الزواج من

بس ترى اذا تزوًجت من امريكية يمكعون فيشك ,, يعني تنلغي بعثتك !
هالكلام قريته في اكثر من مكأن ,,
اصبر الين ترجًع وخذ لك وحده من الديرة ,,( يمًدحون الحريـّآت ) !!
بالمناسبه اعرف واحد واكرهه كره العمى ,, الشخص هذا كان ساكن معنا في امريكا ,, ولطول مدة ابتعاثه تزوج امريكيه ( قبل يصدر قرار سحب البعثه للي يتزوًج امريكيه ) المهم الشخص هذا حب له امريكية وتزوًجها ,, وجلس معها حوالي سنه وبغى يرجع السعوًدية ,, الحرمه اسلمت وتحبه وتموت فيه ,, وهو مايقدر ياخذها معه السعوًدية عشان مايزعل الشايب ,, اذكر الحرمه كانت تبكي عن الوالد لانه صديق الوالد تقول له يقنعه ياخذها معه ,,
في الاخير سافر وتركها ,, وهي ارتدت عن الاسلام ,,

قبل ماتتزوج حدد اهدافك واضرب للمستقبل الف حساب , عندك استعداد تاخذ وحدة كافره على امل انها تسلم ؟ واذا تزوجتها عندك استعداد انك تاخذها معك بلادك اذا خلصت وهي كافرة ؟
حصًن نفسك الله يصلحًك ,, واقضب ارضًك !!
بالتوفيًق

السلام عليكم
اخوي صحيح ديننا أحل الزواج من الكتابية.
ولو هي انسانة صائنة لشرفها وعلى خلق فهذا امر جميل,
لكن يا اخي لاحظ أن اغلب الكتابيات والمسيحيات بالذات اللواتي يحافظن على شرفهن
يكن محافظات على جميع تعاليم المسيحية أيضاً
فهن يعبدن المسيح ويعشقنة ويتبعنة ويعتقد انه مخلص البشرية وهو ابن الله تعالى الله تعالى الله عن ذلك علوا ًكبيراً
هذة الفئة من الكتابيات الملتزمات المتزمتات
يعشن حياتهم في صراع بين تقاليد مجتعهن المنفتحة وبين اتباعهن بالمسيح وحبهن للدين المسيحي
وبعضهم بل كثيرات منهن يسخرّن حياتهم للبحث عن غير المسيحين
من مسلمين,بوذيين,او غيرهم
لكي يتقربو منهم ويدعوهم الى الدين المسيحي

بالتالي هي لديها خطة محكمة وبرنامج تتبعة لكي توقع
بالعربي الثري المتريش الذكي اللي يحبها ويوقع في دباديبها ومن ثم يتزوجها ويكرمها ويعاملها احسن معاملة
لو هي مسملة اصيلة ولا بنت بلد اصيلة ماكانت شافتها خخخخخخخخخخخخخخخخخ

وطبعاً هذة فرصة حياتها عشان تخرجة عن دينة!
مو شرط يتنصر المهم مايفضل مسلم
والله يا اخي بعضهم يعيشو حياة فساد وعربدة ووتنضر هي وعيالا بسبب انها مانصحتة ان يتبع ديننا ويبتعد عن المحرمات
وأساساً هي تبغى صورة المسلم تكون مشوة ولا اتزوجتة مسلم ليش؟؟
وتبغى الأولاد يشوفو ابوهم المسلم في ابشع صورة ويكرهوة عشان هذا بيساعدها مستقبلاً في خطتها

الأبناء هم الجيل القادم
هؤلاء يتعلمون صورة مشوهة عن الإسلام
ويدعمها للأسف الكثير من تقالدي مجتمعاتنا العربية والتناقضات التي فيها
مثل القصة التي ذكرت في الرد السابق لي والتي تنم عن ضعف الوازع الديني ولا ليش رجال يعذب زوجتة بهذة الطريقة
إضافة ان الطفل اللذي سيولد سيكون مشتت بين ثقافتين
وبين ديانتين ويكبر الطفل ليكون مخلوق ضائع بين ديانة امه وابوة
والأطفال يتبعون امهم ويتعلمون منها دينها لا حد يقول اولادي بيتبعوني الا من رحم ربي لكن الولد يتعلم من امه اكثر من ابوة
و بذلك تكون الأم النصرانية الذكية ضحت بنفسها لتكسب عدد من الأبناء النصرانيين
وبعدها قد ترتد ان اسلمت او حتى لا تسلم اساساً

هذا ياعزيزي مختصر القصص التي رأيتها وسمعتها,
وقد سمعت خبراً قرأة احد المسلمين المتزوج من كتابية اسلمت

الخبرخلاصتة /
افشل زواجات بين الأمريكية المسلمة والرجل المسلم مسبقاً (والرجل الذي قال لي المعلومة يعاني الله يعينة)
وانجح زواجات التي يكون الرجل الأمريكي و المسلم والمرأة مسلمة مسبقاً

هذا والله أعلم فأنا لا اعمم
لكني احذر...

