الأعضاء الإشتراك و التسجيل

الملتقيات
ADs

ابشركم سويت احصائية للشعب السعودي.. باركوا لي.. اكثر شعب مكشر في العالم !!

ابشركم سويت احصائية للشعب السعودي.. باركوا لي.. اكثر شعب مكشر في العالم !!


NOTICE

تنبيه: هذا الموضوع قديم. تم طرحه قبل 5803 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية bi!rd
    bi!rd

    مبتعث مميز Characteristical Member

    bi!rd الولايات المتحدة الأمريكية

    bi!rd , ذكر. مبتعث مميز Characteristical Member. من موزمبيق , مبتعث فى الولايات المتحدة الأمريكية , تخصصى student , بجامعة IU
    • IU
    • student
    • ذكر
    • South Bend, IN
    • موزمبيق
    • Apr 2007
    المزيدl

    April 30th, 2008, 11:30 AM

    << هذي وش هي ؟؟

    هذي ابتسامة .. وش هي ؟؟ ابتساااااامة


    << وهذي وش هي ؟؟

    ابتسامة عريضة .. ابتسامة ايش ؟؟ عريييييضة!


    ابتسموا يا عالم!! والله البسمة بلاااااش


    اطلع من البيت بروح مشوار..

    من باب بيتنا الى السيارة .. امر بـ (على اقل تقدير) ثلاث اشخاص..

    اثنين سعوديين وواحد اجنبي..

    السعوديين كل واحد فيهم ماد بوووزة شبرين ومكشر وانواع الاكتئاب وضيقة النفس تشوفها في وجهه..

    والاجنبي يبتسم .. ويسلم بعد .. وهو واقف .. وطبعاً اتكلم عن الاجنبي اللي كل يوم اشوفه..

    اسمه ابو الكلام .. باكستاني الجنسية ..

    اركب السيارة واروح سوبر ماركت او بقالة مثلاً..

    ونفس الموال ..

    اسلم وتبدا انواع الابتسامات من الاجانب ..

    والله انهم حبيبين ..

    تبتسم له ويبتسم وينبسط .. وترتاح نفسياً .. اما السعودي تبتسم له يطالع فيك بكل استغراب ؟؟

    يفكرك " تسـخر " منه او تغازله مثلاً ؟؟ مادري وش سالفتهم ؟؟


    يا عالم اضحكوا .. ابتسموا

    والله تسدون النفس

    رحت المطعم اليوم انا واخوي

    مطعم ابو زيد .. نفطر فتة وفول ومعصوب

    واطالع في الشعب السعودي وهو مرتص على الكراسي وكأنهم اصنام
    كل واحد مبرطم واذا طالعت فيه تحسه وده ياكلك ههههههههههه

    ياهووووووه وش السالفة ؟؟

    ليش الشعب السعودي بالذات محارب الابتسامة ؟؟

    وحتى لو كان يضحك وطالعت فيه تشوفه يبرطم .. وتختفي الابتسامة!!

    يعني لو كانت دولتنا سبق واستعمرت او احتلت او مرينا بحرب طاحنة ..

    كان ممكن نقول معقدين بسبب الحرب مثلاً ؟؟ << يحاول يطلع مبرر بالقوة

    لكن الارض الوحيدة تقريباً اللي ما سبق واحتلت هي ارض الحرمين ؟؟

    لو قلنا مثلاً الفقر والحاجة ؟؟ كان اقول لك بكل بساطة روح دول شرق وجنوب اسيا

    واولها الصين .. الفقر لاعب فيهم لعب ..

    ومع ذلك والله يالابتسامة هذي عندهم انها شي ضروووووري ومقدس

    واذا ابتسمت لواحد تشوووف كيف يرد بابتسامة ودك تطق لك بصورة جنبها


    طيب وش السبب ؟؟

    وش اللي معقد السعوديين من الابتسامة ؟؟ بالذات في الاماكن العامة ؟؟

    يعني نفسي اعرف وش اللي يدور في بال الشخص اللي مكشر للناس دائماً اذا خرج من البيت وماد بوزه متر ولاهو طايق احد .. ولا يبي يبتسم ..

    يعني مافيه ناس يبتسمون بكثرة تقريباً الا المطاوعة الله يجزاهم خير..

    والله اني ارتاح لهم ..

