تقرير يوميات مبتعث لفلاق ستاف (طآزه) خخخخخ

و اي استفسار ان شاء الله انا حاضر و بعد اذن اخوي رجهـ بس رزهـ

إياد ماقصرت يالغالي والله يجعله في موازين حسناتك والله يوفقنا وياكم

شايل هم الله يفرجها

هلا وغلا عزوز
كيفك يالغالي ..... لك وحشه .

والله بالنسبه لي خلااااااص قمت التعقيد.... القبولات يقولون عند الملحقية .. والظاهر إنها ضاعت بعد ما نقلوا الملحقيه

والآن متوهق بأجيب قبول لي وللأهل والبرنامج هنا راح يعتمدونه إن شاء الله

ولكن إللي محييرني الآن الولاية ...؟

هذا اخر شيء وصلت إليه ,, إما انتظر قبول الملحقيه حتى يسلموووه لنا او اجيب لنا قبووول .



انت بشرني عن الدراسه والأوضاع عندك .

الأخ أيآد

بارك الله فيك ويعطيك الله ألف عآفيه وبيض لله وجهكـ مآقصرت ومشكور والله على المسآعدهـ والله يكتبها بموازين حسنآتكـ





الأخ أحمد






والله اياد الله يعافيه ماقصر عطاك الزبدهـ

وزي ماقالك الاوراق خذ معك اي اوراق تحس انها مهمه (جواز السفر - والاي توينتي وبطاقة الاحوال وشهاداتك وزي كذا اوراق مهمه يعني )
وبالنسبة للحجز زي ماقالك كل ماحجزت بدري كل ماكان ارخص لك وازين
لكن حط في بالك انك تجلس في واشنطن على الاقل يومين
اليوم الاول اللي توصل فيه راح تكون بالفندق واليوم الثاني راح تكون بالملحقية ان شاء الله واليوم الثالث تسافر
لأن الفندق ماراح يعطيك خصم على الحجز الا لما تحجز ليلتين
بعدين ياليت تعلمنا متى راح تجي هنا يعني متى تبدا دراستك

بالنسبة لمطار واشنطن لازم تتكلم انقليزي لأنك اول شي راح تسويه في المطار انك راح تمر على الجوازات وبيسألك وين جاي ووين رايح ويمكن يسالك ليه هالمدينه يعني انت حاول من الحين دام عندك وقت تجمع لك كم معلومه منها تستفيد ومنها تخارج نفسكـ
وعند العفش لاجيت تستلمه اذا لقيت خوال يساعدون عند العفش احتمال يكونون سودانيين يعني انت وطريقتك حاول تحتك معهم شف يمكن يفزعون لك والا عادي تسأل وين القى احد يتكلم عربي ومو مقصرين معك بيدلونك

وان شاء الله الامور تتسهل يعني ماعليك بإذن الله خوف ...



بالنسبة لموبايلي والله ياخي ماادري عنهم تبي الصدق يعني تروح لمكتبهم وهم بيفيدونك
بس زي ماقال اياد يعني لو تدخل ماسنجر او سكايبي يكون افضل منها توفر فلوسك حق الشريحه والخدمه وكذا ومنها انهم يشوفونك وتشوفهم وترتاح
لأن الفندق فيه انترنت ويعني اساسا من تدخل المطار الين تعدي المقريشن ماراح يكون فيه ارسال اتوقع يعني مابتضرك ساعه زياده على بال ماتوصل الفندق وتدخل ماسنجر او سكايبي...


وبالنسبة للملابس والله على حسب متى بتجي انت بس يعني لو تاخذ لك جكيت محترم ويفضل يكون اللي ضد المطر يكون افضل
لأن عموما الملابس هنا غاليه تعتبر


وتحياتي لكـ

هلابك زود حبيبي ألبي والله
والله تمام ياربي لك الحمد
مايوحشك وحش هههههههه

وشلون ضاعت القبولات !!
والحين فترة كريسماس يعني ماراح يردون عليك
لعلها خيرة يارجال
بس انت برضو حاول تحن عليهم وكذا واذا قدرت تنقز للتعليم العالي وتشوف وش الوضع وييسرها ربكـ



والله انا ياربي لك الحمد الحين إجازة والحمدلله أبشرك نجحت وعديت المستوى اللي انا فيه أنا واخوي كلنا عدينآ الحمدلله
وأبد الجو بارد جدآ الدنيآ ثلوج
ههههههه
وبس


تحياتي لكـ أبو ريمآ
نورت

الحمد لله الانجليزي اقدر اداقش فيه و الحمد لله الامور طيبة

اما بالنسبة لنقطة بطاقة الاحوال .. هل لازم اجيب الاصل ولا اكتفي بالصور منها ؟ لاني افكر هل يومين اجدد البطاقة و اعطيها للبنك علشان بطاقتي الحالية تنتهي بعد سنة و خايف ينشب لي البنك فيها و يوقف الحساب علي !

.................................

