امل من الاخوه في سياتل ان يساعدوني للحصول على سكن ويكون قريب من UNIVERSITY OF WASHING

الله يوصلك بالسلامة
انا طالب في معهد جامعة واشنطن , لكن ما أنصحك بالسكن قرب الجامعة لأنها منطقة عزاب وازعاج ومشاكل .
لكن أنصحك بالسكن في Lake City أو في North Gate المنطقتين هذي مليانة مسلمين وعرب وسعوديين
تقدر تبحث عن سكن بكل سهولة عن طريق موقع www.rent.com بس سجل واكتب اسم المدينة والمنطقة اللي تبغاها بإذن الله راح تلقى , وإذا تبي معلومات أكثر راسلني على الخاص .

الله يجزاك بالخير
وانا اعرف اثمن المعلومات اللي تقدمها لي
لان لي خبره سابقة في هذي المتاعب
انا ما استغني عن خدماتك لعلي اردها لك انشاء واولها بالدعاء لك

اخي الكريم ابغاك تصحح لي اذا كان فيه خطا وهل رايي مناسب علماً اني لن انسى مراسلتك على الخاص انشاء الله :
جامعة واشنطن حسب ما اعرف لها معهدين ( داون تاون و كومبس) الاول للي لغتهم ضعيفة بس الى اي مستوى يبقون فيه ما ادري ثم ينتقلون الى المعهد الثاني بعد تحسن لغتهم
انا في اول اسبوعين او شهر وبسبب وجود عائلة معي وعدم استطاعتي التنقل بسهولة ولحين تحديد مستواي باللغة ارغب في السكن القريب من المعهد
او ان الحيين السكنية اللي نصحت بها قريبه من الموقعين للمعهدين ورايك اني استاجر من السعودية بغض النظر عن القرب والبعد
واود ان اعرف هل يوجد مدارس ابتدائية قريبة من مواقع المعهدين او الافضل تدريس الابن في مدارس الاحياء ، فلقد حاولت البحث بالخرائط ولكن لم استطع التعرف على طريقة ايجادها
الله يجزاك خير والاجر
ولا تحرمنا الشور والنصيحة

شف أخوي بارك الله فيك
بالنسبة لفرع الداون تاون هذا يخص level 1 وبعض التخصصات مثل business
بالنسبة لوضعك أنت ما تدري وين بتكون لين يسون لك اختبار تحديد المستوى وبناءً عليه تعرف وين بتكون , أنا الصراحة ماجربت الداون تاون لكن اللي جربه من الشباب ما يمدحه .
معليش أخوي : سؤال أنت مبتعث والا مرافق ؟

ان كنت مبتعث طبعاً انت مُلزم تدرس Full time لأن فيزتك f1 يعني أربع ساعات على الأقل اما المرافق اللي فيزته f2 فهذا ما يحق له يدرس إلا Part time لذلك كثير من المرافقين اللي أعرفهم جايين بفيزة F1 عشان يستفيد من الدراسة أما اللي f2 فا الأفضل يروح يدرس في community college ( سامحني بس حبيت أوضح لك بعض الأشياء يمكن ما تكون عارفها )

أما بالنسبة للأحياء اللي قلت لك طبعاً مهي بقريبه لكن أكبر ميزة في سياتل هي الباصات الصراحة عندهم ترتيب بشكل ما تقدر تتصوره لين تشوف بنفسك , لكن السيارة ضرورية للمتزوج مثلك ومثلي عشان التمشية والإغراض الضرورية للبيت .

بالنسبة للمدارس أمرها سهل جداً بس المطلوب منك أول ماتجي تروح public school وتسجل عيالك وهم يحطونهم حسب العمر ويشوفون لك أقرب مدرسة للبيت وإذا إن شاء جزمت تسجل عيالك ( فيه رقم أخت صومالية تشتغل في public school
بس تتصل عليها وهي تضبط أمورك) .

نصيحة مهمة جداً لك من أخ يحب لك الخير
قبل لا تجي حاول انك تضبط السكن والحضانة للأولاد إذا أهلك يبون يدرسون لأنها بالسرا حتى السيارة لو قدرة من الآن تبحث عنها أفضل وفيه موقع يمكن يفيدك كثير http://seattle.craigslist.org/cta/ حتى لو بغيت تبحث فيه عن الشقق أو الأثاث .

اتمنى مراسلتي على الخاص.

الله يعافيك ياخوي وفعلاً بعض المعلومات ممتازة لي
ولكن انشاء الله اذا تسهلت بعض الامور عندي ابتواصل معك في امور كثيرة اللي عايش في المكان او جربه يكون اعرف فيها

وللمرة الاف الله يعطيك العافية

الله يعافيك ياخوي على المبادرة
وانشاء الله سيكون هناك مراسلة

ولانيب موفر اخخخخخخخخخخخخخ

جمال الله حالك انت واخوي CHANUTE

والله يعافيكم

السلام عليكم ورحمة الله وبركاته
ابغى استفسر عن معهد اللغة ( جورج تاون )الي في ولاية واشنطن
كيف مستواه في التعليم ؟ وياترا المعهد ذا تابع لجامعه ولا لا ؟ وفيه تخصص ( المالية ) ولا لا ؟
بالاضافة لو الوزارة جابتلي القبول في معهد ماابغاه اش الطريقة الي اقدر اعملها عشان اغير المعهد ؟

ارجو انكم تردوا عليا في اقرب وقت
والله يعطيكم الف عافية

لا اعلم عذرا.............

..................................