استفسار ممكن مساعدات بخصوص تحديد معهد لغة بكاليفورنيا

السلام عليكم و رحمة الله و بركاته

كيفكم شباب ؟؟ ان شاء الله مبسوطين

الصيفية دي ان شاء الله ابا اطلع امريكا اخذ كورس لغة

و قعدت ابحث في المواقع الي تخص الدراسة في الخارج و من دا الكلام

عشان سمعت انوو الفيزا تاخذ وقت عبال ما تطلع و اذا حجزت طياران من الان يكون ارخص و من هالكلام

المهم من خلال بحث طال تقريبا شهر و شوية في تحديد الولاية ولازلت محتار

و في الاخير رسيت على كاليفورنيا بسبب شعبها و ناسها الي دايما الناس تمدح فيهم و جوها القريب لنا


المهم عشان ما اطول عليكم طحت في دي الجامعة UCI الى تقع في ( Irvine,CA )

و دا الكورس بالتحديد : http://unex.uci.edu/international/english/esl.aspx

و راسلت الجامعة و مبسوووط اخر حاجة لسبب قوة الجامعة كما قرات في هذا المنتدى و اكثر من منتدى و المدينة الرائعة التي تقع فيها الجامعة

ولكن للاسف ما قبلوني طالبين العمر يكون على الاقل 18 !! ،، و انا عمري 17 سنة حالياً ( بالميلادي )

فصرفت نظري عن هذيك المدينة حالياً و اتجهت في تحديد مدينة اخرى في نفس الولاية
و طبيت في جامعة ( California State University, Long Beach )

و هذا هو الكورس : http://www.ccpe.csulb.edu/Continuing...urse_Version=1

و لكن لسه ما راسلتهم و حسب ما قريت في الموقع انه ما في اي كلام عن العمر ،، و لكن بعض الاخوان الي راحوا كاليفورنيا قالوا لي ابعد عن لونق بيتش الجريمة فيها عالية جدا و السكر و خصوصا ان الضرااايب مرره ناار


فمحتار الى الان اراسل الجامعة حقت لونق بيتش ولا لا !!

انتوا ايش رايكم ؟؟ و خصوصاً الي درس فيها


و بايش تنصحوني مدينة في كاليفورنيا تكون رخيصة و فيها معاهد او جامعات قوية ( علماً ان اللغة لدي اكثر من جيد جداً ) و تناسب عمري يعني يقبلو 17 سنة ما عندهم مشكلة ،، و ماهي فارقه معايا مو لازم تكون مدينة كبيرة يعني زي LA ولا LV

و اذا احد جرب معهد لغة قوي و المنطقة ممتازه و لكنها برى كاليفورنيا يا ليت يذكرها كمان ما في مشاكل

و اهم شي ما تكون غالية مره عشاني زي منتو عارفين طالع على حساب الوالد و الميزانية الي حاطها محدوده

فبايش تنصحوني ؟؟ جزاكم الله خير ؟؟

اخوكمــ،،