الى المشرفين والاعضاء المبتعثين ...رجاء خاص نحن نتحتاج مواضيع مثل هذه الامور تفضلوا..

حياك الله اخوي

بخصوص اسئلتك فيه اجابات شافيه وكافيه باغلب الاسئله بس انت تريث شوي وسو بحث وتحصلها

ومع ذلك ابجاوب على اسئلتك

جواب السؤال الاول \ عندك خيارين اثنين بخصوص القبول ,,, الاول انك تراسل الجامعه بنفسك او تعرف احد يدرس بالجامعه وترسل له اوراقك وتخليه يجيب لك القبول ,, والطريقه الثانيه انك تروح لمكتب ويجيب لك قبول ,,, وانصحك بالطريقه الاولى اضمن وافضل لان ثلاثه ارباع المكاتب نصابين وكذابين وانا ما تعاملت لا مع مكاتب ولا هم يحزنون والله لا يحوجنا لهم يارب

جواب السؤال الثاني \ بيطلب صورة الجواز وشهاداتك والضمان المالي وايش اسم التخصص اللي بتدرسه وبس

جواب السؤال الثالث \ بخصوص الاوراق المطلوبة فهي كثيره ( اول شي لازم تاخذ موعد عن طريق موقعهم بالنت وتطبع ورقه الموعد ( هذا اول طلب ) ثم تسدد السيفيس بالنت برضو ( هذا الطلب الثاني ) ثم تسدد رسوم التأشيره ( عن طريق بنك سامبا ) هذا الطلب الثالث ( ثم تصور صورة شخصبه مكشوف الرأس خلفيه بيضاء مقاس 5×5 ثم تعبي الاستمارات وتحصلها موجوده بموقعهم او اذا سويت طلب موعد بيرسلون لك الموعد بالايميل للتأكيد وفيه الاوراق المطلوبه ومن ضمنها النماذج ( ثلاثه نماذج ) ولا تنسى القبول اللي وصلك من الجامعه وشهادتك الثانوي والضمان المالي ( طبعا كلها مترجمات ) ,,, تقريبا بس واذا تذكرت شي رديت وقلت لك

جواب السؤال الرابع \ عاده تستغرق 14 يوم >>> وهذا الوقت الي جلست انتظره بالتمام


اتمنى لك الطلاب التوفيق

تحياتي