تسويق او تجارة الكترونية في بورتلاند

نــــــــــــــفـــــــــــس الطــــــــــــــلب رجاء والله يسهل اموركم ويوفقكم

والله اختي ان غالبية جامعات اوريغن مقفلة سوا الجامعة او حتى معاهد اللغة والسبب هو كثرة السعوديين في هالمدينة


الجامعات الموجود فيها تخصصك هي


Portland State University هذي مقفلة من الملحقية


University of Portland هذي اقوى جامعة في الولاية ولكن ما فيها معهد لغة وايضا مو موجود التخصص اللي تبينه بالضبط للماستر. اقرب تخصص لمجالك اللي هو ادارة اعمال في هذي الجامعة


Lewis & Clark College هذي الجامعة فيها معهد لغة يعتبر من افضل معاهد اللغة وهي من تجربة شخصية ولكن هم يقبلون اللي لغتهم من متوسط وفوق. هذي الجامعة مو موجود فيها تخصصك


هذي الجامعات اللي موجودة في بورتلاند



فيه كم جامعة في اوريغن متميزة في كلية الاعمال


University of Oregon هذا الجامعة متفوقة في كليتين اللي هم كلية الاعلام والصحافة ، و كلية الاعمال. الجامعة هذي تعتبر من الجامعات القليلة اللي اذا سكنت في الجامعة فما راح تطلع من الكامبس نهائيا ، والسبب هو انهم موفرين فيه الكامبس كل شي يبيه الطالب . الجامعة حلوة وقوية في كلية الاعمال. المعهد التابع للجامعة يمدحونه كثير من الاشخاص من حيث القوة بس انا ما درست فيه لذلك ما اقدر اعطيك رايي في معهد اللغة





الله يوفقكم ان شا الله ويكتب اللي فيه الخير

الاخ الشهراني
السلام عليكم
شاكرين ومقدرين لك مرورك الكريم وجزاك الله خير
اخوي تخصص التجارة الاكترونيه بناء على كلامك فقط في هذه الجامعه University of Oregon
هل فيها معهد لغه؟
وشكرا

للاسف الجامعة ما فيها تجارة الكترونية بس فيها تسويق لدرجة الماجستير


اذا تبين ماجستير تجارة الكترونية وتبين ولاية مشابهة لاوريغن فعندك ولاية واشنطن وهي ملاصقة لاوريغن من جهة الشمال وفيها جامعة تدرس هذا التخصص وهي

Seattle University

المدينة حلوة وكبيرة واجوائها نفس بورتلاند بالضبط. هي اغلي من بورتلاند بشي بسيط جدا


موفقين ان شا الله

مووووووووووووووووووووووووووفق

اخوي الشهراني الله لايهينك ويوفقك
بس مافيه أي حل غير سياتل ودنا باوريغن وش الحل طال عمرك؟
وكيف اجيب من نفس جامعة اوريغون قبول اللغة مشروط بقبول الجامعه؟ وهذا موقعهم
http://www.uoregon.edu/
ودي الله لايهينك تساعدني في خطوات جلب القبول وشاكر ومقدر لك

والله اخوي انا اعرف كم شخص يدرسون في جامعة اوريغن الموجودة بيوجين


وقالوا لي ان المعهد التابع للجامعة مقفل لتكدس الطلاب السعوديين ولكن الجامعة باقي مفتوحة من حيث الدراسة الاكاديمية بعد اللغة



ولكن علشان اكون صريح معك


انا مالقيت معلومة مؤكدة من الملحقية واللي توضح ان المعهد مقفل من الملحقية



خطوات القبول سهلة بس المشكلة ان الجامعات الامريكية ما تعطى قبول مشروط لطلاب الدراسات العليا الا قليل جدا


انا بحثت في موقع الجامعة لكن للاسف وجدتهم ما يعطون قبول مشروط لطلاب الدراسات العليا


زي ماقلت لك


غالبية الجامعات الامريكية ما تعطي قبول مشروط لطلاب الدراسات العليا


لكن اذا تبينا نقدم لك على المعهد التابع للجامعة فامره بسيط

بالنسبة لسياتل



ترى سياتل مدينة حلوة جدا وتقريبا نفس بورتلاند من ناحية الشعب. فاذا كان اختيارك لاوريغن هو بناءا لنصائح الناس. فانا اقولك ان ولاية واشنطن وولاية اوريغن متقاربة جدا.


موفق ان شا الله

السلام عليكم
الاخ الشهراني الف شكر لك على تجاوبك السريع معنا
اذا تبي الصدق والله اختيارنا لولاية اوريغن هو بناء على نصائح العديد ثم العديد من الناس حيث ان تعامل الشعب رائع جدا
ونحن نبحث عن مثل هذه الاماكن حيث اننا عائلة وربما تتكون من عائلتين والسكن في اوريغن وبالتحديد بورتلاند رخيص بناء
على ماسمعنا من اغلبية الناس وسياتل رائعه جدا ولكن السكن هناك ومصاريف المعيشة غالية ومثلك عارف دائما المستهلك
يبحث عن الرخص سواء كان في السعودية أو خارجها واتمنى ان تفيدنا جزاك الله خيرا
اخوك ابو سالم

والله ياخوي بو سالم اذا تبي الصراحة


انا راح اكلمك من واقع خبرة وتجربة



انا لي سنة في بورتلاند لكن انا رحت لسياتل يمكن 6 او 7 مرات لاسباب مختلفة. يعني انا عارف سياتل زين


اذا كنت تبي تتكلم من ناحية الشعب. فالشعب الموجود في ولاية واشنطن وفي سياتل بالتحديد لاحظتهم افضل من اوريغن ومن بورتلاند بشكل خاص. الشعب في سياتل لطيف جدا ومؤدب وخدوم ودايما مبتسمين .

اذا كنت تبي تتكلم عن السكن

فانا اشوف بورتلاند ان السكن فيها غالي على لا شي. يعني المدينة مافيها اشيا كثيرة ممكن تسويها زي سياتل. بمعنى انه اسعار السكن متقاربة جدا.


في النهاية الجامعة الموجودة في سياتل هي الوحيدة اللي موجود فيها تخصصك تجارة الكترونية وافضل لك انك تتوكل على الله



والله يكتب اللي فيه الخير