مبتعث جديد New Member
الولايات المتحدة الأمريكية
ظبياني ستايل , ذكر. مبتعث جديد New Member. من الإمارات العربية المتحدة
, مبتعث فى الولايات المتحدة الأمريكية
, تخصصى هندسة مدنية
, بجامعة سياتل
- سياتل, سياتل
- الإمارات العربية المتحدة
- Apr 2010
المزيدl April 7th, 2010, 04:45 PM
April 7th, 2010, 04:45 PM
السلام عليكم ورحمة الله وبركاته أخواني وحبايبي هل السعودية وباجي الدول .. أشحالكم ؟ عساكم بخير واموركم سهالات .. صارلي فترة ادخل المنتدى وبصراحة ماعمري شفت مثل ترابطكم وتعاونكم والله لايفرق بينكم وهاي نتاج تربية ال سعود الاخيار .. يطولي بعماركم انا من بوظبي وبروح لأمريكا ادرس كورس في اللغة وبالتحديد رايح على سياتل .. فـ حبيت اتخبركم شو احسن المدارس والمعاهد للغة في سياتل ؟ بحيث تكون ممتازة من ناحية المنهج وعدد الطلاب العرب فيها قليل ..؟ طبعا التكلفة ماتهمني بقدر جودة المدرسة او المعهد .. بعطيكم ثلاث مدارس وابغي لو حد عنده تعليق عليهم بخصوص دراسة اللغة الانجليزية فقط ينورني ويخبرني 1) سياتل سنترال كوولج 2) كابلن 3) نورث سياتل كوولج ياليت يا اخواني توافوني وانا بظل متابع للموضوع لان الاسبوع الياي لازم احدد المدرسة .. عسانا على الخير نتلاقى وفي حفظ الرحمن .. الله يطول بعمرك يالعساف ..
مشكور على الرد الطيب
وانا بانتظار اعضاء عندهم خلفية اكبر عن المعاهد اللي ذكرتها بالموضوع ..
ظبياني ستايل April 7th, 2010, 05:12 PM
7 " حياك الله ياظبياني ,
واضح من كلامك , انك جاي تدرس كورس واحد في سياتل !صح ولا انا غلطانه ؟
لو كورس واحد وانت لغتك ضعيفه نوعا ما وتبي تستفيد بظرف كورس واحد فقط..!
انصحـــك بقوة تدرس بمعهد الكابلن ,
خصوصا انه منطبقه عليهم شروطك, ومناهجهم من حيث المحادثه والمناقشه ممــتازه -لكن للأمانه مايأهلون اكاديمياً -
ونسبه الطلاب العرب قليله جداا , لانهم عادة يروحون لمعاهد تابعه للجامعات ,
فيه نسبه كبيره من الطلاب والطالبات الآسيويات , وهالشي ممتاز , عشان تضطر تحكي معهم بالأنجلش ,
لكــن لو انت لغتك الانجليزيه كويسه , وجاي فقط لدورة وتعمل في شركه او مبتعث من جهه عمل , انصحك ببرنامج اللغه الانجليزيه
للأعمال , في جامعه واشنطن فرع الداون تاون ! جدا ممتاز لرجال الأعمال , فيه الكثير من الفايدة خصوصا انهم يقدمون مواد , لأداره الاجتماعات والمقابلات وكيفيه إدارة الحوار ..الخ
لاحـظ اني مانصحتك بمعهدي معهد جامعه واشنطن -بالرغم من تفوقهم في التدريس والمناهج- , لــكن للأسف ملـيان عرب , في واحد من كلااساتي معي 9 سعوديين , من اصل 14!
والكلاس الثاني , معاي 8 لكــن عرب بالعموم,
يعني ماسمع بالكلاس الا كلام عــربي !! بالله وين الفايده من الغربة والدراسه بالخارج !!
بالنسبه لسياتل سنترال كولج ! ماعندي معلومات عنها ولا حتى نورث سياتل كولج !
اعذرني , وربـي يوفقك بدراستك ,,
سلاف سليمان April 7th, 2010, 05:19 PM
7 " هلا وغلا باهل الامارات كلهم حبايبنا
بصراحة ماعندي خلفية على المعاهد اللي ذكرتمها بس علشانك ظبياني قلت بدخل
وان شاء الله نتقابل على خير بسياتل
بالتوفيق
دحوم 111 April 7th, 2010, 05:47 PM
7 " لازلت في انتظار اراء الاخوان اللي عندهم خلفية عن مدارس سياتل ..
ظبياني ستايل April 8th, 2010, 10:50 AM
7 " هلآ أخوي أنا أنصحك بالمعهد التآبع لـ جآمعه Seattle Pacific University بما أنك ناوي تدرس لغة فقط
يعتبر هالمعهد ثاني أقوى معهد في الولاية عموماً ، و نسبة العرب فيه تعتبر قليلة بالنسبة للمعاهد الأخرى .. طبعاً عندهم مناهج مناسبة لكل مستوى و رآح تستفيد كثير منهم ..
و أيضاً عندك معهد جامعه وآشنطن .. معهد قوي بس العيب أن العرب فيه مليانين بنسبة كبيرة جداً ..
موفق إن شاء الله
طــــ TaReQ ــــارق April 8th, 2010, 11:09 AM
7 " ما قصرت يا خوي طارق وانا راح اشوف الجامعة اللي قلتلي عنها ..
مافي اخبار عن السياتل سنترال كولج ؟؟
ظبياني ستايل April 8th, 2010, 05:53 PM
7 "
April 7th, 2010, 04:45 PM
السلام عليكم ورحمة الله وبركاتهأخواني وحبايبي هل السعودية وباجي الدول ..
أشحالكم ؟ عساكم بخير واموركم سهالات ..
صارلي فترة ادخل المنتدى وبصراحة ماعمري شفت مثل ترابطكم وتعاونكم والله لايفرق بينكم وهاي نتاج تربية ال سعود الاخيار ..
يطولي بعماركم انا من بوظبي وبروح لأمريكا ادرس كورس في اللغة وبالتحديد رايح على سياتل ..
فـ حبيت اتخبركم شو احسن المدارس والمعاهد للغة في سياتل ؟ بحيث تكون ممتازة من ناحية المنهج وعدد الطلاب العرب فيها قليل ..؟
طبعا التكلفة ماتهمني بقدر جودة المدرسة او المعهد ..
بعطيكم ثلاث مدارس وابغي لو حد عنده تعليق عليهم بخصوص دراسة اللغة الانجليزية فقط ينورني ويخبرني
1) سياتل سنترال كوولج
2) كابلن
3) نورث سياتل كوولج
ياليت يا اخواني توافوني وانا بظل متابع للموضوع لان الاسبوع الياي لازم احدد المدرسة ..
عسانا على الخير نتلاقى
وفي حفظ الرحمن ..