يا أخي
إظفر بذات الدين ترتب يداك
والدين عند الله الإسلام
فأحرص ان تكون ام ابناؤك مسلمة سليمة العقيدة وتربي ابناؤك على مايسرك ويرضيك
وانت دامك مقدم على الزواج ومبتعث
شوف من حولك مين من المبتعثات في ولايتك ومدينتك مناسب سنها ومركزها ليك واسأل عنها وكلم محرمها واخلص نيتك لله واتقدم للبيت من بابة
باقول لك كدة عشان تكون مع انسانة قريبة منك في العلم,والتجربة,والخبرة في الحياة, وتعرف بأمور الغربة كمان .

ولا احسن شي خلي الوالدة تدور لك اعرف الشباب مايثقو ا الا في الستات الكبار واكيد احد من اهلك راح يلقى لك مين تناسبك وتصونك

ربنا يوفقك ويسخر لك بنت الحل اللي تخاف ربها في عرضك ومالك وعيالك

المسألة خطيرة وماهي سهلة
سواء الأمريكية مسلمة أو غير مسلمة

لو مسلمة .. وقت ماترجعوا السعودية .. حتواجهوا مشكلة إنها تفارق أهلها ..
وحتواجه مشكلة لما عيالك يزوروا أخوالهم .. عيالك حيقارنووا بين الحياة هنا وهناك
وهذا شي مو طيب

لو مو مسلمة .. حتواجه نفس المشاكل اللي مع المسلمة + مشكلة دين الأولاد ..
وحيث أن الأولاد يقضوا أغلب وقتهم مع أمهم .. واللهجة دايماً للأم ..
ماتضمن إنها تنصّرهم .. .. أو تهوّدهم .. (فأبواه يهودانه أو ينصرانه أو يمجسانه) .. ويمكن مو حقداً فيك .. يمكن هي تكون شايفة إن هذا هو الصح وإنها بتنقذهم من النار !!

أعرف قصة شاب أراد الخطبة من فتاة مصرية مسلمة .. لاحظ .. عربية ومسلمة .. واتعرفوا على بعض .. وكان بينهم مكالمات .. ولما يروح مصر يتقابلوا (بدون خرابيط)
المهم .. مضاربات كل يوم على مسألة هل تتحجب بعد الزواج أو لأ ..
هو يقول لازم والدين يقول كذا .. وهي زي اللي تدق بالكلام : يعني من الدين إنك تتعرف ؟
تقول البنت : انت تبغى تغطيني بإسم الدين .. وغرضك الأساسي تغطيني زي ماكل السعوديين مغطيين حريمهم ..
والولد يفهم فيها إن هذا ماله علاقة بالتقاليد وهي مو راضية تفهم ..
غير إنها اشترطت عليه زيارتين سنوية لمصر عشان تشوف أهلها وشقة بإسمها لتأمين مستقبلها .. (عقد عمل مو زواج)

قصة أخرى لصديق عزيز سعودي أمه مغربية ..
أسأله ذاك اليوم .. هل تتزوج مغربية .. قال مستحيل .. ياخي مشاكل وقلة راحة ... إلخ

شابة أيضاً عرفتها عن طريق النت .. سعودية أمها آيرلندية .. والأم مسلمة (لاحظ مسلمة) .. ولم يتم الاتفاق لتغير الخلفية الثقافية وأمور أخرى ..

عزيزي .. هذي مثالين على قصص زواج من عربيات مسلمات .. ومثال على أجنبية مسلمة ..
فكيف إذا كانت الزوجة كتابية ؟؟

خذ بنت بلدك .. تعرف طبعك وتحفظ غربتك .. وتضمن بإذن الله تربية عيالك تكون على منهج انت عارفه .. صلاة وحجاب و ... و ... إلخ ، كل أمور الدين اللي تعرفها في بلدك راح تلاقيها في أولادك وبناتك بإذن الله

اقتراح مسافرهـ جداً رائع .. شوف بنات السعودية في بلد الابتعاث وكلم محرمها ..
وترى الزواج في وضع ابتعاث .. يخليكم ترتاحوا لبعض أكثر .. وكل واحد يعرف ماله غير الثاني .. وانتو الاثنين حتكونوا مشتاقين لرجعة الوطن براس مرفوع ..
بدل ماترجع الوطن وانت خايف تفاتح الشايب إنك جبت معاك شقرا !!

