مبتعث إلى فورت كولينز

حياك الله أخوي عاشق الامل ،،والله ان شاء الله انا بعد طالع لفورت كولنز وفيها واحد من الشباب يدرس هناك ،المدينة هادية جدا وحلووووة ،وراح تحصل عوايل سعوديين كثير هناك وفيها نادي سعودي قوي ماشاء الله ونشيط،والأسعار مناسبه جدا ،أما بالنسبه للسكن فالشباب هناك ماخذين سكن خارجي وماعندي خلفيه عن السكن الداخلي ،لكن اذا عندك اي استفسار اكتبه لي وأنا أسأل الشباب عنها وان شاء الله ماراح يقصرووون.

تحياتي لك

أخوي هاوي نغم
ألف شكر على المعلومات وما تقصر
بس حالياً لقيت بروفوسور في منسوتا معرفة زميل لي في العمل
هذا البروفيسور أمريكي مسلم وتعرف أهم شيء في مرحلة الدكتوراة المشرف عليك
فأحتمال أغير أروح منسوتا
بس ما أعرف عنها أي شيء
لك الشكر مرة ثانية وإذا أحتجت إي معلومات أدري أنك ما راح تقصر

السلام عليكم.
انا موب KAS لكن اخذت اسمه علشان ارد عليك.
اولا مرحبا فيك في فورت كولنز.
ثانينا المدينه من ابدع ما يكون السكان جدا حبيبين وفيها تقريبا كل اللي تحتاجه فما راح تضطر انك تطلع منها واجد. العوائل السعوديه منتشره فيها بكثره نوعا ما. يعني الاهل ماراح يملون باذن الله.
بالنسبه للسكن الخارجي تتراوح اسعاره لانه بعضه في اثاث واغلبه مافيه. انا انصح انك اول ما تجي تسكن في السكن الداخلي للتابع للجامعه. هو صحيح تابع للجامعه لكنه برا الحرم الجامعي لكن في نفس الوقت قريب جدا للجامعه ما يفصلك عن الجامعه الا شارعين تقريبا. هذا السكن يسمى اليونوفيرستي فيلج "university village" فيه ال 1600 و ال 1700
الان ال 1700 اجدد من ال 1600 وافضل اثاث على حسب ما سمعت واحسن شي فيه ما يسمحون للعزاب انهم يسكنون فيه. وفيه كم عائله سعوديه ساكنين هناك. لكن صعب انك تستقبل ضيوفك فيه لان المطبخ والصاله مفتوحات على بعض. اما بالنسبه ال 1600 فهو افضل من ناحيه استقبال الزوار لان الدرج يفصل بين المطبخ والصاله. لكن ال 1600 فيه عزاب واجد وواجد منهم سعوديين. وللاسف مو دايما يكونون محترمين. اما بالنسبه للاسعار ال 1600 الشقه كامله عباره عن حمام وانت بكرامه وغرفتين نوم وحده كبيره واخرى صغيره ومطبخ وصاله وهي دورين. سعره تقريبا $570-$600. اما ال 1700 والله ما ادري كم لكن ماراح يكون اغلى من $600 دولار باذن الله. السكن يمشي الحال. انا انصح انك تسكن فيه اول ما تجي لانه ماثث وماراح تدفع الا الاجار. لا كهرب ولا مويه ولا انترنت. العفو الانترنت تدفع $150 مدى الحياه. يعني اذا دفعتها خلاص مادام انك ساكن في سكن تابع للجامعه ماراح تضطر انك تدفع غيره. لكن هذا مو الحال لو سكنت في الخارج. القرين كارد هذي اللي والله ما اقدر افيدك فيها. على العموم اذا عندك اي اساله تفضل وراسلني على الايميل التالي
M_A_S777@hotmail.com
لا تحاول انك ترد علي هنا لان زي ما قلت هذا مو اكاونتي وانا ما راح اقرى اي رد ثاني
اسمي معاذ وانا من سكان فورت كولنز صار لي سنه ونص.
السلام عليكم

سلا م عليكم يا شباب

ابي خدمة يا شباب انا مقدم على جامعة ولاية كولورادو من ثلاث اسابيع والى الان ما جاني منهم رد ؟؟

ابي حل ياشباب بليييييييييز ؟؟؟؟

السلام عليكم
انا طالب مبتعث لمرحلة الماجستير تخصص محاسبة . وناوي ادخل معهد و جامعة ولاية كلورادو في فورت كولنز .
فما رايكم في المعهد هل مستوه مناسب . وكيف السكن بالنسبة للعزاب هل يفضل السكن مع عائلة ولو بشكل مبدائي.

اخوي عاشق الامل السلام عليكم انا حاب استفسر عن التوصيل من مطار دنفر الي فورت كولنز لأني جاي بعد كم يوم وماني عارف شي ياليت تساعدني الله يجزاك خير

من ناحية المواصلات العامة لا يوجد غير باصات السوبر شتل وتقدر تدخل على موقعهم اونلاين وتحجز لك تذكرة وتدفع بالفيزا وراح يرسلو لك التذكرة على ايميلك ووقت ماتكون بالمطار روح لمكتبهم في مطار دنفر بتلقى اسمك موجود
على فكرة كمان تقدر تحدد المكان اللي راح تنزل منه لو كنت تحب تنزل في فندق قريب من الحرم الجامعي .. وهذا موقعهم

SuperShuttle Airport Shuttle Service LAX SFO DIA PHX DFW TPA JFK BWI IAD SAN DCA SMF MCI IAH LGA MSP EWR AUS SNA HOU BUR DAL OAK BNA ONT LGB RDU SJC AZA ISP PTP PIE CDG ORY BVA Airports

وهذا رقمهم 9704820505

هذي هي الشركة الوحيدة اللي تعطيك توصيل من مطار دنفر لفورت كولنز وخيارك الثاني هو التاكسي بس بيطلع لك غالي
لو احتجت اي استفسار راسلني بالخاص لاني ماادخل المنتدى كثير وتوصل بالسلامة ان شالله