يــا اهـــل Bakersfield او الي يعرف عنها شي ؟؟

احس ان الله جابك لي


ههههههههههههههههه


يـ هلا وغلا اخوووي ..ابشرك انا جايب بالايلتس 5 وجبت قبول من جامعة كاليفورنيا ستيت يونيفرستي قبل شهر واستلمت الاي توني منهم قبل اسبوع وانا انشالله اسبوع ورايح لهالمدينه ودراستي راح تبدأ فيها بالفول 2010

الجامعه اعرف فيها اثنين يدرسون فيها وهي اصلا مافيها الا 10 سعوديين والمعهد حقها مافيها الا سعوديين فقطـ

المدينه تعتبر حلوه واسعارها مقارنى بولاية كاليفورنيا هي الارخص واسعارها جدا مناسبه وتكفيك المكافأه وزوود خاصة اذا انت خايف من الشقق ترى اسعارها عاديه زي اسعار المدن الثانيه بولايات ثانيه يمكن تفرق بشوي ..

بالنسبه للشقق انا لي اسبوعين ادرو شقق لقيت شقق حلوه واسعاره مرره ممتازه بس عيوب المدينه شققها اغلبيتها لازم انت تفرشهاا قليل شقق تلقاها مفروشه..

طبعا هذي من حوستي بالانترنت انا بروح بنفسي وابدور هناك يمكن القى النت مو كل شي ولاتاخذ بكلامه..

المدينه حيل هاديه واهلها فرندلي وهذا معروف من سمعة كاليفورنيا انهم فرندلي والشباب هناك يمدحون المدنيه..

وميزتها مافيها سعوديين واجد زي المدن الثانيه..يمكن هي اقل السعوديين فيها لانها مو مشهوره هالمديه


تبعد عن لوس انجلس بالسياره ساعه ونص فقط وهذي حلوه اذا تبي الفله ..

الجامعه حلووه وسهله وهي فرع من جامعة كاليفورنيا ستيت يونفيرستي بس بالنهايه اذا تخرجت شهادتك بتكون من الجامعه الرئيسيه ..


واللي احنا بندرس فيها هذي فرع اسهل بواجد من الرئيسيه ..واعرف فيها ناس لهم كوارترين يمدحونها مررهـ..

وتعامل الجامعه مررره حلو ومتساهلين حيل ويردون على الايميلات اول بأول ..

وتعجبني فيك هلاليتك بالنهايه ...

بشرنا بالقبول يالغالي

هلا وغلا سعد يالله حييييييييييييه هلا بالكلاس ميت لووووول

ياخوي طحت علي من السماء انت .. احس انه حنا رايحين هجره مو مدينه شكيت ان فيها سعوديين من كثر ما ابحث على هالمدينة ؟

ياخي ندره السعوديين في المدينة ماتبشر خير ؟؟ خبرك السعودي يدور السهالات والفله ؟ اول مره اشوف جامعه فيها عشر سعوديين لا وفي كالفورنيا ؟؟ الوضع مايبشر بخير ابد ههههههه

بسألك لوبغيت تسكن شقه غرفتين وفي مكان محترم على كم تحصل ؟ انا دورت في قوقل بس المشكله مانعرف المناطق هناك ؟

انا ارسلت اوراقي قبل كم يوم نسخه من الشهاده واختبار الايلس وFG وللحين ماردو تخصصي ان شاء الله MIS الله يسهل ان شاء الله..

كيف الجامعه ؟ تساهيل ؟؟ ولا تصاعيب ؟

واحلى سلام لاحلى زعماء هنا في المنتدى

ههههههههههههههههههههه ياخيو انا اقولك

الله جابك لي من زمان بس ماتصدق

MIS

يالغالي اذا جبت قبول وامورك تمام عشان اعطيك المواد اللي تسجلهااا لان انا ومعي 2 جداد وكلنا نفس المواد..

اي والله انا مثلك بعد هالجامعه غريب مافيها احد انا طحت عليها لاني اعرف واحد نقل لهاا وقالي مافيها سعوديين ولاتنسى هالجامعه مدسوسه محد يعرفها ههههههههههههه
زين فيها 10 سعوديين اللي بيدور بيلقى جامعات مافيها سعوديين

شوف يالغالي


اذ تدور غرفتي وبمكان حلو تلقاها بين 800 دولار وشوي الى 900 دولار تقريبا


ابعطيك موقع

انت حط كاليفورنيا والولايه بيكرس فيلد ودور ع راحتك هذ1 الموقع خطيير

Apartments for Rent | An Apartment Finder & Guide for Rentals - ForRent.com

يالغالي ارسل اوراقك لهم شبه اصليه والايلتس ارسله اصليه

وامورك تتسهل انشاللّه

الجامعه تقدر تقول سهله بس مو انك تحط رجل ع رجل

وهناك مضبطين اعمارناا تعال انت بس وازهلها

هلا بالعيال ماشاء الله الزكرت نفس التخصص شف الصدف ؟؟

بس انا ان شاء الله جايكم على جانيوري بدايه السنه الجديدة

ماقصرت ياكلاس ميت عطيت معلومات قيمه للي يفكر في الدراسه في هاذي الجامعة ..

انا برسلك ايميلي اذا ماعندك مانع عشان نتواصل ونرسم خططنا المستقبليه ههههههه ..

قدام يالغالي هذ1 ايميلي

s3ad-usa @hotmail.com

بدون سبيـس لاني حاط سبيس عشان ماينحذف الايميل

ومشاركاتك اقل ماتقدر ترسلي خاص

اني ابي اعرف اخر اخبارك ولا جبت القبول عطني خبرر تكفى

انتظر اضافتك

لا انشالله بتلحق عليناا ببعض المواد بيناير 2011

يعطيك العافيه يالخوي ..

تم اضافتك ويكون بينا تواصل ان شاء الله ..