ابحث عن سكن Tacoma

عزيزي .. من وجهة نظري انا اقترح عليك انك تروح على سكن مؤقت
مثلاً فندق مناسب , حتى تجد السكن الي يتوافق مع ما يناسبك انت وعائلتك بحيث تشوفه بنفسك و تقرا الشروط وكلش ,

لو سألتني ليه ابقولك لان عقود الشقق هناك تكون على فترات طويله يعني على ما اعتقد سته شهور فأكثر ,
فلو حجزت من هنا مثلاً ,, ثم رحت هناك ولقيت السكن مو مناسب لك ,
راح تفكر في التغيير وهنا راح تدخل في متاهات ما لها اول ولا تالي
لان عقود الايجار فيها مسؤليات كبيره ,


وكذلك حتى لو قدم لك احد الاخوان اقتراحات للسكن من واقع تجربته .. انا اعتقد يادكتور ان الي يصلح لغيرك مو شرط يصلح لك , فكل شخص له نظرته و ظروفه ,

وحاول تخلص موضوعك ولا تفكر كثير , اتمنى لك التوفيق

وجهة نظرك سليمة

ولكن الفنادق المناسبة أقل شي 100$ باليوم. الولاية فنادقها غالية جداً والفنادق الأرخص سمعتها سيئة جداً وقريت reviews سيء جداً عنها في الانترنت
لذلك قلت احجز شقة لمدة شهر. بدل ما ادفع نفس التكلفة على خمسة أيام بفندق

سكن الجامعة اعجبتني شروطه ولكن مافيه صور له ولا اضمنه. ومشكلته العقد سمستر كامل. لازم ادفع لهم كاش على الاقل 3000$

مدري هل فيه شقق عقدها شهر .. اذا فيه ممتاز واتفق معك بقوه , وياليت احد يخدمنا !؟

وبالنسبة للسكن الجامعي هو يندرج تحت نفس الفكره السابقه يبقى غامض بالنسبة لي , ولن ادفع 3000 دولار في شي ما اعرفه ولا شفته ,, هذا من وجهة نظري ,

بالنسبة للفنادق شف هالرابط عن فنادق تكوما , وقل وص صار معك


http://travela.priceline.com/hotel/s...0yefm&showDP=y

السلام عليكم ياخوان وانا كمان طالع على معهد امباسي تكوما في 3 مارس وحدي متوهق بالسكن بس ممكن من الافضل ان تاخذ سكن مؤقت لفتره اسبوع ثم تبحث عن سكن واذا حابين نتواصل فيكون احسن

لا تنسونا يا أخوان إذا وصلتوا

السلام عليكم

انا وصلت تاكوما من يومين

واستاجرت شقة مكونة من غرفتين صالة ومطبخ متفوح على الصالة


الايجار 850 دولار

موثثة بالموكيت فقط + غسالة وفرن ونشاف وغسالة صحون وثلاجة

يعني اللي عليك تشتري اثاث غرف النوم والعزبة اذا مو متوفرة


ولكن المشكلة في العقد فاقل مدة هي سنة كاملة

وقيمة كسر العقد هي 1500 دولار

الشقة ليت بعيدة جدا من وليت قريبة جدا من المعهد

يعني يبي لك حوالي 30 ساعة مشي على الاقدام
ولكن المشكلة تكمن في البرد والمطر في الصباح

يستحن يكون معك سيارة او يكون عندك مبلغ سيارة من البداية

الباصات : ( لست متاكد ) سمعت انها تمر من عند المجمع اللي انا فيه ولكن قد تحتاج الى باصين لانها مسارين

بالنسبة لسكنا فصاحبة المكتب قالت بان شقتنا هي الاخيرة والمتوفرة ولكن مو مصدقها لانها في الدور الثالث( سلم صغير وغير متعب )

وشافتنا محتاجين لاي سكن

اتمنى اكون افدتك

واي خدمة انا حاضر

لي شهر ونص يمكن في تاكوما

بخصوص مدة العقد فيه شهر وفيه اثنين. وكثير من المجمعات ما تقبل اقل من 6 شهور.

انا ساكن قريب جداً من المعهد اروح رجلية, والبرد ماهنا برد الله يجزاك خير اذا اليومين الماضية شمس وتشتكين من البرد وش بتسوين بكره الصبح ??

توني انتبه انك رجال. انت في معهد امباسي بالـ PLU ؟
الخميس انا فاضي وناوي اجتمع مع الشباب. اذا ودك نتقابل وتشوف الشباب

سلام عليكم ورحمة الله وبركاته .... اخواني انا في مدينة Kent قريبه منكم 15mile.... ولي فيها تقريباُ ثلاث سنوات .... واعرف المدن الي حولي زين..... اذا بغيتو شي او اي استفسار عن المدينه او اماكن حلوه ... انا في الخدمه