعه بعدة أمور بعد الله سبحانه وتعالى " اقتنع فيها " ،


أولا : افتح الموضوع مع الوالدة لما بتكون في حالة نفسية تمام " مبسوطـة " .

ثانيا : لازم تكون كطالب حابب يدرس بالخارج اطلعت على الأقل على المكان اللي حابب تروح للدراسة فيه وعن المجتمع .

ثالثا : إذا تعرف أحد من الأصحاب والقرايب راحوا دراسة للخارج فاذكر للوالدة أوضاعهم وكيف إنهم الحمدلله مشيو واتسهلت أمورهم بتساهيل الرحمان .

رابعا : لازم تذكر للوالدة الله يحفظها بإنه فيه ناس راحت للخارج واتعلمت ورجعت بالشهادة واللغة ، بالمقابل فيه ناس راحت للخارج ورجعو بدون شهادة لكن مع اللغة ، وأيضا للأسف فيه ناس راحت للخارج ومارجعت لا بشهادة ولا بلغة ! .

خامسا : لازم تقنع الوالدة الله يحفظها بإنك حابب تروح للخارج مو بس للدراسـة ! إنما لتطوير وتحسين وصقل شخصيتك للأفضل فالابتعاث لا يتعلق فقط " بالدراسة ! " .

سادسا : لازم توضح للوالدة الله يحفظها بإنك إنتا ولدها مو ولد " الخوال " خالي وعمي على عيني وعلى راسي لكني أمشي على موافقة الوالد والوالدة " فقط لا غير " .

سابعا : وضح لهم إصرارك على الأمر اللي تبغاه بأكثر من مرة واجتهد وحاول مرة واثنين وثلاثة .

ثامنا : وضحلهم الأمور الإيجابية والسلبية في الخارج ! ، يعني قلهم صحيح إنو في الخارج فيه مغريات لكن بالمقابل إذا الإنسان توكل على الله وعقد العزيمة وحصن نفسه ماراح توقف أمامه " مغريات الدنيا " ، بالمقابل وضحلهم الأمور الإجابية الموجودة في الخارج وخصوصا في الجانب التعليمي والإعتماد على النفس .

تاسعا : وضحلهم إصرارك على الدراسة في الخارج والعودة بالشهادة واللغة بإذن الله وتوفيقه .

عاشرا : اشرحلهم بإن " نضج العقل وطريقة تفكيره " لا تتعلق بالعمر وإنما بالعقل ذاتـه ! ، فطلاب وطالبات كثير لم يتجاوزو الـ 21 سنـة وحاليا جالسين يدرسون وحاصلين على أفضل الدرجات الحمدلله ، وبالمقابل وضحلهم بإنو فيه رجال متزوجين وعندهم أولاد وبنات ومع ذلك في كل إجازة يسافرون مع الأصحاب من دون الأهل والله العالم ايش اللي بيصير في السفرية ! .

إحدى عشر : لما تتكلم مع الوالدة الله يحفظها وضحلها حماسك ومعلوماتك عن الدراسة في الخارج .

اثنا عشر : وضحلهم بإن التعليم في الخارج لا يقارن بالتعليم في الداخل " نهائيا " وحتى الدكاترة نفس النظام ! فهناك المعامل جاهزة ومكملة ومحاضرة العملي تكون عملي ، أما عندنا على العكس تماما ! لا معامل ولا دكاترة منصفين ويخافون الله " إلا من رحم ربي ".



هذي النصائح اللي تحضرني الآن للأسف : /

الله ييسرلك أمرك ويكتبلك الخـيــر في كل مكان يــارب

وعليكم السلام ورحمة الله وبركاته

نصيحة من أختك الكبيرة ركزي الحين على اختباراتك وشد حيلك وذاكر زين... واجتهد وجيب النسبة وبعدين افتح الموضوع معاهم

لاتشغل بالك الحين في هالفترة المصيرية ...

وإن شاء الله تجيب نسية وتدرس في جامعة الملك فهد للبترول والمعادن مستقبلها حلو احسن لك من الغربة

لاتفكر الغربة شئ سهل...

الله يكتب لك اللي فيه الخير ولا تنس تصل الاستخارة والدعاء

وعليكم السلام ورحمة الله وبركاته

اول شيء الله يوفقك وان شاء الله تجيب معدل ونسبة طيبة
بخصوص موضوع البعثة
نصيحتي لك لا تستعجل واذا جبت درجة زينة ولقيت قبول في التخصص اللي تبيه وفي داخل المملكة
ادخله ولا تتردد
في النهاية هي وجهات نظر
لكن انا اشوف انك لو درست عند اهلك وفي التخصص اللي تبغاه افضل واريح واحسن لك الف الف مرة من البعثة
كلنا كنا نبي نطلع برا ونقول فلة وبعثة ولغة ومدري شنو
لكن في النهاية اعتقد الدراسة هي هي والعلم في كل مكان ودراستك في ديرتك وبين اهلك احسن لك بلا بعثة ولا وجع راس
واغلب الشباب اللي قابلتهم وطلعو بعثة طلعو لانهم ما لقوا التخصصات اللي في بالهم في المملكة

لكن اذا والله ما لقيت قبول في جامعاتنا ساعتها يحق لك تطلع برا
عموما الحين انت ركز في دراستك وحاول ترفع من معدلك
واختبر الحصيلي وشد حيلك فيه
وان شاء الله تتيسر امورك

بخصوص اقناع اهلك اعتقد كل شيء بالتفاهم يجي واللي فهمت من كلامك ان امك هي المسؤولة عنك
يعني ارحم من اللي ع راسه شايب هههههه والله لو تنطبق السماء ع الارض ما يقتنع يمشي اللي بارسه
اما الام تقدر تقنعها عاد انت وشطارتك

مثل ما قلت لك وناخوك انت بس ركز في دراستك وخلها النتائج تطلع وتبدا البعثات والقبولات الجامعية وعندنها استخر ربك والله يقدم اللي فيه الخير
واهم شيء صلاة الاستخارة الله الله بالاستخارة اسال ربك ان ييسر لك ما هو خير في الدينا والاخر

موفق اخوي ومعليش ع كثر الحكي،،،،،،،

نصيحة من محب مرحلة البكالريوس مرحلة حساسة

ومن تجربة هذه المرحلة يحتاج الشخص فيها للاهل اكثر من ما تتخيلي

وانصح ان تكملي الجامعة هنا وتذهبي لاكمال الماستر بعدها

اتمنى لك التوفيق

عزيـــزي الحــوار هو أحســن سبيل للتعامــل مع والدينــك وحاول تقنعهـــم بفكــره

الأبتعــاث, وكمــان وهـو أهم شي لا تعصيهم ولا تعــاندهــم أبداً بل ترضيهمــا

وتجعلهمــا يقتنعــان بما تفعــل بدون ما يغضبــون عليك ! وتــذكــر "رضى الله من رضى الوالدين"

سبحـــــــان الله وبحمـــــده سبحـــــان الله العظيــــــــــــــــــــم

الدعااااا وانا خووووك .. باذن الله الله مايخيب رجاك.

للاسسف ياخوان درجتي بالقدرات سسيئة

لاحول ولا قوة الا بالله

مشكورين للي ردووو