استفسار اريد اسم معهد تابع لجامعه في ولايه Oregon

انا من بورتلاند وجامعة Portland State University مقفله من الوزارة لتكدس الطلاب السعوديين فيها ,, طبعا بورتلاند هي اكبر مدينه في اوريقون ,, اوريقون كل اجوائها مثل بعض,, مطر طول السنه لين يطلع مع اذنك ,,

فيها بعد معهد ELS l بس مو تابع لجامعه معينه ,,معروفه معاهدهم في كل ولايه ,,

في مدينه يوجين او كورفالس هي صغيره ومدينة دراسيه والجامعه اللي فيها قوية وكل من يروح لها يرتاح فيها , اسم الجامعه Oregon State University ,, تبعد عن بورتلاند ساعه وربع اتوقع ,, بس ماعمري رحت لها وهذا اللي اسمعه عنها ,,

بالتوفيق

مشكوووووووور وانا اخوك بس ابيك تفيدني باسم معهد تابع لجامعه تكون مفتوحه من قبل الوزاره عشان اقدم عليه وبنفس الوقت يكون سعره مناسب

معهد ELS على حسب ما سمعت ان سعره بالشهر 1800 دولار يعني غالي مره

بالنسبه لجامعه Oregon State University هذي الكل يمدحها بس مدري هل مفتوح الالحاق فيها ولا مقفلين وهل لها معهد خاص ولا لا

لان تعرف المعهد الخاص بالجامعه يطيح عليك التوفيل والجيمات يعني يسهل عليك امور كثيره

الجامعه مو مقفله من الوزارة والمعهد تابع لها ,, اما اسعار المعهد ماهي عندي ولكن حط في بالك من 2500 -3000 في الكوارتر اللي هو 10 اسابيع تقريبا ,,

مشكور وانا اخوك والله يسهل الامور ان شاء الله

ابسالك الله يعافيك انت ساكن مع عائله ولا بشقه ؟ لاني ابي اعرف الاسعار في OREGON
كم قيمة الشقه او السكن مع عائله .

وكم قيمة الاشتراك الشهري للقطارات الي فيها ؟ مخطط اروح لها وابي واحد فيها عشان اخذ منه العلوم كلها قبل ما اروح لاني بروح على حسابي والميزانيه محدوده

لازم تحدد المدينه اللي بتروح لها لان ايجارات بورتلاند غير ايجارات كورفالس اللي فيها OSU ,, بورتلاند لانها مدينة كبيره وجامعتها بالداون تاون ,, الايجارات بمنطقة الجامعه من 800- 1200 للغرفه الواحده ,,

بس كورفالس اكيد انها رخيصه لان المدينه صغيره ودراسية ,, يعني بتلقى شقه ب 600 دولار بالراحه اتوقع ,,

انا ساكن بشقه بس اني في بورتلاند وساكن ب 1000 لانها وسط الجامعه ,,

بالنسبه للقطارات مافيه قطارات في كورفالس او Max زي مايسمونه هنا لكن في باصات اكيد ,, اشتراك الباصات في بورتلاند بــ 70 دولار تقريبا في الشهر,,

معلومات قيمه اخوي بس اعتقد اني بكون بنفس ولايه اريجون وبدرس فيها باذن الله وجامعتي راح تكون في تنسي في مارتن

عشان كذا سالتك عن المعاهد في اوريجون او المعاهد الي حول ها الديره بس تكون تابعه لجامعات معتمده من التعليم العالي

لاني مخطط ادرس معهد واقدم على معهد الجامعه واكمل الماجستير واتا ما طلعت من اوريجون او حولها لان تنسي مرررررررررررره متعبه نفسياااا الدراسه فيها

ايه انا قصدي تحدد مدينة في ولاية اوريقن لان مافيه مدينة اسمها اوريقن ,,

لا اقصد معهد بنفس ولايه اوريقون

يعني مثلا الرياض = اوريقون
ابي ادرس بنفس الرياض ( اوريقون ) فهمت علي ؟
مو هي الولايه الي فيها قطارات وولا فيها تاكس ؟ هي نفسها ولاية اورقيون ؟