كل مبتعث او اي واحد يدرس بره اعلم بالحال تعبت وحبيت اشكي همي

اخوي قول لأمك طيب انك تعبت وتبي تتزوج حاول تلمح لها انك ماتبي تطيح في الحرام
وكيف بتتزوج وحدة خلال اسبوع مايمديك تعرف عنها شي صدقني بتتوهق بعدين وبتندم انك استعجلت
قول لأمك واضغط عليها واذا ناوي تتزوج في الكويت احجز تذكرة وحط امك امام الأمر الواقع وقلها انك حجزت وخلها تخطب لك
واصبر إن الله مع الصابرين

اسمع وناخوك
والله حاسس فيك ومقدر وضعك ومحدثك نفس وضعك واردى ورح اقولك سالفتي وبعطيك تجربة
انا لي 5 سنين في مصر ودي اتزوج كل سنة يطلع لي عائق وكل سنة الاهل يطلعون لي سالفة
المهم مالك بالطويلة اخر اجازة لي نزلتها وكالعادة كلمت الاهل عن الزواج وكالعادة كمل دراستك وانت صغير ومن هالكلام لكن لان صامل ولاني عزمت خلاص
حطيتهم تحت امر الواقع وكلمت اهل البنت واقنعت الوالد بالقوة انه يكلم ابو البنت المهم شافو ان راسي يابس ومصر ع الزواج
وتبي الصدق
اقسم بالله تفتحت لي ابواب كثيرة وتيسرت امور مثل بنك التسليف رحت لمهم وقالوا لي خلال اسبوع او 10 ايام و45 الف في حسابك بس جب لي عقد النكاح
والحمدلله الصيفية الجاية باذن الله وبحول الله رح اسويها واتزوج

انا اقول اول شيء احتسب الاجر في زواجك واخلص النية فيه وانوي انك تعف نفسك وتحفظ مفسك عن الحرام وصدقني راح تتيسر لك امورك
وبعدين وناخوك اترك عن فكرة الزواج في استراليا
ارجع ديرتك وتزوج بنت سعودية وتاخذها معك لاستراليا والملحقية ما تقصر تعطيها مكافاة بدلا من وحدة استرالية ولا اجنبية وبكره تبلش فيها مع الملحقية ومع الاهل
وترا هذا زواج مو لعبة
كلم امك الحين وعطها الخبر وخلها تدور لك ع بنت الحلال وكلم ابوك ووضح له انك صامل ومعزم

بالتوفيق اخوي
واسف ع الاطالة انا والله شايفك نفس وضعي وقصتك شجعتني لان للاسف اغلب العيال الشباب اللي معنا في الدراسة يحطمونك ويحطون قدامك العراقيل ويهولون الامر
لكن يوم اشوف واحد مثلك مثل حالاتي والله الواحد يتحمس ويتوكل ع الله وربك بيسرها


بالتوفيق اخوي والله يتمم لك ع خير

والله هذا اللي راح يصير كل اللي اعرفه لازم اتزوج

بالتوفيق
وتذكر حديث الرسول (ثلاث حق على الله ان يستجيب دعاءهم وذكر منهم من يريد العفاف)
التوفيق فالك باصديقي

السلام عليكم ورحمة الله وبركاته

بداية أشكرك لثقتك بالمنتدى وتحديداً الملتقى العام لطرح مشكلتك بكل صراحه وبدون تردد وهي ليست مشكلة بقدر
ماهي ضائقة ألمت بك ورغبت في البوح بها.. ولا يخفى عليك أخي الغربة صعبة على الجميع بإختلاف الصعوبات
البعض من ناحية إكمال نصف دينه وطرق باب الحلال والبعض قد تواجه مشاكل بالتأقلم مع المكان والخ

بالنسبة لموضوعك .. ماشاءالله تبارك الله ويارب يتسهلك الانضمام للبعثه على حساب حكومتك الكويت J
ولكن حالياً فكر بهدوء وتريث اللي صبرك المدة الماضية قادر يصبرك حتى تترتب أمورك وطالما قلت أبغى أتزوج
ورغبت بالحلال كن على ثقة بأن الله سيفتح لك أبواب لم تكن تظن بأنها ستفتح لك يوماً ما .. ولأنك مع الله فلا تضيق صدرك واستبشر بكل خير.. وحتى تصبر نفسك أعتبر كل هذه الأمور تصقل من شخصيتك وتقويك كتنظيف المنزل واهتمامك بامورك بنفسك دون أي مساعدة من أحد كل هذه المهام بتصنع منك رجل معتمد على ذاته والغربه مصانع الرجال

أصبر ولآزم طريق الحلال كما أنت الله يثبتك ويهديك ويستر عليك ويقر عينك بشوفة بنت الحلال اللي تملى حياتك
سعادة وتكون لك الزوجة والأخت والصديقة وتعينك على طاعة الرحمن وتشجعك على طلب العلم وتكون لك خير
رفيق في هذه الدنيا ويرزقك منها الله الخلف الصالح ويكونوا لك صدقة جاريه بعد مماتك بدعوات صادقة ترفع منزلتك
بجنة خلد : ))

وأعيد وأكرر تريث وأستخير الله وقرر بهدوء وأصبر فإنما يوفى الصابرون أجرهم بغير حساب
ومحد مرتاح بالغربة إلا من رحم الله يكفي إنها غربة


طمنا عنك أول بأول بالموضوع ويارب قريب تفرحنا بأخبار حلوه

أختك : مياسين

ليييش هو الزواج فيه مشاكل
دامك حاب تتزوج اكيد قدها توكل ع الله

والله الحمدلله كل شئ تمام وطخيت شوي الحين لاهي بالدراسه على فكره انا سعودي موكويتي بس عايش بالكويت وميلادي بالكويت ودارس بالكويت ومحلقيتي الثقافيه السعوديه مو الكويت

الله يغنينا ويغنيك يصاحب المتصفح بالحلال.

الله يوفقك ويحقق لك مبتغاك