مبتعث مجتهد Senior Member
الولايات المتحدة الأمريكية
Dr. Computer , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى Computer Science
, بجامعة California State University, Fullerton
- California State University, Fullerton
- Computer Science
- ذكر
- Fullerton, California
- السعودية
- Jul 2009
المزيدl July 15th, 2009, 06:14 AM
July 15th, 2009, 06:14 AM
السلام عليكم جميعا ً
انا ان شاء الله ناوي اقدم على المرحلة الخامسة ماجستير ... ومخلص البكالوريوس في قسم نظم المعلومات Information Systems كلية الحاسب ...
وافكر في ال MBA ؟ << اذا التخصص ممنوع في المرحلة الخامسه هل بامكاني اسجل في اي تخصص واذا رحت هناك غيرته واحوله لل MBA
وش افضل مدينة في كاليفورنيا للعيش وتكون وسيعه صدر تجمع بين جو الدراسه وجو المرح ؟
وايش المعهد المناسب ؟ والجامعه المناسبه ؟ <<< هل الان الوزارة تتكفل لما اقولهم ابي ولاية كاليفورنيا مدينة كذا يجيبون لي قبول معهد بس والا انا لازم اجيبه ؟ واراسل الجامعه من الان والا اذا رحت هناك ان شاء الله؟
بالنسبة للاي توني هل الوزارة تتكفل تجيبه ؟
انا فكرت في لوس انجليس او لونق بيتش ؟ وش رايكم
في التقديم نطلب الولاية الي نبيها والمدينة والا من روسهم يحطونا ؟
الله يوفقكم جميعا ً وييسر امركم ... ويوفق بالذات كل من يرد على استفساراتي ...
الله يجزاك خير اخوي ابو بشيت وييسر امرك
الوزارة حطوك في لوس انجليس ؟
الان لو اقولهم انا بجيب قبول من معهد عادي ما يعترضون ؟ ويعطوني ضمان مالي لمراسلة المعهد ؟ <<< ابي لوس انجليس
هل الغلاء فاحش جدا ؟ ام انه يقارن ببريطانيا ؟
عموما انا ابي كاليفورنيا وش اسوي ؟ <<<< الكل يمدحها وعموما هي معروفه
Dr. Computer July 15th, 2009, 04:44 PM
7 " الله يجزاك خير اخوي ابو بشيت وييسر امرك
وييسر امرك انشاء الله
الوزارة حطوك في لوس انجليس ؟
اي نعم الوزارة حطوني في لوس انجلوس بدون ما انا اطلب
الان لو اقولهم انا بجيب قبول من معهد عادي ما يعترضون ؟ ويعطوني ضمان مالي لمراسلة المعهد ؟ <<< ابي لوس انجليس
والله في الحقيقه انا من الدفعه الرابعد الي كانت في العام الماضي وكانو ما يعطون الضمان المالي ابد لمراسلة المعهد لانهم يحاولون يفرقون الطلاب في امريكا عشان التكدس في المعاهد. والتكدس يقلل من فرص سرعة تعلم اللغه الانجليزيه. ولكن ما اقولك مستحيل يمكن في مجال ما عندي فكرة.
هل الغلاء فاحش جدا ؟ ام انه يقارن ببريطانيا ؟
والله مو مرة فاحش. يعني المكافئة تكفيك الى اخر الشهر على انك تحاول انك تحد من مصاريفك شوي يعني مو كل يوم تمشيه. بالنسبه لبريطانيا اسمع انها غاليه بس ما عندي فكرة عنها
عموما انا ابي كاليفورنيا وش اسوي ؟ <<<< الكل يمدحها وعموما هي معروفه
انا في نظري هي جيده لتعلم اللغه بس بعد كذا حاول تدور لك على ولايه ثانيه
ابوبشيت July 15th, 2009, 05:05 PM
7 " طيب نصيحتك أخوي ؟
اقدم عى امريكا والباقي على الله ؟ يعني أخليهم يقلعوني في اي مكان ؟
Dr. Computer July 15th, 2009, 07:51 PM
7 " عشان احطك في الصورة لازم تحط في بالك جميع المميزات الحسنه والعوقب السيئة قبل لا تختار اي مكان. يعني اذا قررت انك تختار دولة معينه سواء امريكا او غيرها فانك تحتاج تلقي نظره فاحصه من قريب عن كل المميزات والمعوقات الي بتواجهك اذا اخترت البلد الي في بالك.
حاول انك تقرأ في الانترنت عن البلدان الي انت حاطهم من ضمن اختياراتك وشوف الي اقرب لقلبك ويناسبك وبعد صلاة الاستخارة سم بأسم الله واختار الي يميل اليه قلبك.
حاول انك ما تنجذب لكلام الناس " اذا قالو لك روح الديرة هذي او ذيك" القرار الاول والاخير لك انت وانت الوحيد الي بيتحمل مسئولية قرارك.
انا ما اخوفك . انا بس حاب احطك في الصورة.
انا بعطيك رايي ، اذا ودك بأمريكا ففي البدايه اكيد هم " بيقلعونك " على كيفهم لدراسة اللغه . انت اذا وصلت الولايه الي ارسلوك لها ممكن تتعلم اللغه في المعهد الي هم راسلينك له لمدة سنه وخلال السنه ممكن تدور لك على ولايه ثانيه انت ترغب فيها لتقدم فيها على الجامعه لانه كما تعلم ان الوزارة غير مسئولة عن قبولك الجامعي ، يعني انت لازم تجيب قبول من الجامعه الي تبيها خلال فترة دراسة اللغه.
او اذا كان المعهد ما ناسبك من الاساس ممكن انك تغير المعهد بعد ما توصل الولايه الى معهد ثاني او الى ولايه ثانيه بعد شهرين من الدراسه بعد التنسيق مع الملحقيه والمشرف.