    وما اصدق اشوف واحد منهم عشان اسلم وابتسم .. واستمتع بالرد.. ابتسامة تطلع من قلبه وربي
    والله انكم حبيبين يالمطاوعة

    لكن مادري وش عند هالشباب .. لا تكون موضه ؟ والله ماهي بعيدة

    موضة التكشير

    او يعني برستيج واتيكيت ومادري وشو ههههههههههههه

    ياخي والله انك تطلع تدور لك مكان توسع صدرك فيه وترجع ونفسك مسدودة

    من وجيه القفلة اللي شفتها !!


    الله يرحم والديـــــكم

    ابتسموووووا

    واضحكوووووا

    ترى الدنيا تقدر تغيرها في عيونك

    لكن تحرك انت وابدا

    سو شي

    ابتسم والله تشوف كل شي يبتسم لك


    اذا كانت اسنانك " فضيحة "

    وتنحرج تبتسم قدام الناس..

    عادي ياخي.. رح سو لها تلبيس عند اقرب عيادة اسنان
    واستمتع بالابتسامة.. ونتايجها؟

    المهم ابتسم !!!



    وهاااااك << مع اني ماطيق هالوجه ابو برطم مشقوق لكن مافيه الا هو وش نسوي




    وعذراً على الاطالة وشكراً ..
  2. هههههه إحصئيه جيده وكلامك صحيح والله 1000000&#37;


    أنــــا أقللك ايش السبب......


    السبب انو كل واحد يخاف على بريستيجه.....
    لأنو حسب طريقة تفكيرهم انو الإبتسامه ضد البريستيج والتقل والرزانه.......

    وانت عارف كل الشعب عندووو برستيييييييييييج
    عشان كده مايخربو بالإبتسامه....!!!!

    وشي تاني كمان ...
    أحيانن لمن يكون في عروض وللا الأشياء دي....

    حراااام يكونووو جايبن ناس بيسوو عروووض ولمن يخللصوووو!!!!!!

    الوجوه كللها مكشره..كأنهم داخلين بالغصب ومايكلفو نفسهم حتى تصفيق عشان التشجيع بس...



    م كده ....نعرف انو (الإبتسامه في وجه أخيك صدقه).



    نفس الشي فاجئني هنا ....
    الناس كلهم يبتسمو وفي الصباح
    goodmorning بإبتسامه حتى لو أحد ماتعرفوو .....


    تقبل مروري.....شوكرن ع الطرح .....
    7 "
  3. اي والله هذا الموضوع مهم مررررة .. انا تسير لي مواقف كثيرة مثل كذا بس الحمدلله مع ذلك ما تأثرت بالشعب السعودي شرايك بالابتسامة
    كل واحد على شخصيته يعني انا الحمدلله حتى الي ما اعرفه ابتسم له بالعكس هذا احسن شي عشان يعرف ان اخلاقك عالية

    وبعدين بطبيعة الناس الي يبتسم لك ترتاح له نفسيا وبعدين انا عن نفسي اقدر آخذ واعطي معاه موب اكلم واحد ماله نفس تحس تنسد نفسك وتشوف ان الكلام يطلع منه بالغصب
    مشكور اخوي على الموضوع الجميل وان شاء الله نشوف الناس تتبسم باستمرار حتى لو زعلانة لان مافي شي يسوى بالدنيا ان الشخص يمد بوزه عشر امتار ويتضايق بزيادة طول وقته

    اهم مبدأ بالدنيا ( اضحك للدنيا تضحك لك ) او تتفل بوجهك ,,>>>> واحد فاهم غلط
    7 "
  4. يابن الحلال نسبة 90&#37; من السعوديين يفطرون ليمون وترنج عشان يكشر بوجهك وشف لاتقيس اي شعب بالشعب السعودي الشعب السعودي غير زي جده غير امور كثييره يسونها الشعب السعودي مافيه امل تحصلها بدولة ثاانية
    يعني مثلا شف دول العالم تمشي مااحد يطالع فيك ويعلق عليك ويسوي خفيف دم كل واحد عايش بحاله ولا له دخل بأحد الا عندنا هنا ماادري الي يعلقون ويستهبلون على الناس كاملين وزيون المشكله انهم اردى مخلوقات الله شكلاً ومضموناً هههههههههههههههههههههههه

    والمثل يقول ( ابعد عن الشر وغني له )
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.