الأعضاء الإشتراك و التسجيل

الملتقيات
ADs

تعامل وعلاقة الأخوان والأخوات في الغربة

تعامل وعلاقة الأخوان والأخوات في الغربة


NOTICE

تنبيه: هذا الموضوع قديم. تم طرحه قبل 5837 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: هل تفضل التعامل مع الجنس الأخر من بلدك على الغير؟؟؟؟؟

المصوتون
57. أنت لم تصوت في هذا الإستطلاع
  • نعم

    17 29.82%
  • لا

    18 31.58%
  • الامر عندي سواء

    22 38.60%
  1. الصورة الرمزية حائل ديرة هلي
    حائل ديرة هلي

    خبير بمدينة نيوكاسل

    حائل ديرة هلي أستراليا

    حائل ديرة هلي , ذكر. خبير بمدينة نيوكاسل. من أستراليا , مبتعث فى أستراليا , تخصصى طالب , بجامعة جامعة نيوكاسل
    • جامعة نيوكاسل
    • طالب
    • ذكر
    • نيوكاسل, NSW
    • أستراليا
    • Aug 2007
    المزيدl

    April 5th, 2008, 07:39 AM

    السلام عليكم ورحمه الله وبركاته
    امسي على الجميع بالخير
    وتمنياتي للجميع بدوام التوفيق والنجاح للجميع

    في موضوع حبيت اني اشوف رأيكم فيه:
    هو تعامل وتعاون الطلبة السعوديين مع الطالبات السعوديات
    يكون بالقاعة بعض التمارين والواجبات الجماعية ,فتجد السعوديات تفضل تكون بقروب
    مع رجل أجنبي ولا تكون مع سعودي مع أنه هذا من بلدها ويعرف عادات وتقاليد أهلها
    بعكس اللي يجهل كل شيء والامور عنده بلا حدود.
    طبعا الافضل هو أن يكون الاناث مع بعض حتى لو تشكل الجنسيات وهو مايحرص عليه الاخوات.
    مع كثرة عدد المبتعثين والمبتعاث ما شاء الله
    تجدهم يلتقون ببعض التخصصات ويكون في بعض الاحيان حاجة للنصح ببعض المواد
    وتوضيح الصعوبات وتبادل الخبرات في بعض الجوانب الدراسية.
    .
    .
    .
    سؤالي: هل تفضل التعامل مع الجنس الاخر من الطلبه السعوديين في جامعتك
    أم تفضل الطلاب الاجانب من الاخر كذلك؟؟؟؟؟
    .والاسباب اذا تكرمتوا..........مطلوب مشاركة الجنسين
    .
    .
    .
    والله يوفق الجميع ويردهم لاهلهم سالمين وغانمين,,,,,,,,,,
  2. السلام عليكم ورحمة الله وبركاتة وشكرا على طرحك الاكثر من رائع


    سؤالي: هل تفضل التعامل مع الجنس الاخر من الطلبه السعوديين في جامعتك
    أم تفضل الطلاب الاجانب من الاخر كذلك؟؟؟؟؟

    جوابي: في الحقيقة الاثنين عندي سوا وانا اتجنب التعامل مع الطالبات الخليجيات اول فترة بشكل عام ولكن بعدين يصير عادي لانه اول فترة مو زينة تروح وتجلس مع وحدة سعودية بالذات..

    ولكن لو احتجت اسال افضل سوال البنت الخليجية على الولد الخليجي << بالغالب البنات اشطر دراسيا ً

    وانا من ناحيتي كل اللسعوديين علاقاتي معهم سطحية

    اما من ناحية البنات اللي لاحظته من خلال دراستي مع الكثير من بنات ديرتنا التالي

    اول اسبوعين تشوفها جالسة ما تدرى وين ربي حاطها ولا تدرى من اللي ينعطى وجه ومن اللي ما ينعطى

    وطبعا في هالاسبوعين تعرف من اللي ينعطى وجه ومن اللي ما ينعطى وجه وتمشي امورها

    اذكر قصة صارت لي عن الموضوع هذا

    كنت ادرس بكلاس ومعنا وحدة سعودية متزوجة وعندها بنت الله يخليلها لها

    في الاسبوع الثاني جتني وسالتني انت اخو فلانة وقلت اى نعم << يهوه يا مشهور

    المسكينة عطت واحد من السعوديين وجه وهو ما ينعطى وجه من النوع اللي شايف حاله ويحسبها هاضمته الخ...