اما المهم :

اليوم سمعت ان صارت امريكا صعبة من ناحية التحاق الدارسين على حسابهم الخاص ، و 2 قالوا لي هل كلام + واحد فاتح موضوع في المنتدى عن الاتحاق و ذكر هل نقطه ، رغم اني دايم اردد ان اصحاب البكلريوس هم الي ينتظروا كثير علشان يدخلوا على حساب البعثة ، اما الامور سهالات بالنسبة لجماعة الماجستير و الدكتوراه ، و السؤال : هل تعرف او سمعت عن احد من الدارسين على حسابهم الخاص و الحين حول على حساب البعثة ؟ و كم جلس ، لان الموضوع بصراحة مره يخوف يا اخوي.

انا بإذن الله بجي لواشنطن يوم 23 شهر 2 يوافق بإذن الله يوم اربعاء ، و بجلس بواشنطن الين يوم 27 او 28 ( يعني تقريبا 4 ليالي ) وبعدها بهج على ولايتي ، ومافهمت نقطة الخصم ؟ يعني احنا كدارسين على حسابنا الخاص ما بينحسب عليا الليلة بـ 93 دولار ؟ ولا بيحسبوها بالسعر العادي رغم اني بجي للفندق ان شاء الله مع سواق الملحقية ، هل ممكن اقول لهم اني طالب دارس على حسابي الخاص ؟ لان بصراحة اكثر من 100 دولار خراب بيوت يارجل !

.............................

و بالنسبة للملابس ان شاء الله خير ، اول شي بروح موعد السفارة الي بإذن الله تحدد يوم 16 شهر 1 ، يعني قدامي اسبوعين و يومين و الله يكتب الخير ، بعدها بنزل يا حبيبي ابدا اقضي ملابسي كلها ، لان قبل السفر بأسبوع بنطق في البيت و راحة و روقااااااان ، مابي اكرر غلطة اخوي لما سافر بريطانيا ، تخيل قبل الطيارة بـ 6 ساعات و احنا نجهز معاه الشنطة ! ، فالفكرة اني بجلس اكل بيك قبل لا امشي ههههههه

الله يجزاكم خير ماقصرت ياإياد

ولايهون رجه ماقصر الله يجزاكم الجنه ووالديكم

أنا إن شاء الله يوم 1\2\1432 يوافق 5\1\2011

راح يكون الإقلاع تسعه صباحا

ادعولي بالتوفيق وتسهيل الامور يارب

بالتوفيق جميعا

^^^

الله يوفقك يا طيب و تلتحق بسرعة اذا انت على حسابك .. و بعدين يارب ما تنسانا من تقريرك و تعطينا جنط 18 انش نيكل مخدش بعد

كويس الحمدلله
أجل داقش ياصقيقي ولايردكـ أحد ههههههه

بطاقة الأحوال والله ماادري هل لازم الأصل أو لا لكن أهم شي يكون عندكـ صورة منهآ لأن الملحقية يطلبونهآ..

وانت جرب حظكـ اذا الأحوال بيغيرون لك بطاقتك كويس واذا لآ ان شاء الله ماعندكـ مشكلة


بالنسبة للألتحاق بالبعثة أعرف كثيرين والله انضمو السمستر اللي راح يعني خلال شهرين ثلاثة كثيرين مرا انضمو للبعثه
لكن برضو فيه ناس للحين ماانضمو والله يعني ماادري صراحه وش الاجراءات أو وشلون يختارون من اللي ينضم ومين اللي ماينضم
يعني بالعربي محد يقدر يضمن لك شي
لكن اعلمك والله كثيرين انضمو
وانت اذا قدرت تطع من السعودية بأمر إركاب من التعليم العالي راح تتيسر أموركـ بإذن الله
أما وشلون تجيبه والله ماادري عنه بس الغالبية يقولون خل وجهكـ مغسول بمرق ....


نقولك يارب توصل بالسلامه ويوفقك ربي وماش مصمم الى الحين ماتعلمنا اي ولآية رايح لها انت


بالنسبة للخصم ماني متأكد لكن بس بإذن الله راح يعطونك يعني اذا قدرت تجي مع سواق الملحقية لانه هو اللي بيوديك الفندق عرفت ف بيعطونك خصم بإذن الله ...



والله ماودي أخوفكـ أو أقلقكـ لكن تعرف مواعيد السفارة أحيان يكون فيهآ تأخير وكلام فاضي
يعني اخوي جلس شهر الظاهر او اكثر على بال ماعطوه الفيزا وفيه ناس جلسو اكثر ولا ندري وش الأسباب
لكن واجبنا اننا ندعي لك
يالله يارب ياكريم توفقه وتيسر اموره في السفارة يارب ولايواجه أي تعقيد

هههههههههههه أبد رح السوق وخذ مابدا لك وسلمني على البيكـ هههههه
وعلى العموم الله يوفقك يارب وييسر امورك ويكتب لك الخير وين ماكان يارب

امين يارب ويجزاك بالجنه ووالديكـ
يعني سفرتك ان شاء الله عقب كم يوم صح
الله يوفقك يارب وتوصل بالسلامه ويالله يارب ييسر امورك كلها

الا اقول انت جاي لفلاقستاف صح !!!