ابوزعوط يتحدى المبتعثين ....

September 8th, 2008, 06:54 AM

يبدو ان عائلة ابو زعوط الموقرة (قصدي مبتعثي الغد )مو باين ؟؟؟؟اثارت حفيظة الكثير من الراغبين في الابتعاث برفقة زوجاتهم سواء كانو مؤيدين او معارضين (وهما النشامة على قول ابو زعوط.....وفي الحقيقة جلست معاه وفتحت معاه موضوع الابتعاث وطبعا ما انسى اني استشهدت باراء الاخوة والاخوات في المنتدى وكان الحوار طويل لكن باختصار (طبعا صاحبنا قال الى يجاوبني على اسئلتي ويكون الجواب مقنع (بمعنى مش فلسفة زايدة ) رايح يصوت مع المؤيدين....
انا : هلا والله ابو زعوط وشبك ذاك اليوم هجيت ومشيت وطنشتني ؟؟؟؟في شي متعبك ؟
ابو زعوط : الله سامحك يعني تبيني افرح لمن تفتح معي موضوع سفرة المدام ؟
انا : طيب ليش انت وافقت من البداية ؟؟
ابوزعوط : والله مدري ؟؟؟؟ الحرمة ضحكت علي وقالت ( الله يرضى عليكي يا بو زعوط خلني اسجل بس اسجل وترى ابصملك بالعشرة اني مانحنقبل بس خلني اصير زي الناس واتعنطز واقول قدام الحريم اني قدمت ؟؟؟؟الله يخليك ؟؟؟
انا : طيب وش صار ؟؟
ابو زعوط : وبعدين وانا اخوك طلعت المسئلة جد؟؟؟؟ وجا وقت تقديم الاوراق(يا ريتها ضيعتها وارتحنا ) وطبعا مني ناسي الدموع الى صار تنزل وكانها بتقطع حبة بصل ..... وانا متوكد انها زي ما يقولون دموع التماسيح ..... بس الله المستعان
انا :طيب خلاص ؟؟؟ صار شي بعدها ؟؟
ابو زعوط : ابشرك محد في الديرة ما عرف انو ام زعوط رايحة تسافر ... الله المستعان يا خوي صار الصغير يعلق علي قبل الكبير وتعرف حنا قرويين وما عندنا حريم تتطلع برة الديرة... وابشرك كل حريم الديرة وصوها على اشياء تجيبها معها من برة وكتبتها في ورقة وصار التلفون مايبطل رن ؟؟؟؟؟؟؟ الكل يبي شي ؟؟؟؟؟؟
انا : بس يابو زعوط وشبك زعلان ما تدري انو اسمك صار معروف في النت ؟؟؟؟؟
ابو زعوط : اعوذ بالله عسى مو صوري فيها ؟؟ اذكر الله وقل شي معقول ؟؟
انا : من جد طرحت موضوعك وردك في موقع مبتعثين وابشر بالخير ؟؟
ابو زعوط : من جد تتكلم يا وجدي ؟؟
انا : من جد والله ؟؟؟
ابو زعوط : وبشر وش قالو ؟؟اكيد حزنو علي ؟؟
انا : في من حزن ويا كثر من ؟؟؟؟؟؟ بس خلني ساكت
ابو زعوط : اكيد كل الى زعلو زي شاكلت ام زعوط ؟؟؟؟
انا : وفي بعضهم رجال
ابو زعوط : مع احترامي للى قالو صح ترا ما عندهم سالفة ؟
انا :كيف يعني ؟
ابو زعوط : سالتني كيف ؟؟ انا اقولك ...شوف وانا خوك هو واحد من الاثنين يا اما يكون الى رايح ما عندو شخصية... او عامل فيها اتيكيت وانا مع تعلم المرا عشان تفيد المجتمع ..(كلام فاضي وانا اخوك طيب خلها تتعلم هنيا عندنا بين اهلك وربعك وجماعتك ودينك وعاداتك ) بدل ما تروح ويوم تشوفها تتكلم مع هاذا الرجال( انا سعودي مسلم والله لاذبحها )ويقولون انت متخلف عشان اغار على اهلي ...... ويوم عندي محاضرة ما ارجع الا قريب المغرب ...خوش والله ؟؟
انا : طيب طيب هدي اعصابك الحين انت ما تثق في حرمتك ؟؟