فأنا من رايي قدم على امريكا وخلهم يودونك اي مكان وانت بعدين اذا وصلت امريكا تقدر تتصرف من هناك.
وامريكا كبيرة وجوها يختلف من ولايه الى اخرى ودور راح تلقى الي يناسبك انشاء الله
والله ييسر امورك
ابوبشيت July 16th, 2009, 12:43 AM
7 " الله يجزاك خير اخوي ابو بشيت
انا ودي بامريكا ان شاء الله لاني قد رحت بريطانيا اكثر من مرة في الصيف لدراسة اللغة وبصراحة مملة بشكل غير طبيعي وغاليه الا ان قربها من السعودية زين....
اجل شورك وهداية الله بس والله لازم الواحد يجرب ويشوف ما يفيد القراءة من النت كلن يمدح ويسب ... الله يعين
طيب الان بالتقديم يطلبون احط 3 دول
وش رايك وش احط ؟
انا كنت حاط في بالي امريكا - كندا - نيوزلندا او استراليا <<< بالترتيب
يوم تقدم وش كنت حاط ؟ <<< لقافه لووووول
عطني مقترحاتك
وبشرنا عساك دخلت الجامعه او جبت قبول ؟ وكيف المعهد الي ارسلوك له الوزارة غيرته والا لا ؟ زين والا شين ؟ وايش اسمه <<< <<< عارف اني مبلشك ومقلقك لكن استحملني
تحياتي
Dr. Computer July 16th, 2009, 01:19 AM
7 " لله يجزاك خير اخوي ابو بشيت
وياك يا الحبيب
انا ودي بامريكا ان شاء الله لاني قد رحت بريطانيا اكثر من مرة في الصيف لدراسة اللغة وبصراحة مملة بشكل غير طبيعي وغاليه الا ان قربها من السعودية زين....
اجل شورك وهداية الله بس والله لازم الواحد يجرب ويشوف ما يفيد القراءة من النت كلن يمدح ويسب ... الله يعين
طيب الان بالتقديم يطلبون احط 3 دول
وش رايك وش احط ؟
انا كنت حاط في بالي امريكا - كندا - نيوزلندا او استراليا <<< بالترتيب
والله ترتيبك طيب بس اعتقد ان استراليا وقفوا عنها الابتعاث يبيلك تتأكد
يوم تقدم وش كنت حاط ؟ <<< لقافه لووووول
انا كنت حاط امريكا اول اختيار وبريطانيا الثاني والثالث كندا
عطني مقترحاتك
وبشرنا عساك دخلت الجامعه او جبت قبول ؟ وكيف المعهد الي ارسلوك له الوزارة غيرته والا لا ؟ زين والا شين ؟ وايش اسمه <<< <<< عارف اني مبلشك ومقلقك لكن استحملني
والله في الحقيقه انا مازلت ادرس اللغه وما دخلت الجامعه بعد لاني بأدرس دكتوراه والدكتوراه ما يفتح تقديمها الا في سبتمبر يعني بعد شهرين. انا بغير المعهد بعد شهرين بروح معهد جامعه لان المعهد الي ارسلوني له زين بس مو ممتاز وحسيت ان يبيلي اني اغيره وكان الامر بسيط .
اسم المعهد Kaplan Aspect
تحياتي
ابوبشيت July 16th, 2009, 04:01 AM
7 " الله يوفقك
لكن الان انت تبي تنقل لمعهد الجامعه مثل ما تقول بعد شهرين ان شاء الله ....
سؤال هل لازم تسجل في الجامعه و يعطوك قبول مشروط علشان تدرس في معهدهم ؟!
Dr. Computer July 16th, 2009, 04:22 AM
7 " معهد الجامعه دائما مستقل عن الجامعه .
يعني اذا تبي تدخل المعهد تطلب قبول من المعهد وهذا سهل جدا
اما اذا تبي تدخل الجامعه فيجب ان تتوفر فيك شروط الجامعه عشان يقبلونك.
الزبده ما تحتاج قبول مشروط من الجامعه عشان تدخل معهدها.
ولو دخلت معهد الجامعه وخلصت مستوى عالي فيه ممكن يسهل عليك القبول في نفس الجامعه
ابوبشيت July 16th, 2009, 07:16 AM
7 " 
LinkBack URL
About LinkBacks
July 15th, 2009, 06:14 AM
السلام عليكم جميعا ًانا ان شاء الله ناوي اقدم على المرحلة الخامسة ماجستير ... ومخلص البكالوريوس في قسم نظم المعلومات Information Systems كلية الحاسب ...
وافكر في ال MBA ؟ << اذا التخصص ممنوع في المرحلة الخامسه هل بامكاني اسجل في اي تخصص واذا رحت هناك غيرته واحوله لل MBA
وش افضل مدينة في كاليفورنيا للعيش وتكون وسيعه صدر تجمع بين جو الدراسه وجو المرح ؟
وايش المعهد المناسب ؟ والجامعه المناسبه ؟ <<< هل الان الوزارة تتكفل لما اقولهم ابي ولاية كاليفورنيا مدينة كذا يجيبون لي قبول معهد بس والا انا لازم اجيبه ؟ واراسل الجامعه من الان والا اذا رحت هناك ان شاء الله؟
بالنسبة للاي توني هل الوزارة تتكفل تجيبه ؟
انا فكرت في لوس انجليس او لونق بيتش ؟ وش رايكم
في التقديم نطلب الولاية الي نبيها والمدينة والا من روسهم يحطونا ؟
الله يوفقكم جميعا ً وييسر امركم ... ويوفق بالذات كل من يرد على استفساراتي ...