الله يكتبلك الخير أخوي ويحصن فرجك ويرزقك بذات الدين والعفة اللي تصونك وتملى عليك البيت

عزيزي انا اعرف ناس متزوجين امريكيات .. بصراحة سمعت من الوالدة الله يحفظها تقولي في الزواجات نشوف هذه الامريكية محتشمة في لباسها احسن من بناتنا الله يثبتها !!!

اذكر كانت معاية بنت في الجامعة .. امها امريكية .. وماشاء الله عليها قمة في الادب والاخلاق والتعامل والحشمة!!!

بس اتوقع نسبة البنات الامريكيات اللي زي كده مرة قليلة ..

لانه في المقابل سمعت قصص كثيررررررررررررررررررررة ..
وحدة بنت امها سويدية تخرجت من الثانوية وامها تطلقت من ابوها وراحت السويد مع امها ..

واحد متزوج امريكية قرأت قصته في منتدى مااذكر ايش اسمه ... الزوجة راحت على امريكا واخدت بنتينها معاها اعمارهم اقل من 10 .. وبعدها بفترة كلموا ابوهم انهم اتنصروا!!!!

هذا واحد يحكينا عن قريبته ... امها امريكية تطلقت من ابوها وجات على امريكا واختفت اخبارها عن العائلة في السعودية محد يدري عنها تخيل!!!

اخر قصة بروفسوري يحكيني يقولي اتزوجت وحدة امريكية مرة حلوة وجبت منها بنتين قماري .. بس دحين سابتني مع واحد اصغر منها بعشرة سنوات وسواق شاحنة كماااااان !!!!

والقصص اللي نهايتها محزن اكتر من القصص اللي نهايتها مستقرة!!!!! .. لانك لازم تحط في بالك اذا لا سمح الله صار شي بينك وبينها وكان لكم اولاد .. ممكن ترجع بلدها في اي لحظة ولها حق تاخذ اولادها معاها ... اذا مو بالطيبة .. بالقوة


انت أدرى بالفتاة كيف هي .. وانت لك حق حرية الاختيار ... اهم شي لا تنسى الاستخارة وتشوف اهلك ايش رأيهم بالموضوع !!


بالتوفيق عزيزي

تــوكل على الله وان شاء الله تتوفــق وأختيار اكثر من رائــع وصدقني راح تلقى الراحه والسعاده والتقدير بإذن الله وان شاء الله تسلم على يدكـ ..

مدري تعرفون وش الحقوق الأمريكيه اللي تترتب على أجنبي يتزوج أمريكيه .. ترى الحقوق ماهي في صالح الزوج في هذي الحاله


لا تغرك الأيام الأولى .. ترى الزمان يدور

وبالنسبه للجنسيه فيما أذكر زمان شرط لازم يكون فيه أطفال .. لكن وجود أطفال بحد ذاته أكبر مشكله

الله يهدينا واخوانا إلى سواء السبيل

سلام

والله يااخي اذا انت تبي تتزوجها بنية الطلاق فهذا من حقك على ان لا تعلم انك تبي تطلقها وهذا حكم متاكد منه وانا انصحك وانا اخوك انك تتزج بنية الطلاق استرلك
ولا زواج عادي يبيلها تفكيــــــــــــــــــــــــــــر وانا اخوك لا تحسبها صح
والله يوفق الجميع

لا يا متعب لا تخترع من عقلك وتفتي عالرجال ما يجوووووووووووووووووووووووووز الزواج بنية الطلاق وبلاش تتفلسف وتغتري عالدين
هو حيتزوج آدمية مو شئ تاني عشان يتزوجها وهو حاطط في باله انه حيطلقها وحط في بالك كما تدين تدان والدنيا دوارة زيما تسوي انت والا غيرك في بنات الناس حيسير في اهلك سواء اخواتك والا بناتك

شئ يحرق الدم قال ايش يتزوجها وهو ناوي يطلقها ,,,, روح شوف الحكم مزبوط

يا ذيبان... ترى الشغلة دين و أمانة .. مو استفتاء سيارات ..

الزواج بنية الطلاق غير جائز .. بعض العلماء أقروها .. ثم سحبو فتواهم من بعد ..

كاتب الموضوع .. زي ما قالو الاخوان .. اظفر بذات الدين تربت يداك ..

أو اذا مرة معزم .. حط في بالك العزم على الاستمرار في الزواج مدى الحياة ..

هناك امور متعارضة في حال رفضت الاسلام ..

وهناك امور ما بعد اسلامها ..

وايش راح يكون مصير الأبناء ؟

وقت ما طفشت الحرمة رجعت لأمريكا و اخذت عيالها و يا كثر المشاكل المشابهة ..

هذا زواج و مسؤولية مدى الحياة ..

اذا خفت على نفسك الفتنة ارجع بلادك يا سيدي .. دور على بنت الحلال .. اللي تفهمك و تفهمها ..