ابو زعوط : يابن الحلال لاتقول تثق ولا ما تثق المسألة مسالة غيرة ولو كانت ام زعوط تبي تتنقب لقول ها امكن تهون ...من الحين تقول ترا ابي اكشف عن وجهي ......هلا والله قال تبي تكشف عن وجهها لالالالالا خوش والله ( الله يسامحكم يالمسلسلات التركية خربتونا )
انا : طيب بلاش تكشف خلها منقبة وش فيها ؟
ابو زعوط :وان خوك المسالة ما هي في النقاب بس انت تعرف يا كثر شبابنا السعودي برة ويا كثر الصيع هناك يعني انت تفكر كل الشباب مؤدبين ؟؟؟؟ لاتعليق
انا : طيب وبعد وش عندك ثاني ؟
ابو زعوط :ان عندي كم سؤال ( والكلام للجميع ) ان كان جوابهم مقنع فمرحبا بالابتعاث وان كان لا فربنا يعين كل مبتعث ( على قول واحد خوي : ترا ان رحت برة لازم تنسى اشياء كثيرة منها الغيرة ,تشتري كل شي , كلمة انا ارجال ............
انا : طيب با بو زعوط قول اسئلتك وش هي ؟
ابو زعوط :1- لو كان راتبك منتاز تروح البعثة ؟بمعنى الى يكفيك ويكفي اهلك وعيالك ؟
2- تستحمل تشوف رجاجيل يحكون مع الحرمة ؟لا وبعد يضحكون معها ؟ويا حبيبي لو حرمتك شافتك بتضحك مع الصبايا والله لا تقلبها نكد مو صح ؟
3- اسالك بالله تقدر تكمل دراستك ؟اقصد فيك حيل ( الكلام للى تركو الدراسة من فترة طويلة )ولا تنسى الدراسة صععععععععععععععععععععععععععععععبة وان خوكم ...
4- العيال ويا خوفي على العيال وين اسيبهم ؟ حنا ما ضيعنا غير افكار وعادات الغرب يعني بكرة اصحك تضرب الولد... وان قلد الغرب في افكارهم فلا تلوم الا نفسك (والسبب انا ادرس والام تدرس وخلي العيال بكيفهم ؟؟
5- طبعا معضمنا عندهم مشاريعهم البسيطة كانت او الكبيرة ...مين يدرلك هيا ؟؟؟( ولا تلوم العمال ان سرقوك ولا تقول اخوي ابوي صاحبي ..... ماحك جلدك مثل ضفرك ..
6- انت الحين سبت شغلك وضحيت على امل فهل تتوقع انو شهادتك حتفيدك ؟؟؟( ارجو محد يقول يكفي اني اتعلمت انا اقول حتفيدك في عملك ولا لا وكم النسبة ؟؟؟؟
7- مستعد انك تتنازل عن كثير من مبادئك والسبب خروج الزوجين للدراسة بمعنى انسى انك انت العائل
8- الحين المكافئة الى تاخدها نصها رايح في السكن والباقي يادوب تغطي اكلك واكل العيال يعني 7 سنوات وانت ما تشتري شي (وفي الاصل كنت ما تخلي شي ما تشتريه لما كنت في ديرتك ) هل تقدر انك تتحمل ؟؟؟؟؟؟بصراحة
9-وش كثر خوفك على عملك ولمن تخلص...... الراتب رايح ينقص حوالي ؟؟؟؟؟؟والله مدري وانت في النهاية منت داري وش رايح يصير فيك ؟
انا :خلصت يا بو زعوط ؟
ابو زعوط : ودي اني اقول كلمة اخيرة ترا يا خوان انا مني معقد ولا ني رجعي ..انا مسلم وان غرت على حرمتي فلاني مسلم سعودي عربي ولاحد يقدر ينكر هاذا الشي لكن هو واحد من الاثنين الى لازم يدرسون يا انا يا .......انا وخلى الحرمة تخلص تربية عيالها لان نجاح وهداية اولادها (بعد توفيق الله ) هي نجاح لها ولا انا غلطان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

• نشر عبر تويتر
• نشر عبر فيسبوك
• نشر عبر جوجل