من باب الميــــــانه

بصراحة تسلمي على هذا الموضوع وعلى فكرة اكيد صايرة معك الحركات كثير الله يعينك
من جدة الاخ

مسكينه ما ادري ليه احس انك مره مقهوره و تعانين من الشياء هذا
بس بصراحه هذي مشكله كنا نواجها اول ما طلعت الجولات و انتشرت و لكن اشوفها خفتت الأن ليست كما سبق و لكن يبقى جزاء موجود من تلك الفئه الغبيه
أما عني انا مريح بالي و راسي جوالي على طول معي و إذا احد فكر يا خذه لطشته منه بطريقه اخليه يندم انه فكر بس و بعدها إلى اليوم ما في احد تجراء اخذ الجوال لأنهم يعرفوني في النقطه هذي شين شين بس هذا كان الحل لما طلعت المشكله هذي

ويعطيك ربي العافيه اختي عسوله

موضوع حساس ومؤذي ..
وفعلا فيه ناس ماعندها ذوق ..
كنت من زمان ماأحب أحط اللوك كود ع الجوال عشان ماأحتاجه وبعد ماحصل معاي كذا موقف صرا أحطه احتياطا ..
مرة رحت ألعب كورة وواحد كان معانا مابيلعب .. بس بيتفرج .. قال لي : لو سمحت ياهشام جوالك بشوف المقاطع والنغمات ، قلت له : اتفضل
بعد مارجعت وأخذت الجوال ، اكتشفت إن الأخ دخل على المسجات ودليل الهاتف ، وربي أعماه يقفل المسجات ودليل الهاتف ، ولما ضغطت وعلقت على زر القائمة اكتشفت البرامج المفتوحة !!
وعندي عادة ، أصحابي ماأسميهم بأسمائهم في الجوال ، مسميهم بأسماء بنات بناءً على مواقف مضحكة صارت ، اكتشفت إن الأخ غير دخوله على دليل الهاتف ، أخذ أرقام من جوالي بعضها أرقام أصحابي اللي مسميهم أسماء بنات وبعضها أرقام قريباتي ..
وآخر رقم كان واقف عليه رقم صاحبي .. واكتشفت بعد كذا إن صاحبي جاته معاكسات
من جد قلة حيا

شي ثاني كمان يقهرني .. مرات أدخل ناس غرفتي .. ألاقيهم بدون احم ولا دستور يفتحون الدواليب والأدراج وبعضهم اتجرأ ولبس كمان يجرب الملابس .. والله حسيت نفسي شوية وآخذ منه order عصير ولا أنزل له شيشة

الاستئذان شـُرع للصغار .. فالكبار من باب أولى

أحس نفسي انفتحت راديو من قهري من الموضوع

عوافي أختي

صحيح من جد الموضوع مهم وحساس انا من عندي اتوتر لو احد استخدم هذا الاسلوب معي وللاسف ترى الناس اللي تعمل هذا الشئ من الناس اللي تفهم وتعرف كل صغيره وكبيره ولو تجرات على ابسط خصوصياتها تشوفها ما تقبل

واللــهـ المواقف اللي مريت فيها مررره تقهر ...

وتستغرب الجــرأه اللي خلتهم يفتشوا في الجوال او يفتحوا دولاب الملابس ويلبسوا منه !!!

انت المفروض تواجهوا وتقولوا فيه شي اسمه استئذان من باب الأدب ....

لا عــادي خذ راحتكـ نحن نسمعكـ ....

الله يعطيكـ العافيه على الرد ...

بهذا الوقت صار الشي هذا عادي يعني مثلا انا امون عليك خـــــــــــــــــلاص اسوي اي شي ابيه بدون ما استأذنك ولو تسأله طيب ليش ما استأذنت يقول يارجال امون عليك وغصب عليك تقول ايه تموون من باب المجامله طبعا لكن من داخلك ودكـ تصكه بكـف افضل شي الواحد يخلي بينه وبين الناس رسميات علشان يتحشى فضاضه وثقل دم بعض الناس ..

هذه النوعيه من النــاس ترفع الضغــط.....
تتعــدى على خصوصياتك بس ياويلكـ لو انت اتعديت على ابسط خصوصياته ..!!

مشكــووره على مروركـ ....