حوار Arizona State University - American English and Culture Program

March 8th, 2010, 11:22 AM

هذي سوال ارسل لي اياه احد الاخوان وما قدرت ارد على البريد الخاض فيه لأن مشاركاتي اقل من 30 , بس حبيت اشارككم الرد و اتمنى ان المعلومات توصله :
الاسئله عن جامعه Arizona State University و بالتحديد American English and Culture Program.
الأجوبه بالعريض ,,,,
الرساله كانت كالاتي "
السلام علكيم ورحمة الله وبركاته


كيف اخوي روبوت

اخوي انا طالب مبتعث ولله الحمد وانا موجود بامريكا الحين صار لي 5 شهور تقريبا, وانا في معهد سيء للغايه والمدينه اسواء من كثرة تواجد العرب والسعوديين بشكل غير طبيعي.

المهم يا طويل العمر حبيت اسالك هل انت باقي باللغه ولا بالجامعه؟
أنا حاليا بالجامعه و درست بالمعهد حوالي 6 شهور, ولي بالجامعه حوالي سنه.
وكيف تشوف المعهد ؟
المعهد ممتاز بس على فكره المعهد كبير و الدراسه تكون في كلاسات الجامعه و هذا كان شي ايجابي بالنسبه لي لأنه يعودك على دوام الجامعه, و على فكره, الجامعه من اكبر الجامعات بأمريكا.أظنها اكبر جامعه هالسنه بعد.
وكيف عدد الطلبه العرب في المعهد او في الكلاس؟
فيه كثيير سعوديين بالمعهد بس ما راح تعرف الا 2 او 3 لأن الكلاسات كثيره و طلاب المعهد كثار. و بالنسبه للكلاس الواحد: راح تلقى معك سعوديين في المستويات الاولى بس فالمستويات المتقدمه نادر.
وكيف تشوف المدينه هل هي حلوه ولا مملله؟
المدينه رايقه. يعني حقت دراسه. ما فيها شي جديد بس حلوه و ناسها حلوين. من ناحية الأسعار المدينه تعتبر رخيصه وقريبه من ولايات ممتعه: مثل كليفورنيا. يعني وقت الدراسه بتدرس وتوفر. و وقت الاجازه بتسافر وتوسع صدرك.
وهل اهل المدينه طيبين (فرندلي) ولا لا؟
اهلها معظمهم طلاب جامعه يعني يختلفون. بس ما فيه مضايقات و عنصريه يعني. و بشكل عام فالتعاملات طيبين.
اسف على الاطاله
"
اتمنى اني اكون افدتك و اللي عنده اي سوال او استفسار عن الجامعه او المعهد او المدينه يبشر باللي اقدر عليه. وعلى فكره فيه نادي سعودي و انا راح اتواصل معهم اذا فيه اي استفسار.
ملاحظه: حتى اللي متوهق توه جاي و ما يعرف شي . الشباب في النادي ما قصروا مسووين خدمه توصيل من المطار و مساعد بالحصول على سكن.

• نشر عبر تويتر
• نشر عبر فيسبوك
• نشر عبر جوجل