بس ترى اذا تزوًجت من امريكية يمكعون فيشك ,, يعني تنلغي بعثتك !
هالكلام قريته في اكثر من مكأن ,,
اصبر الين ترجًع وخذ لك وحده من الديرة ,,( يمًدحون الحريـّآت ) !!
بالمناسبه اعرف واحد واكرهه كره العمى ,, الشخص هذا كان ساكن معنا في امريكا ,, ولطول مدة ابتعاثه تزوج امريكيه ( قبل يصدر قرار سحب البعثه للي يتزوًج امريكيه ) المهم الشخص هذا حب له امريكية وتزوًجها ,, وجلس معها حوالي سنه وبغى يرجع السعوًدية ,, الحرمه اسلمت وتحبه وتموت فيه ,, وهو مايقدر ياخذها معه السعوًدية عشان مايزعل الشايب ,, اذكر الحرمه كانت تبكي عن الوالد لانه صديق الوالد تقول له يقنعه ياخذها معه ,,
في الاخير سافر وتركها ,, وهي ارتدت عن الاسلام ,,
قبل ماتتزوج حدد اهدافك واضرب للمستقبل الف حساب , عندك استعداد تاخذ وحدة كافره على امل انها تسلم ؟ واذا تزوجتها عندك استعداد انك تاخذها معك بلادك اذا خلصت وهي كافرة ؟
حصًن نفسك الله يصلحًك ,, واقضب ارضًك !!
بالتوفيًق
rammash May 7th, 2008, 06:56 PM
7 " المسألة خطيرة وماهي سهلة
سواء الأمريكية مسلمة أو غير مسلمة
لو مسلمة .. وقت ماترجعوا السعودية .. حتواجهوا مشكلة إنها تفارق أهلها ..
وحتواجه مشكلة لما عيالك يزوروا أخوالهم .. عيالك حيقارنووا بين الحياة هنا وهناك
وهذا شي مو طيب
لو مو مسلمة .. حتواجه نفس المشاكل اللي مع المسلمة + مشكلة دين الأولاد ..
وحيث أن الأولاد يقضوا أغلب وقتهم مع أمهم .. واللهجة دايماً للأم ..
ماتضمن إنها تنصّرهم .. .. أو تهوّدهم .. (فأبواه يهودانه أو ينصرانه أو يمجسانه) .. ويمكن مو حقداً فيك .. يمكن هي تكون شايفة إن هذا هو الصح وإنها بتنقذهم من النار !!
أعرف قصة شاب أراد الخطبة من فتاة مصرية مسلمة .. لاحظ .. عربية ومسلمة .. واتعرفوا على بعض .. وكان بينهم مكالمات .. ولما يروح مصر يتقابلوا (بدون خرابيط)
المهم .. مضاربات كل يوم على مسألة هل تتحجب بعد الزواج أو لأ ..
هو يقول لازم والدين يقول كذا .. وهي زي اللي تدق بالكلام : يعني من الدين إنك تتعرف ؟
تقول البنت : انت تبغى تغطيني بإسم الدين .. وغرضك الأساسي تغطيني زي ماكل السعوديين مغطيين حريمهم ..
والولد يفهم فيها إن هذا ماله علاقة بالتقاليد وهي مو راضية تفهم ..
غير إنها اشترطت عليه زيارتين سنوية لمصر عشان تشوف أهلها وشقة بإسمها لتأمين مستقبلها .. (عقد عمل مو زواج)
قصة أخرى لصديق عزيز سعودي أمه مغربية ..
أسأله ذاك اليوم .. هل تتزوج مغربية .. قال مستحيل .. ياخي مشاكل وقلة راحة ... إلخ
شابة أيضاً عرفتها عن طريق النت .. سعودية أمها آيرلندية .. والأم مسلمة (لاحظ مسلمة) .. ولم يتم الاتفاق لتغير الخلفية الثقافية وأمور أخرى ..
عزيزي .. هذي مثالين على قصص زواج من عربيات مسلمات .. ومثال على أجنبية مسلمة ..
فكيف إذا كانت الزوجة كتابية ؟؟
خذ بنت بلدك .. تعرف طبعك وتحفظ غربتك .. وتضمن بإذن الله تربية عيالك تكون على منهج انت عارفه .. صلاة وحجاب و ... و ... إلخ ، كل أمور الدين اللي تعرفها في بلدك راح تلاقيها في أولادك وبناتك بإذن الله
اقتراح مسافرهـ جداً رائع .. شوف بنات السعودية في بلد الابتعاث وكلم محرمها ..
وترى الزواج في وضع ابتعاث .. يخليكم ترتاحوا لبعض أكثر .. وكل واحد يعرف ماله غير الثاني .. وانتو الاثنين حتكونوا مشتاقين لرجعة الوطن براس مرفوع ..
بدل ماترجع الوطن وانت خايف تفاتح الشايب إنك جبت معاك شقرا !!
الله يكتبلك الخير أخوي ويحصن فرجك ويرزقك بذات الدين والعفة اللي تصونك وتملى عليك البيت
Silent Scorpion May 7th, 2008, 08:26 PM
7 "
مدري تعرفون وش الحقوق الأمريكيه اللي تترتب على أجنبي يتزوج أمريكيه .. ترى الحقوق ماهي في صالح الزوج في هذي الحاله
لا تغرك الأيام الأولى .. ترى الزمان يدور
وبالنسبه للجنسيه فيما أذكر زمان شرط لازم يكون فيه أطفال .. لكن وجود أطفال بحد ذاته أكبر مشكله
الله يهدينا واخوانا إلى سواء السبيل
سلام
الميموني.. May 7th, 2008, 09:56 PM
7 " والله يااخي اذا انت تبي تتزوجها بنية الطلاق فهذا من حقك على ان لا تعلم انك تبي تطلقها وهذا حكم متاكد منه وانا انصحك وانا اخوك انك تتزج بنية الطلاق استرلك
ولا زواج عادي يبيلها تفكيــــــــــــــــــــــــــــر وانا اخوك لا تحسبها صح
والله يوفق الجميع
متعـــــــــب May 7th, 2008, 10:38 PM
7 " لا يا متعب لا تخترع من عقلك وتفتي عالرجال ما يجوووووووووووووووووووووووووز الزواج بنية الطلاق وبلاش تتفلسف وتغتري عالدين
هو حيتزوج آدمية مو شئ تاني عشان يتزوجها وهو حاطط في باله انه حيطلقها وحط في بالك كما تدين تدان والدنيا دوارة زيما تسوي انت والا غيرك في بنات الناس حيسير في اهلك سواء اخواتك والا بناتك
شئ يحرق الدم قال ايش يتزوجها وهو ناوي يطلقها ,,,, روح شوف الحكم مزبوط
شعرة منكوشة May 8th, 2008, 12:09 AM
7 "
May 7th, 2008, 06:47 PM
هل تتنصحوني بالزواج من أمريكية (كتابية عفيفة) لأني مقدم على هذا الزواج فمن لديه أي قصة حقيقة (الرجاء كتابتها كاملة من بداية التعرف إلىالآن ) اللأهمية سواءا كانت ناجحة(سواءا أسلمت قبل أو بعد الزواج )من كلا الطرفين وكيف العلاقة إلى الآناللأهمية الرجاء المساعدة أرجو سرعة الرد للأهمية