إستفسارات لأهل بورتلاند .. :D

اخوي عمار


الجامعة اللي ذكرتها تعتبر جامعة ممتازة لوجود كليتين تعتبر من اقوى الكليات على مستوى امريكا وهما كلية الاعمال وكلية الصحافة والاعلام.

مراسلة الجامعة جدا سهلة ولو تبي نشتغل في القبول سوا فترى الامر جدا بسيط. يعني لا تخسر نفسك وتروح لمكتب يجيب لك القبول وياخذ منك مبلغ وقدره والشغلة في الاساس ما تستاهل تعب.


طبعا الشغلة ما تاخذ وقت يعني اقل من شهر ويكون القبول عندك. يعني اتوقع اسبوع او اثنين وهو عندك بس احتياطا نقول شهر


معهد اللغة على حسب اللي اسمعه من الطلاب اللي يدرسون هناك انه معهد ممتاز جدا. لكن انا ما اقدر اقيم لك المعهد لاني ما درست فيه.


وجودك في امريكا انت ما تحتاج انه يكون فيه قنصلية جنبك ولو لا قدر الله واحتجتهم فراح تخلص امورك عن طريق البريد. فيه قنصلية تبعد عنك حدود ال ١٣ ساعة موجودة في لوس انجيليس.


نصيحتي اذا انت عزابي لا تسكن الا في الجامعة. الجامعة تعتبر من اجمل الجامعات اللي زرتها من حيث انهم موفرين كل شي يبيه الطالب في الجامعة. من ملاعب ومطاعم واماكن ترفيه ومكتبة تفتح النفس بتصميمها الجميل والمساحات الخضرا الكبيرة. يعني اذا سكنت في الجامعة فما راح تطلع برى الجامعة الا يمكن مرة في الشهر.


الاسعار عادية جدا لكن اللي راح تخسر فيه هو السكن لان عادة السكن في الجامعات غالي. اعتقد السكن بين ال ١٠٠٠ وال ١٢٠٠ دولار بالشهر شاملة الاكل.


ما يحتاج انك تشتري سيارة لانك ما راح تحتاج انك تطلع كثير. ولو بتطلع فالباصات موجودة بكثرة وهي مجانا لطلاب الجامعة


موفق ان شا الله

اخوي معمر

سالفة ان تدرس تخصصين في نفس الوقت فامرها جدا سهل وهذي تسويها اذا بديت دراستك في الجامعة بعدما تخلص اللغة



اذا انت خريج ثانوي ، فراح نجيب لك قبول مشروط يعني قبول لغة وجامعة في نفس الوقت



عطني خبر علشان نستعجل لك في القبول ، لان الترم الجاي راح يبدا في ٣ اكتوبر وانا ودي انك تبدا فيه .




موفق ان شا الله

والله اسف في ذكر اسمك غلط اخوي عمار


بسرعة قريته وما انتبهت لان عندي واحد من خوياي اسمه معمر


والله انا افضل انك تعبي اون لاين لانه بيكون اريح لك


وعلشان تاخذ قبول مشروط


عب الابليكيشن اون لاين واذا جيت عن الصفحة رقم ١٢


بتلاقي مكتوب Special circumstance


اكتب في الفراغ اللي تحته Conditional Admission


انا والله انصحك تاخذ موعد في السفارة بحيث يكون الموعد خلال اسبوعين


لان الترم الجاي في الجامعة اللي تبيها راح يبدا في اواخر سبتمبر وهو افضل ترم تبدا فيه

لانه دايما في ال Fall، الطلاب الجدد يبدون فيه وبذلك يكون افضل لان الجامعة بتكون زحمة وعالم وخرشة وراح تستانس.



موفق ان شا الله

هلا عمار


معناة سبيشل سيركومستانس هو ظروف خاصة او شروط خاصة


انت اذا تبي تاخذ قبول مشروط لازم تسوي اللي قلت لك لان هذي تعليمات موقع الجامعة


فيه مواعيد في السفارة قبل نوفمبر بس يبي لك كل ثانية تشيك على المواعيد لان فيه ناس تكنسل فتصير تاخذ موعد اقرب. انا اخذت ثلاث مواعيد بهذي الطريقة



كل معهد في امريكا له نظام خاص فيه. فيه معاهد شهرية وفيه معاهد كل شهرين وفيه معاهد كل شهرين ونص وفيه معاهد كل ٤ شهور



طبعا راح تجيك ورقة القبول ومكتوب فيها كل والاي تونتي راح ينكتب فيه كل شي


تقدر تبدا في المعهد بعد ال fall لكن راح يكون في يناير ٢٠١٠



موفق ان شا الله

اخوي عمار


الله يمسيك بالخير




انا ما قلت لك تقدم على المعهد. انا قلت لك قدم على الجامعة وبس . لانك لما تقدم على المعهد راح يجيك قبول معهد فقط ، لكن لما تقدم على الجامعة وتكتب كونديشنل ادميشن في صفحة ١٢ فراح يجيك قبول لغة وجامعة. يعني قبول مشروط.

على العموم ، ان شا الله خير



بالنسبة للسكن



اذا تبي نصيحة اخ ، فلا تسكن الا في سكن الجامعة . سكن الجامعة افضل بكثير من السكن مع عايلة سوا من حيث تطوير اللغة او من حيث تكوين علاقات مع امريكان.


انا زرت الجامعة وصراحة الكامبس حق الجامعة يعتبر من احلى الجامعات اللي زرتها . كل شي موجود في الكامبس والطالب ما يحتاج نهائيا يطلع برا الكامبس الا في الشهر مرة. الكامبس فيه مطاعم ممتازة جدا وفيه مكتبة روعة وفيه ملاعب ومسطحات خضرا وفي الكامبس راح تلاقي ما لا يقل عن ١٥ الف طالب. يعني الوضع خرشة طول اليوم.



دعواتي لك بالتوفيق