مبتعث مستجد Freshman Member
الولايات المتحدة الأمريكية
قطر , ذكر. مبتعث مستجد Freshman Member. من قطر
, مبتعث فى الولايات المتحدة الأمريكية
, تخصصى Environmental & Resource Economics
, بجامعة UNIVERSITY OF NEVADA RENO
- UNIVERSITY OF NEVADA RENO
- Environmental & Resource Economics
- ذكر
- RENO, RENO NV
- قطر
- Nov 2009
المزيدl November 16th, 2009, 11:27 AM
November 16th, 2009, 11:27 AM
اتمنى منكم تساعدوني انا طالب قطري مبتعث عن طريق جهة عملي وخيروني بين ثلاث دول امريكا و بريطانيا و استراليا واخترت امريكا ماعرف ليش حسيت اني اميل لها وانها اسهل المهم مالكم في الطويله الموضوع هو انا محتار في اختيار الجامعه حيث ان جهة عملي تركت لي الحريه في اختيار اي جامعه وانا احترت بين جامعتين وهما
الأولى هي university of nevada reno
والثانيه portland state university في اوريقون
انا راسلت جامعة نيفادا وردو علي في نفس اليوم وقالو طرش اوراقك كامله وراح نقبلك في معهد اللغه المكثف التابع للجامعه ونعدك للألتحاق بالجامعه لاحقآ بدون توفل وانا محتار اتوكل على الله ام ان بورتلاند افضل
ويهمني ان معهد اللغه يعدني صح ولاحقآ ابي الجامعه تكون سهله ماهي معقده يعني ابي اموري في الحصول على الشهاده تكون ميسوره لاتعتبرونه كسل بس ابي شي مضمون لأن للسن احكام حاليآ عمري 25 ودرست سابقآ لغه في فرنسا ومابي اضيع وقت لأني ناوي آخذ البكاليريوس وبعدها اكمل ماستر وفوق
ابي المقارنه من ناحية قوة وفعالية معهد اللغه التابع للجامعه وسهولة الجامعه اكاديميآ في الدراسه وابي مقارنه في الجو و المناخ والأمان والترفيه من مولات ومجمعات وسينمات ومن ناحية الأسعار وقربها من المدن السياحيه الأخرى ومن ناحية السكن لأني افضل فالبدايه في السنه الاولى للغه اني اسكن عند عائله وبعد ماخلص اللغه اسكن بروحي وايضآ من ناحية المواصلات لأني فالبدايه ما راح اشتري سياره الا بعد الأستقرار يعني هل هناك صعوبه في التنقل بين السكن عند العائله والمعهد التابع للجامعه والداون تاون والعكس ام ان هناك باصات وقطارات
وأخيرآ التخصص الي اخترته في جامعة نيفادا هو : Environmental & Resource Economics وللعلم جهة عملي عطوني الحريه في اختيار التخصص بشرط ان يخدم مجال وزارة البيئه في دولة قطر
والجامعه الثانيه الي في بورتلاند لقيت تخصص environmental studies واعتقد انه يتفرع إلى environmental economics,policy and management بس ماني متأكد المهم انا ابي التخصص مايكون علمي بزياده لأن تخصصي في الثانويه كان ادبي فرنسي
وفي النهايه سمعت ان بورتلاند مليانه عرب اما نيفادا رينو اعتقد ان مافيها عرب الا 3 او 4 والله اعلم ما ادري اذا هالشي يؤثر او لا انا محتار وأبيكم تنوروني الله ينور دربكم ان شاء الله ياريت من اهل الخبره يشرحون لي مزايا و عيوب المدينتين
أهلا بك اخي الغالي
وعسى الله يكتب لك اللي فيه الخير
بإنتظار آراء الشباب يفيدونك إن شاء الله
bandar.sa November 16th, 2009, 12:20 PM
7 " اخوي الجامعه الي في بورتلاند مليانه عرب ومعهد قوي
والجامعه سهله يعني امورك بتمشي
قل قسم November 16th, 2009, 07:07 PM
7 " مشكورين الي ردو وبأنتظار اهل الخبره
قطر November 17th, 2009, 07:03 AM
7 " اخووووي قطري ياهلا فيييك
بس وانا اخووك وش وداك للغرب ولا للجنووب
ليه ماتروح الشرق جامعات اقوى وكل شي جنبك والولايات الكبار جنبك
على العموم اذا انت ملزم على الجامعتين هذي روح نيفادا وانت مغمض (وجهة نظر)
مين يحصل يروح لاس فيغاس
موووفق
((معالي الشيخ)) November 17th, 2009, 11:23 PM
7 " ورما تجي كلفورنيا
لوس انجلوس وسانتا مونكا وسانتا بربرا وسان ديقو والوناسه والسنع والجو الحلو والجامعات السنعه
وش يودك لصحاري نفيدا حر ولا شي تسويه واورقن مابه الا شجر وماء والشتاء ثلج
الله يحيك بكالفورينا
انس محمد November 18th, 2009, 03:39 AM
7 "
November 16th, 2009, 11:27 AM
والجامعه الثانيه الي في بورتلاند لقيت تخصص environmental studies واعتقد انه يتفرع إلى environmental economics,policy and management بس ماني متأكد المهم انا ابي التخصص مايكون علمي بزياده لأن تخصصي في الثانويه كان ادبي فرنسي