    المهم هي نشبت فيه وقالت ابي افاتحك في موضوع شوي محرج وانا اعرف اهلك وانت بحسبة اخوي الصغير

    قلت تفضلي

    قالت ابي دايم اجي في قروبك لان فلان ناشب لي ويتميلح ودايم بقروبي ولا ودي اعلم زوجي ويتضايق وتصير مشكلة

    قلتلها يعنى مضايقك ؟ قالت اي والله قلت تسمحين لي اتصرف معه ؟ قالت اي تكفى << تدورها من الله

    اول مرة جت في قروبي وجاك يمشي بيجي معنا قلتله يا فلان دور لك قروب ثاني لان حنا نتنظر ناس هنا

    قال خلاص يجلسون هناك وانا بجلس معكم قلت والله حنا ما نبيكم في قروبنا << انصدم هو طبعا ً

    وقلت حنا نبي نسوي براكتس وفيه انا وفلانه سعوديين وانت دور لك قروب ثاني

    المهم جلست اسبوع كامل عالحال هذا اعطيه من الحكي الثقيل جدا ً واخر مرة زعل علي << هل غلطت ؟

    والله من بعد ذاك الاسبوع معاااااد دوام طبعا كرهني الرجال ويحسبني ما احبه الخ...

    وبيني وبينكم

    يعنى مثل هالنوعيات مساكين البنات ينشبون فيهم وناس ما تقدر ولا تعرف الادب بنت متزوجة وحالة وذا ناشب لها

    عموما شكرا ً على موضوعك الحلو والله وطرحك الاحلى

    تقبل مروري
    7 "
  3. المشاركة الأصلية كتبت بواسطة حائل ديرة هلي
    السلام عليكم ورحمه الله وبركاته
    امسي على الجميع بالخير
    وتمنياتي للجميع بدوام التوفيق والنجاح للجميع

    في موضوع حبيت اني اشوف رأيكم فيه:
    هو تعامل وتعاون الطلبة السعوديين مع الطالبات السعوديات
    يكون بالقاعة بعض التمارين والواجبات الجماعية ,فتجد السعوديات تفضل تكون بقروب
    مع رجل أجنبي ولا تكون مع سعودي مع أنه هذا من بلدها ويعرف عادات وتقاليد أهلها
    بعكس اللي يجهل كل شيء والامور عنده بلا حدود.
    طبعا الافضل هو أن يكون الاناث مع بعض حتى لو تشكل الجنسيات وهو مايحرص عليه الاخوات.
    مع كثرة عدد المبتعثين والمبتعاث ما شاء الله
    تجدهم يلتقون ببعض التخصصات ويكون في بعض الاحيان حاجة للنصح ببعض المواد
    وتوضيح الصعوبات وتبادل الخبرات في بعض الجوانب الدراسية.
    .
    .
    .
    سؤالي: هل تفضل التعامل مع الجنس الاخر من الطلبه السعوديين في جامعتك
    أم تفضل الطلاب الاجانب من الاخر كذلك؟؟؟؟؟
    .والاسباب اذا تكرمتوا..........مطلوب مشاركة الجنسين

    انا بالنسبة لي ما تفرق و ما اعطي هذا الشي اهتمام كبير
    لأن الموضوع كله قروبات دراسيه داخل الكلاس و تنتهي داخل الكلاس
    ولكن المدرسين يحرصوا على الفصل بين الجنسيات .. يعني يحالوا يكون القروب الواحد من جميع الجنسيات يعني قليل يكون في القروب سعودي
    لكن في قروبات دراسيه يشرط عليك تكون مع ابناء بلدك عشان الموضوع راح يخص دولتك ومعلومات عنها

    .
    .
    .
    والله يوفق الجميع ويردهم لاهلهم سالمين وغانمين,,,,,,,,,,
    الله يسمع منك ويوفقنا جميع
    7 "
  4. سبق وقلت رائ لك بنفس الموضوع لاكن تحت مسمي ((السعوديون والسعوديات في الغربة )) لاكن لا مانع من قولة مرة اخري :::
    بعض البنات للاسف تفسر اي اهتمام بسيط على انة حب لذالك التعامل معهم بحدود العمل او الكلاس فقط شي طيب ... بنسبة للاجانب منها اكتساب وزيادة مهارات باللغة والتعرف على ثقافتهم بشكل اكبر يعني اتعامل معاهم براحتي....
    7 "
  5. يبوي هذي قاعده بنات السعوديه تجيك الوحده منهم نفسها في راس خشمها سواء كانت في السعوديه والا برى وافضل اني اتعاون مع اخواني السعوديين من الذكور افضل من البنت وبعدين انا مو مع اني ابعث بنات السعوديه خير شر شوفوا ياناس الي حاصل في امريكا من بنات السعوديات صوره مشرفه من وين صوره مشرفه انا ما ااعم اخص بعض المبتعثات هذا راي ولا احد يزعل من الاخوات الاعضاء وبعدين تبوني اكذب يعني لا والله اقول والله اني مع بنت بلدي والكلام الفاضي واقعد اجامل لا تقبلوا مروري
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.