جامعة اريزونا

August 21st, 2010, 09:47 PM

السلام عليكم ورحمة الله وبركاته

مبارك عليكم الشهر ... مابي اطول عليكم بس عندي كم استفسار ولاعليكم امر ..

احتمال كبير اني اروح لأمريكا مرافق لأختي لجل تكمل ماستر هناك .. طبعا انا متزوج وموظف بشركة كبيره جدا في السعوديه ..

لو رحت وياها هل في امل اكمل دراسه التخصص اللي ابيه ؟؟ علما بأني خريج كلية ينبع الصناعيه من عام 2002

بصراحه التخصص اللي ابيه اسمه Supply Chain Management جدا مطلوب في الشركات الكبرى وعوائده ضخمه .. الجامعه الوحيده اللي لقيتها بامريكا توفر التخصص هذا هي جامعة اريزونا ..

وش المطلوب بالضبط لجل التحق بالجامعه ؟ هل اراسلهم واحصل على قبول منهم واقدمه للبعثه على اساس اني مرافق ويمشون اموري ؟؟ ولا لابد ادرس لغة انقليزيه مع العلم ان لغتي ولله الحمد فوق الجيد جدا ؟؟ هل دراسة اللغه مطلب ضروري ؟؟

هل الجامعه بيلتفتون لمجموع الساعات اللي سبقت درستها وتتم معادلتها ؟؟

بالنسبه للمصاريف والمعيشه هناك ؟؟ كيف الوضع هل المكافأة بتغطي الايجار والمعيشه ؟ ولا لابد نعتمد على مصدر اضافي ؟؟

ربما لاتكون هذه الاسئله وحيده ولكن عشمي بالله كبير انكم تتكرمون علي بالاجابه وشاكر لكم افضالكم مسبقا

• نشر عبر تويتر
• نشر عبر فيسبوك
• نشر عبر جوجل